ШЫМКЕНТТЕ СЫБАЙЛАС ЖЕМҚОРЛЫҚҚА ҚАРСЫ ФОРУМ ӨТТІ

Среда, 08 Декабрь 2021 09:39 Автор  Опубликовано в Қоғам Прочитано 1512 раз

Халықаралық сыбайлас жемқорлыққа қарсы күрес күні қарсаңында Шымкентте «Қоғамда сыбайлас жемқорлыққа қарсы мәдениетті қалыптастыру: қоғаммен байланыс» атты форум өтті.
Іс-шара Antikor ortalyǵy алаңында Сыбайлас жемқорлыққа қарсы іс-қимыл Агенттігінің қалалық департаментімен ұйымдастырылды.

714

 

Форумға Департамент басшысы Шаттық Өтеев, қоғам қайраткері, ақпараттық-ағартушылық штабының мүшесі Шалатай Мырзахметов, арнайы мониторингтік топтың жетекшісі Әсет Әссанди, кәсіпкерлер Палатасы кәсіпкерлердің құқықтарын қорғау және сыбайлас жемқорлыққа қарсы іс-қимыл кеңесінің төрағасы Мелес Сейітжанов және кеңес мүшесі Владимир Накисбаев, жеке сот орындаушыларының өңірлік палатасының, адвокаттар алқасының, Нотариаттық палатаның, бұқаралық ақпарат құралдарының өкілдері, сондай-ақ қоғам белсенділері қатысты.
Форум барысында қоғамның сыбайлас жемқорлыққа қарсы іс-қимылдағы рөліне, іске асырылып жатқан жобаларға, сондай-ақ сыбайлас жемқорлықты жою бойынша ынтымақтастыққа байланысты мәселелер талқыланды.
Алғы сөзінде Департамент басшысы Ш. Өтеев сыбайлас жемқорлықсыз қоғамды қалыптастырудағы қоғам мен бұқаралық ақпарат құралдарының маңызды рөлін атап өтіп, сыбайлас жемқорлыққа қарсы саясатты іске асыруға қосқан үлестері үшін алғысын білдірді.
«Біздің басты мақсатымыз - қоғаммен жалпы азаматтарымыздың өмірін сыбайлас жемқорлықтан азат ету үшін тиісті жағдай жасау.
Бұл үшін азаматтық қоғамның серіктес ретінде қатысуы өте маңызды» - деп атап өтті Шаттық Өтеев.
Форум барысында БАҚ өкілдері арасында сыбайлас жемқорлыққа қарсы мәдениетті қалыптастыруға бағытталған үздік журналистік жұмыстардың жеңімпаздары, сондай-ақ сыбайлас жемқорлыққа қарсы іс-қимылға үлес қосқан қоғам белсенділері марапатталды.
Форум қатысушыларының пікірінше, бүгінгі іс-шара диалог алаңы болып табылады және сыбайлас жемқорлыққа қарсы саясатты іске асыруға қосымша серпін береді.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Нұрбол ОРЫМБАЕВ. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.