Шымкентте мектеп формасын өндіруші тігін фабрикаларының көрмесі өтті. Оған еліміздің әр аймағынан жиналған 30-ға жуық тауар өндіруші қатысты.

DSC 2688

Оқушылар сарайына қала тұрғындарымен қатар мектеп директорлары да жиналды. Жәрмеңкеге қойылған мектеп формалары базар нарығынан 15-20 пайызға арзан, әрі сапалы материалдардан тігілген. Ата-аналардың айтуынша, мектеп және спорт формасы, аяқ киімді қоса есептегенде бір баланы мектепке дайындау үшін қомақты қаржы қажет.

Сол үшін мұндай жәрмеңкелер отбасы бюджетін үнемдеуге, отандық өнімді қолдауға мүмкіндік береді, дейді ұйымдастырушылар.

ҚР Жеңіл өнеркәсіп орындары қауымдастығының президенті Любовь Худованың айтуынша, отандық кәсіпорындар білім беру мекемелердің сұранысын толық қамтамасыз ете алады.

Ал мұндай көрмелер сол отандық өндірушілермен тікелей танысу мақсатында ұйымдастырылып отыр. Алдағы уақытта жәрмеңке қалалық кәсіпкерлік палатасының қолдауымен әр 6 ай сайын өтеді.

Ұлы Жеңіс мерекесі күні Шымкентте «Батырларға тағзым» шеруі өтті. Отан үшін от кешкен майдангерлердің мыңға жуық ұрпағы батыр ата-әжелерінің суреттерін ұстап, бір саппен жүріп өтті.

DSC 6476

Ұлы Жеңістің 74 жылдығына арналған «Ер есімі – ел есінде» салтанатты іс-шарасы аясында ұйымдастырылған мерекелік шара Абай саябағындағы «Мәңгілік алауға» гүл шоқтарын қою рәсімімен жалғасын тапты.

Қала әкімі Ғабидолла Әбдірахымов Ұлы Отан соғысының ардагерлері мен тыл еңбеккерлерін және барша тұрғындарды Жеңіс күнімен құттықтады.

– 9 мамыр – жанқияр ерліктің, еңселі елдіктің рухы өрлеп, Жеңіс жалауы желбіреген күн. Бүгінгі тәуелсіздік тұғырының берік, еңсеміздің биік болуы да, еліміздің өркендеуі мен қаламыздың гүлденуі де осынау мерекенің жемісі.

Қасиетті Отанның бостандығы мен тәуелсіздігі жолында сұрапыл да жойқын соғыста қыршынынан қиылған жауынгерлер есімі ел есінде мәңгі сақталады, - деді қала әкімі.

Ардагерлер «Даңқ» аллеясын аралап, қарулас достарының рухына тағзым жасады. Далада дайындалған сарбаз ботқасынан ауыз тиді. Театр әртістері ұсынған Ұлы Отан соғысы және тыл еңбеккерлеріне арналған әскери өмірден театрландырылған көріністер ардагерлерге мерекелік көңіл-күй сыйлады.

Бұл күні ерлікке тағзым етушілер бірі атасының, енді бірі бауырының, кейбірі соғыста із-түзсіз кеткен туыстарының басына гүл шоқтарын қойды. Осылайша Отан үшін опат болғандарды бір сәт үнсіздікпен еске алып, олардың ерлігін бүгінгі ұрпаққа дәріптеді.

Айта кетейік, сұрапыл соғыс жылдары Шымкент қаласында майданға 23 мыңнан астам азамат аттанып, соның 11 мыңнан астамы майдан даласында мәңгілікке қалған. Бүгінде үшінші мегаполисте Ұлы Отан соғысының 54 ардагері және 4276 ардагерге теңестірілгендер мен тыл еңбеккерлері тұрады.

16 жасар оқушы «Face of Shymkent» сұлулық байқауында жеңіске жетті. Шымкентте алғаш рет өткен байқауда 200-ден астам қыздың арасында топ жарып шыққан 16 мен 25 жас аралығындағы 16 сұлу бақ сынады.

59651960 2512905732052757 6179681374497144832 n

Қалалық отбасы, балалар және жастар істері жөніндегі басқармасы ұйымдастырған арулар сайысы 4 кезеңмен өтті. Біріңғай киім үлгісінде шыққан қыздар алдымен өздерін таныстырса, зияткерлік сайысында еліміздің тарихы, ұлттық салт-дәстүр, әдеп-ғұрып тақырыптарындағы сұрақтарға жауап берді.

Арулар, сондай-ақ, шығармашылықтарын да ортаға салды – ән шырқап, мың бұрала би биледі, актерлік шеберліктерін көрсетті. Соңғы сында шымкенттік бойжеткендер отандық дизайнер Әсел Абдикулованың киім топтамасын дефиледе ұсынды.

Сайыс қорытындысы бойынша «Көрермен көзайымы» номинациясымен Құралай Сейдалы марапатталды. Үшінші орынды Зарина Лесбек иеленіп, 100 мың теңге қаржылай сыйлық табысталды. Екінші орын және 200 мың теңге Наргиз Бақытжановаға бұйырды.

300 мың теңгелік сертификатқа ие болған Арай Муслим бірінші орыннан көрінса, «Face of Shymkent» байқауының жеңімпазы – 16 жасар оқушы Ясмин Наркулова 500 мың теңгеге қол жеткізді. Сондай-ақ, бас жүлде иегеріне халықаралық «Asia Model Festival» байқауына жолдама берілді.

«Face of Shymkent» байқауының өзге байқаулардан айырмашылығы, мұнда қатысушылардың өнеріне басымдық берілді. Яғни, қыздардың шығармашылық қабілеттері, ұлттық салт-дәстүрді жетік меңгеруі мен біліміне ерекше назар аударылды.

Әділқазылар арасында «Оңтүстік аруы – 1989» сұлулық байқауының алғашқы жеңімпазы Ардақ Өмірбаева, «Makeup Shymkent» сұлулық салонының негізін қалаушы және директоры Аида Абдраимова, «Sulu Models» модельдік агенттігінің директоры Ақжамал Абильдаева, Орта Азия аймағындағы Asia Model Festival ресми өкілі, Face of Central Asia байқауының бас ұйымдастырушы Хара Кан болды.

1 мамыр – Қазақстан халқының бірлігі мерекесіндегі салтанатты іс-шарада қала әкімі Ғ.Әбдірахымов жаңа ауданның тұрғындарын қос қуанышпен құттықтады.

DSC 3561

Жаңа үйдегі 177 пәтер – көпбалалы отбасыларға, 108 пәтер – жетім және ата-ана қамқорлығынсыз қалған балаларға беріліп, 255 пәтер басқа да әлеуметтік әлсіз топтағы азаматтарға үлестірілді.

Қала әкімі Ғ.Әбдірахымов Елбасы Н.Ә.Назарбаевтың тапсырмасымен еліміздің жаңа әлеуметтік саясаты іске асып жатқанын мәлімдеп, «Әлеуметтік қамқорлық» мемлекеттік бағдарламасы аясында көпбалалы отбасылар мен халықтың аз қамтамасыз етілген топтарын баспанамен қамту жұмыстары жүргізіліп жатқанын атап өтті.

– Мемлекет тұрғындарды баспанамен қамту, көпбалалы отбасыларға, мұқтаж азаматтарға қолдау көрсету бағыттарында нәтижелі жұмыстар жүргізіп келеді. Халықты қолдауға арналған осы жұмыстарды қуатты мемлекеттер ғана атқара алады.

Өздеріңіз жақсы білесіздер, Шымкент қаласында соңғы жылдары құрылыс қарқыны артты. Жаңа шағынаудандар салынып, мыңдаған отбасылар баспаналы болды. Былтырдың өзінде қаламызда «Нұрлы жер» мемлекеттік бағдарламасы бойынша 1152 отбасы баспаналы болды.

Бұл дәстүр биыл да жалғасын тауып, талай отбасыға баспаналы болу бақыты бұйырғалы тұр. Қаланың даму жоспарына осыдан 3-4 жыл бұрын ғана енгізілген «Шымкент-Сити» заманауи қалашығы бүгін алғашқы тұрғындарын қабылдауда, - деді қала әкімі.

DSC 3747

Шағынаудан таяу болашақта мегаполистің жаңа орталығына айналады, – дейді қала әкімі. Мұндағы құрылыс жұмыстарын танымал «Highvill», «BI Group» сынды ірі компаниялар жүргізеді. Қазір мұнда «Конгресс холл» мен 70 гектар жерге саябақ салынуда. Бұған қоса спорттық арена мен заманауи технологиялар енгізілген орталыққа айналады.

– Жоспар бойынша қалашықта әлеуметтік нысандар – мектептер мен балабақшалар, емханалар және заманауи демалыс орындары, кино және концерт залы, спорт кешені және т.б. көптеген ғимараттар бой көтереді. Жыл соңына дейін 68 тұрғын үйдің құрылысы аяқталып, халық игілігіне беріледі.

«Шымкент сити» - болашағы жарқын мегаполистің жаңа өркендеу бағдары болып бекітіліп, тұрғындар үшін озық стандартты орта болып қалыптасады, - деді Ғ.Рахматоллаұлы.

Айта кетсек, Шымкентте жыл соңына дейін 828 пәтерлі 14 арендалық үй пайдалануға беріледі. Бұдан басқа «7-20-25» бағдарламасы арқылы 246 пәтерлі 5 кредиттік үй берілсе, «Тұрғын үй құрылыс жинақ банкі» арқылы Нұрсәт шағын ауданында 656 пәтерлі 11 кредиттік тұрғын үй, «Шымкент» ӘКК арқылы 1016 пәтерлі 24 кредиттік тұрғын үй халық игілігіне тапсырылмақ.

Жеке құрылыс компаниялары есебінен 1293 пәтерлі 26 тұрғын үй пайдалануға берілмек.

Ал қалашықтағы қоныс тойы барысында тұрғындарға мерекелік дастархан жайылып, іс-шараның соңы думанды концертке ұласты.

DSC 3755

ЕЛДІГІМІЗ – БІРЛІКТЕ

Вторник, 30 Апрель 2019 04:51

Береке бастауы бірлік, ел іші тату тірлік қағидасын ұстанған еліміз үшін 1 мамыр – Қазақстан халқының бірлігі күні мейрамының орны ерекше.

Жыл сайын атаулы мерекеде Қазақстан аумағында тұрып жатқан 125-тен астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқанын атап өтеді. Шымкенттегі SILKWAY халықаралық университетінің ұжымы да Қазақстан халқы Ассамблеясының қолдауымен ынтымақ пен бірлік күнін атап өтті.

Мерекелік іс-шараға жиналған түрлі этно-мәдени бірліктерінің төрағалары университеттегі студенттердің қолөнер бұйымдарының көрмесін тамашалады. Онда қылқалам шеберлерінің 30-ға жуық туындысы қойылған. Бұған қоса университет қабырғасындағы әр этномәдени бiрлестiктер өздерiнiң салт-дәстүрлерiмен, өнерлерiмен таныстыру мақсатында көрме ұйымдастырып, келген қонақтарды әндерiмен, билерiмен қарсы алды.

Шымкент қалалық Қазақстан халқы Ассамблеясы төрағасының орынбасары-хатшылық меңгерушісі Мұратәлі Қалмұратов Қазақстан халқының бірлігі күні еліміздегі ең айтулы, орны ерекше мемлекеттік мерекелердің бірі екенін атап өтіп, жиналған көпшілікті мерекемен құттықтады.

Университет президенті Мадияр Юнусов «Жыл басқарушысы» және «Білім беру ісінің үздігі» төс белгісімен марапатталды. Сондай-ақ, қоғамның дамуына үлес қосып, ғылым мен білім саласында жетістікке жетіп жүрген үздік студенттер Алғыс хаттарға ие болды.

Мереке қонақтары ұлттық тағамдар мен сусындардан дәм татып, тұсаукесер рәсімі де йұымдастырылды. Жиын соңы университет өнерпаздары ұсынған концерттік бағдарламаға ұласты.

Мемлекеттік аудит: Талап күшейеді

Вторник, 30 Апрель 2019 04:49

Әр маусым сайын сала мамандары қоғам өкілдерімен кездесіп, атқарған жұмыстарын баяндап отырмақ. Бұл туралы мемлекеттік аудит саласындағы сыбайлас жемқорлыққа қарсы іс-қимыл туралы өткен семинар-кеңесте айтылды.

DSC 1080

Шымкент қаласы бойынша ішкі мемлекеттік аудит департаменті басқа да органдармен бірлесіп, бюджет қаражатының мақсатты әрі тиімді пайдалауын қамтамасыз ету бойынша жұмыс жүргізеді.

Басқосуда жемқорлыққа қарсы іс-қимыл туралы Ұлттық баяндаманың «Мемлекеттік аудит» бөлімі бақылау және қадағалау органдарының өкілдерімен жан-жақты талқыланды. Маңызды құжатта мемлекеттік аудит және қаржылық бақылау еліміздің қаржылық қауіпсіздігін қамтамасыз ету жүйесінің басты бағыттарының бірі екені айтылады.

– Республикалық бюджетті игеруді бақылау бойынша есеп комитетімен жүргізілген бюджеттік қаржыны игеру мониторингін ұлғайтумен бірге аталған қаржыны игерудегі құқық бұзушылықтардың өсуі де байқалады. Бұл өз кезегінде мемлекеттің бюджеттік саясатын жүргізудегі қадағаушы органдардың маңызды рөлін көрсетеді, - деді Шымкент қаласы бойынша Ішкі мемлекеттік аудит департаменті бастығының орынбасары Ербол Тұрсынбеков.

Жиында сыбайлас жемқорлыққа соқтыратын себептер мен жағдайларды болдырмау мақсатында және мемлекеттік аудит жүйесін жетілдіруге, қаржылық бақылауда мемлекеттің жұмысын жақсарту бойынша нақты ұсыныстар талқыланды. Онда есеп комитетімен тиімділік пен нәтижелілікті анықтау мақсатында мемлекеттік аудиторлық және қаржылық бақылау органдарының қызметін бағалау мәселесі қаралып, сыбайлас жемқорлықтың алдын алу жұмыстарын күшейту керегі айтылды.

Білім мен дағды ұштасса...

Пятница, 19 Апрель 2019 04:33

Шымкенттік оқушылар жаңартылған білім беру бағдарламасында көрсетілген дағдыларды толық меңгеруде. №27 «Мәртөбе» жалпы білім беретін мектебінің ұстаздар қауымы Қаратау ауданы бойынша білім беру мекемелерінің педагогтеріне танымдық дағдыларды дамытудың практикалық тәсілдерін түсіндіріп, семинар өткізді.

семинар1

Көп ұлтты шәкірттер тәрбиелеп отырған мектептің директоры Б. Танеевтің айтуынша, семинар білім мазмұнының жаңаруымен қатар, оқытудың әдіс-тәсілдері мен әр түрлі құралдарын қолданудың тиімділігін арттыруға, кәсіби білім, білік дағдыны дамыта отырып, тәжірибе алмасуға бағытталған.

Әлемдік тәжірибенің озық үлгісін үйретуге көшкен аталған білім ұясында бұл күні тақырыптық көрмелер ұйымдастырылды. «Ғасырлар қойнауынан сыр шерткен – Қазақстан», «Дені сау ұрпақ – Ел болашағы», «Ұлы даланың жеті қыры», «Өнерлінің өрісі кең» атты көрмелерде жинақталған оқушылардың қолынан шыққан бұйымдар мен ғылыми жұмыстар көпшіліктің назарына ұсынылды.

Ал педагогикалық жәрмеңкеде мектеп ұстаздары 7 пән бойынша ашық сабақтар өтті. Тәжірибе алаңы – кәсіби өсу кепілі деп аталатын екінші бөлімде қалалық педагогикалық шеберлік орталығының менеджер-тренерлері коучинг-дәрісін жүргізді. Іс-шара соңы «Абай әлемі» және «Достық» оқушылардың шаңырақ қауымдастығы ұсынған концерттік бағдарламаға ұласты.

SHYMKENT сауда хабына айналады

Пятница, 19 Апрель 2019 04:24

Үшінші мегаполисте «Керуендер оралады» инвестициялық-кәсіпкерлік форумы өтті

Шымкент қаласы әкімдігінің қолдауымен «Shymkent» ӘКК» АҚ және Forbes Kazakhstan ұйымдастырған форумның берері мол болмақ. Елімізге белгілі «BI group» компаниясы қаладағы «Конггресс-холлдан» бөлек жаңа екі шағынауданның құрылысын бастамақ.

DSC 0389

Миллионды қалаға белгілі кәсіпкерлер мен ірі компаниялардың басшылары жиналып, электронды коммерция мен әйелдер кәсіпкерлігін дамыту жайын талқылады. Орта және ірі бизнестің мәселелері де көтерілді.

Үшінші мегаполис жыл санап қарыштап дамып келеді. Инвестиция тарту, құрылыс жұмыстарымен еліміз бойынша алдыңғы қатарда көрінуде.

Сондай-ақ, тұрғындардың күнкөріс деңгейі де артқан. 2018 жылы қала бойынша орташа айлық жалақы 122 мың теңгені құраған.

Бұл туралы Silkway Shymkent Summit алаңын ашқан қала әкімі Ғ.Әбдірахымов «Шымкент қаласының инвестициялық-кәсіпкерлік климаты» тақырыбында баяндамасында мәлімдеді.

Қала аумағында жаңадан бой көтеріп жатқан нысандар мен Shymkent City қалашығындағы жұмыстар да жоспарға сәйкес орындалып келеді. Бұған қоса Шымкент 2020 жылы ТМД елдерінің мəдени астанасы атанбақ.

Бұл форумның Елбасының «Қазақстанның үшінші жаңғыруы: Жаһандық бәсекеге қабілеттілік» атты Жолдауында айтылған міндеттерді орындаудың негізгі алғышарттардың бірі екенін атап өткен қала әкімі жиынның маңыздылығына тоқталды.

– Тұңғыш Президент миллионды қаланың дамуының бірнеше бағытын нақтылап берген болатын. Шымкент, ең біріншіден, Орталық Азияның ірі экономикалық жəне туризм орталығы атануы тиіс.

Шағын жəне орта бизнесті дамыту керек, инвесторларды жұмылдыру қажет. Туризм өркендеуі үшін жақсы инфрақұрылым, замануи əуежай мен теміржол вокзалы болуы тиіс.

Туризм – əлемдегі ең табысты бизнес. Ал Шымкенттің мүмкіндіктері мол: қалада саябақтар, цирк, дендросаябақ, зообақ, концерт залдары бар. Қазір қалада аталған мәселелер бойынша ауқымды жобалар жүзеге асырылуда.

Және бұл жұмыстардың басым көпшілігі инвесторлардың есебінен екенін атап өткім келеді - деді қала әкімі.

Жиынға қатысушыларға мегаполистегі жаңа әуежай, теміржол вокзалы, стадион, Қошқар ата өзені бойының абаттандырылуы мен «Қырғы базарды» жаңарту жобасы таныстырылды. Форумда сөз алған спикерлердің барлығы дерлік үшінші мегаполистің болашағынан күтер үміті зор.

Нақты айтқанда, BI Group компаниясы директорлар кеңесінің төрағасы Айдын Рахымбаев тарихи шаһардың сауда хабына айналарына әлеуеті жететінін айтса, Райымбек Баталов электронды төлем жүйелері туралы кең әңгімелей келе қаланың халқы еңбекқор, жастары білімді екенін алға тартты.

Форумның екінші секциясында қазақстандық кәсіпкер, «TS Development» ЖШС құрылтайшысы және директорлар кеңесінің төрағасы Серік Түлбасов жастарға ірі компанияларда кемі 5 жыл еңбек етіп, өз бизнесін бастау дұрыс деп кеңес берді.

«Технодом» сауда орталықтарының негізін қалаушы Ким Эдуард әлеуметтік-кәсіпкерлік саласын дамыта отырып, көпшіліктің қаржылық сауатын арттыру тиімді екенін айтты.

Бұл компания 250 адамды жұмыс орнымен қамтып отыр. Биыл қалаға 1,6 млрд теңгеден астам инвестиция құюды жоспарлаған. Маркет-плэйс құрып, жастардың идеясын жүзеге асыруға мүмкіндік беретін коворкинг орталықтарын да салмақ.

Silkway Shymkent Summit алаңының екінші бөлімінде Рамиль Мухоряпов Қазақстанда e-commerce дамыту жайында баяндады. Шымкент интернет дүкен құрып, оны дамытуға қауқарлы. Оған мысал ретінде жуырда «Қайнар» бизнес орталығында электронды коммерцияны дамыту мақсатында ашылған «E-Commerce Center» орталығы туралы айтуға болады.

Ал Дана Орманбаева әйелдердің кәсіпкерлігін дамытуды өмірлік тәжірибесінен мысал келтіре отырып түсіндірді. Айта кетерлігі, миллионды қалада кәсіп бастаймын деген әйелдер қауымына үлкен мүмкіндіктер ашылуда. Соның бірі – әйелдер мен жастар кәсіпкерлігін дамытуға бағытталған «Мен кәсіпкер боламын» жобасы.

Форум соңында Серік Түлбасов, Қайрат Мәжібаев, Андрей Лаврентьев, Махмуд Шадиев жиналған кәсіпкерлердің сұрақтарына жауап берді, тақырыптарды жан-жақты талқылады. Танымал кәсіпкерлер өздерінің тәжірибелері мен бизнесті дамыту стратегияларымен бөлісті.

DSC 0340

Страница 10 из 26