Жуырда Шымкент республикалық «Жас ұлан» мектебінің ұландары мектеп басшылығы мен ата-аналар комитетінің ұйымдастыруымен қалалық №3 балалар үйіне барып, қайырымдылық іс-шарасын өткізіп қайтты.
Мұндағы мақсат – ата-ананың қамқорлығынсыз қалған балаларға моральдық көмек көрсету, оларға патриоттық тәрбие беруде және мамандық таңдауда дұрыс бағдар беру, ағалық жылулықты сезіндіру болатын.
Мектеп ұландары балалар үйінде бүлдіршіндерге қызықты ойындар ойнатып, концерттік бағдарлама ұйымдастырды және түрлі сыйлықтар тапсырды.
Сонымен қатар балақайлардың патриоттық сана-сезімін қалыптастыруда Отан алдындағы борыш туралы әңгімелесіп, көңілдерін аулап қайтты.
Ұландар бұдан кейін тәрбиеленушілермен бірге мекеме аумағын тазалап, ағаштарды әктеді және табиғатты аялау жөнінде әңгімелесті. Балалар үйінің басшылары ұландарға ризалықтарын білдірді.
Сара Спабек,
«Жас ұлан»
мектебінің қызметкері