Шымкентте «Шымкент қаласы жауынгерлік өнер Ассоциясының» жетекшісі, Шымкент қаласы мәслихатының депутаты С.Қуандық спорттық филиалдың шәкірттерімен жүздесті. Мерекелік кездесуде ABIK шәкірттері таэквонда спорты бойынша өздерінің өнерлерін паш етті.
Бұдан кейін Ассоциация жетекшілігі мен жас шәкірттер ағаш көшеттерін екті. Бұл күні барлығы 130 көшет отырғызылды. Ассоциация басшылығы, бұған қоса, Ұлыстың ұлы күніне орай қайырымдылық жасап, аз қамтылған 25 отбасыға филиал атынан азық-түлік таратты.
– Наурыз – көктем мен жаңаруды айшықтайтын мереке. Сонымен қатар қайырымдылық пен ізгілік айы. Наурыз мерекесі қарсаңында аз қамтылған және көп балалы отбасыларға қолдау көрсетуді дұрыс санадық, - деді Ассоциация жетекшісі.
Тұрғындар қайырымды іске алғысын білдіріп, ризашылығын жеткізді.
