Қалада апта бойы жалғасқан акцияны Шымкент қалалық Қазақстан халқы Ассамблеясы төрағасының орынбасары Мұратәлі Қалмұратов қорытындылап, белсене қатысқан ұжымдар мен азаматтарға алғыс білдірді.
Игі бастаманың өз деңгейінде өтуіне Шымкент қалалық отбасы, балалар және жастар ісі басқармасы, тілдерді оқыту-әдістемелік орталығы, аудан әкімдіктері мен қаладағы түрлі этнос өкілдері де атсалысты. Мемлекеттік тілде сөйлеу - әр қазақстандықтың міндеті деп санайтын қалалық кәріс этно-мәдени бірлестігінің мүшесі Темур Пак мұндай іс-шараға қатысуды үлкен мәртебе деп біледі.
– Әлемде қазақ халқындай жүрегі кең, көңілі дархан ұлт жоқ деп санаймын. Қиын-қыстау кезеңде барша этностарды құшағына алып, бауырына басты. Өз басындағы қиындығына қарамай бір нанын бөліп берді. Ендеше, Қазақтың нанын жеген адам, тілін де білуі тиіс, - деді Т.Пак.
