29 сәуірде Нұр-Сұлтан қаласында Елбасы, Қазақстан халқы Ассамблеясының Төрағасы Нұрсұлтан Әбішұлы Назарбаевтың төрағалық етуімен «Бейбітшілік пен келісім формуласы: әлеуметтік бірлік және жаңғырту» күн тәртібімен Қазақстан халқы Ассамблеясының XXVII сессиясы өтеді.
Осыған орай Шымкент қаласы әкімінің бірінші орынбасары Қайрат Нұртай сессияға үшінші мегаполистен қатысатын делегаттарды қабылдады.
Кездесу барысында қала әкімінің орынбасары ҚХА сессияларында әлеуметтік-саяси, мәдени-рухани салаларға қатысты маңызды мәселелер қаралатынын, биылғы басқосудан да тың жаңалықтар күтетінін жеткізді.
ҚХА XXVII сессиясы жұмысына Шымкент қаласынан 26 делегат қатысады. Олардың қатарында қала әкімі, қалалық мәслихаттың депутаттары, этно-мәдени бірлестіктердің төрағалары мен мүшелері, зиялы қауым және БАҚ өкілдері бар.
