Әлия ЮСУПОВА,
ҚР еңбек сіңірген спорт шебері

Нұр-Сұлтан қаласында өткен ел тарихындағы маңызды сәттің куәгері болдық. «Тәуелсіздік» сарайында ҚР Президентін ұлықтау рәсімі өтті.
Лауазымына ресми түрде кіріскен соң Қасым-Жомарт Тоқаев елдегі мемлекеттік саясаттың негізгі бағыттарын айқындап берді.

Соның ішінде ең маңыздыларының бірі халықтың әлеуметтік жағдайын жақсарту мен жастарға қолдау көрсету дер едім.
Қ.Тоқаевтың сайлаудағы жеңісі – «Nur Otan» партиясының ғана жеңісі емес.

Бұл – елдегі бірізділік саясатын, тұрақтылық пен бірлікті жақтаушылардың жеңісі. Халық Елбасының сарабдал саясатын жалғастыруды жақтап, мемлекетшіл тұлғаға дауыс берді.
Мемлекет басшысы инаугурацияда сайлауалды бағдарламасын толық жүзеге асыратынын мәлімдеді. Әсіресе, халықты баспанамен қамтамасы ету және ұлттық табысты әділ бөлу бағыттары көпшілігімізді қуантып отыр.

Алға, Қазақстан!