Шымкенттегі колледждерде «Отбасы - жанұя жарасымы» жобасы аясында семинар-тренингтер өтуде.

Ресурстық инклюзивті білім беру және психологиялық көмек беру орталығының жетекшісі, арт-терапевт, тәжірбиелі психолог Гүлнар Айтжанова 100-ге жуық студентке «өмірдегі ең басты құндылық – отбасы» екенін талдап, таразылап, түсіндірді.

Жастармен сұрақ-жауап түрінде еркін пікір алмасып, рөлдік ойын әдісімен қызықты семинар өткізген Гүлнәр Тұрмаханқызы өз тәжірбиесімен бөлісе отырып, жастар арасында отбасылық құндылықтарын насихаттады.

Айта кетейік, жобаны Шымкент қалалық отбасы, балалар және жастар істері жөніндегі басқармасы ұйымдастырған.