32 ірі кәсіпкермен меморандум түзілді Избранное

Пятница, 28 Февраль 2020 03:30 Автор  Опубликовано в Қоғам Прочитано 107 раз

Шымкент қаласы – биылғы ТМД елдерінің мәдени астанасы жылы аясында жоспарланған іс-шараларды жоғары деңгейде өткізуге дайындық үстінде.

IMG 20200225 161718

Осы мәселеге орай қаланың бизнес өкілдерімен өткен басқосуда қала әкімінің орынбасарлары Мақсұт Исахов, Алмасбек Мамытбеков, қалалық кәсіпкерлер палатасының директоры Нұрлан Қабыштаев қонақ үйлердің, мейрамханалардың, туристік агенттіктердің, хостелдердің өкілдерін серіктес болуға шақырды.

Мерейлі мереке аясында халықаралық деңгейдегі іс-шаралар ұйымдастырылу жоспарланып отыр. Қажымұқан атындағы Орталық стадионда өтетін Мәдени астана жылының ашылуына қызу дайындық жүргізілуде.

Халықаралық ұйым басшылары келеді.

– Қазақ елінің қонақжайлылығын көрсететін сәт бұл. Сондықтан ауқымды да маңызды іс-шараны абыроймен атқаруымыз керек. Осы орайда серіктес болып, көмектесетіндеріңізге сенеміз, – деді Мақсұт Пернебайұлы.

Кәсіпкерлер мен Шымкент қаласы әкімдігі арасында жасалған әріптестік келісім іс-шаралардың тиімділігін арттырады. Жалпы қаладағы 17 мейрамхана, 15 қонақүй басшылары мен қала әкімдігі арасында өзара келісім-шарт жасалды. Яғни кәсіпкерлерге қонақжайлылық таныту, бағаны көтермеу міндеттеліп отыр.

Тағабай ҚАСЫМ

Л. Гумилев атындағы ЕҰУ-дің 2010 жылғы түлегі. 2012-2013 жылдары облыстық «Оңтүстік Рабат» газетінің, 2014-2016 жыл аралығында республикалық «Спорт» газетінің тілшісі қызметін атқарды. 2013 жылдың тамыз айынан бері «Шымкент келбеті» газетінде тілші болып жұмыс істейді.