ҚР Сыбайлас жемқорлыққа қарсы іс-қимыл Агенттігінің Төрағасы Алик Шпекбаев Агенттіктің Шымкент қаласы бойынша департаментінің басшылығына Асхат Жұмағалиды тағайындады.

Асхат Жұмағалиұлы 1979 жылы туған. Құқық қорғау жүйесінде, прокуратура және сыбайлас жемқорлыққа қарсы қызмет органдарында 20 жылдан астам тәжірибесі бар. Еңбек жолын прокуратураның қатардағы маманынан бастап, орындаушылық лауазымнан өңірлік департамент басшысына дейінгі лауазымдарды атқарды.

Осы уақытқа дейін Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Солтүстік Қазақстан облысы бойынша департаментінің басшысы қызметін атқарып келді.
Айта кетейік, жаңа басшы қоғаммен тығыз байланыс орнату үшін facebook әлеуметтік желісінде жеке парақшасын ашты.

Арман СӘДУӘЛІ