Версия для печати

Жаңа сайт COVID-19-бен күресуге көмектеседі

Вторник, 14 Июль 2020 18:55 Автор  Опубликовано в Қоғам Прочитано 2701 раз
Оцените материал
(0 голосов)

5

Шымкентте коронавирус жайлы мәліметтерді жинақтайтын www.covid19shymkent.kz, ақпараттық порталы жұмысын бастады. Бұл бағдарлама мемлекеттік органдарға туындаған проблемаларға жедел назар аударуға, ал тұрғындарға COVID-19 туралы ақпарат алып отыруға мүмкіндік береді.

Қазақстанда баламасы жоқ бұл сайтты U:projects қоғамдық бірлестігінің жас бағдарламашылары жасап шығарды. Олар ұсынған жобаны Шымкент қаласының әкімі бірден қолдады.
– Біз сайтты тестілеуді табысты аяқтап, оны іске қосудамыз. Орталықтандырылған ақпараттық портал Шымкенттегі эпидемиологиялық ахуалдың барлық индикаторлары мен детальдарын көрсетіп отыратын негізгі платформа болады. Жоба үш кезеңнен тұрады. Оның екеуінен өттік. Бірінші кезеңінде жас IT мамандары - Ержан Сонар, Дінмухаммет Жолдыбай, Артем Федоскин и Ильяс Бектас қаламыздағы КВИ туралы талдау мәліметтерін жинақтап, өңдеуді автоматтандыру үшін бағдарлама құрды. Бұған дейін жергілікті денсаулық сақтау және цифрландыру басқармаларының мамандары барлық аурухана, емханалардан, поризорлық орталықтардан қанша бос төсек орын бары, емдеу мекемелеріне қанша науқас коронавируспен, пневмониямен, ОРВИмен түскені, ИВЛ аппаратының, кислород баллондарының, т.б қайсы мекемеде жетіспейтіні туралы ақпараттарды жинады. Әкімге бұл туралы барлық есеп Exсel форматында ұсынылады.
Біз пандемиямен күреске өз үлесімізді қосуды ұйғарып, арнайы сайтты тегін жасадық. Бұл биліктің жұмысын жеңілдетеді, ал тұрғындардың ауқымды ақпараттар алып отыруына көмектеседі.
Біз КВИ туралы мәліметтерді жинақтау процесін мейлінше жеңілдетуді әрі автоматтандыруды ұйғардық. Бұл адами факторды болдырмайды. Мұнда проблемаға назар аударуда әрбір цифр мен істің нақтылығы маңызды.
Бұл қалай жұмыс істейді? Бұл — екінші кезеңнің мәселесі. Ауруханалардағы барлық кезекші дәрігерлер мамандардың қатысуынсыз-ақ сайт арқылы ыңғайлы формада есептерін бере береді. Олар бар болғаны он көрсеткіш бойынша цифрларды ұсынады. Бағдарлама қала басшысына жылдық есепті өзі-ақ беріп тұрады.
Бұл туралы U:projects жобасының негізін салған Тохтар
ӘЛІМБЕКОВ былай дейді:
– Сайтта тұрғындар мен қала басшысына статистикалық мәлімет бөлек жарияланады. Тұрғындар ауруханалар мен провизорлық орталықтардың қайсысында бос орын бар екендігін біліп отырады және бұл цифрлар автоматты түрде жаңарып тұрады. Мәселен, 6-шы емхананың кезекші дәрігері бүгін сегіз төсек орынның босағанын көрсетеді, осылайша адамдар қай ауруханаға барып жатуға болатынын біліп отырады. Сайттан түрлі нұсқаулықтар мен пандемия кезінде ұстанатын ережелерді, мамандардың кеңесін таба алады.
Пандемия кезінде дүрбелең мен түрлі фейк туындамас үшін мәліметтерді бір орталықтан беру өте маңызды. Тұрғындардың жағдайды біліп, түсініп отырғаны, олардың нақты деректерді көріп, сабырлылық сақтағаны маңызды. Себебі соңғы күндері қалада түрлі дүрбелең жағдайлар туындағаны жасырын емес.
U:projects билікке осындай проблемаларды жедел шешуге көмектеседі. Дегенмен біздің әрекетіміз кейбіреулерге басқаша әсер еткенін де мойындаймыз. Мұндай сенімсіздік біздің серіктестеріміз--жас IT мамандарының бізге қосылуына кедергі келтіреді. Ал біз шығындарымызға ешқандай қаржы талап етпей-ақ көмектескіміз келеді. Шымкенттің әкімі бізге сенім артып, қалаға көмектесуге мүмкіндік берді. Егер жаңа ақпараттық жүйе сәттілігін танытса, біз оны басқа қалалармен бөлісуге дайынбыз.
Жаңа порталдың артықшылығы сонда, ол big data жүйесімен жұмыс істейді. Бұл нақты міндеттер мен тапсырмалар үшін пайдалануға қажетті инструменттер, мәліметтерді талдау әдістері және оны пайдалану мүмкіндігі. Дәл осы big data пандемиямен күреске пайдалануға қажет және COVID-19 жағдайын жақсартуға мүмкіндік береді.

 

Асхан ҚОЖАКЕЛДІҚЫЗЫ

ҚазМУ-дің 1979 жылғы түлегі. Көкшетау облыстық «Көкшетау правдасы» газетінде, Сарыағаш аудандық «Сарыағаш» («Қызыл ту») газетінде бөлім меңгерушісі, облыстық «Оңтүстік Қазақстан» газетінде бас редактордың 1-ші орынбасары қызметтерін атқарды. Қазір қалалық «Шымкент келбеті» газетінде жауапты хатшы.