Іргетасы 1947 жылы қаланған «Металлург» саябағы ресми түрде қайта пайдалануға берілуге таяу. Қазір мұнда қайта құру жұмыстары жалғасуда.
Саябақ ресми түрде әлі ашылмаса да мұнда келіп, тамашалап кетуіңізге болады. Саябақ жылдың кез келген мезгілінде көрікті. Ең бастысы, барлық ағаштары қырқылмай сақталды. Соның нәтижесінде, саябақтың өзіндік көрінісі айрықша көз тартады.
Қала әкімінің тапсырмасына сай, енді саябақта қоршау болмайды. Яғни, саябаққа серуендеп, демалуға келгендерге мейілінше қолайлы жағдай жасалуда. Мұнда 3,6 гектар жер көгалдандырылып, субұрқақ жаңартылып жатыр. Енді бұл саябақ Абай ауданы тұрғындарының сүйікті орнына айналмақ.
