Ақпан айында Шымкентте ҚР V-ші Жазғы Спартакиадасының ашылу салтанаты өткен еді. Шымкент қаласы спортшылары командалық есепте 2 орын алды: қоржында – 78 алтын, 68 күміс және 74 қола жүлде. Шымкент қалалық дене шынықтыру және спорт басқармасының басшысы Әлібек Нұртаевтың айтуынша, қала спортшылары Олимпиада ойындарына тыңғылықты дайындық жүргізуде.

370

Қалада әлеуметтік маңызды 10 бағытқа жаңа қоғамдық көліктер жүре бастады. Одан бөлек, 138, 158, 45, 96, 16, 10 және 113 бағыттар бойынша да жаңа автобустар жолаушылар тасымалдауда. Жалпы шаһардағы қоғамдық көлік мәселесін кезен-кезеңімен шешу жоспарда тұр. Қала күніне орай муниципальды автобус паркі де жұмысын бастаған еді. Алда электронды билет жүйесін енгізу, цифрландыру бағытында бірқатар жобалар жүзеге аспақ.

308

Серік СЕЙІТМАН, «Тұлпар мініп, ту алған!» республикалық байқауының ресми өкілі, ақын:

Серік Сейітман

Елімізде оқушылар арасында батырлар жырын жатқа оқудан «Qazaq Epos» республикалық жобасы қолға алынды. Байқау Елбасы Нұрсұлтан Назарбаевтың «Болашаққа бағдар: рухани жаңғыру» және «Ұлы даланың жеті қыры» мақаласындағы міндеттерді іске асыру мақсатында ұйымдастырылып отыр.

«Qazaq Epos» республикалық ағарту жобасы аясында «Тұлпар мініп, ту алған!» байқауы биыл екінші рет өткізілуде. Биылғы басты ерекшелік – жоба республикалық деңгейге шығып отыр. Өткен жылы мектеп оқушылары «Алпамыс батыр» жырын жатқа оқыған-тын. Биыл дарынды оқушылар «Қобыланды батыр» жырын жаттауда.

Екінші рет ұйымдастырылған ұлттық жобаға бірқатар өзгерістер енгізіліпті. Республикалық байқаудың ресми өкілі, ақын Серік СЕЙІТМАН бізге бұл туралы кеңінен баяндап берді.

– Биылғы байқаудың ерекшелігі неде?

– Негізінен, бұл жоба Елбасының «Болашаққа бағдар: Рухани жаңғыру» бағдарламасы аясында қолға алынған іс-шара. Байқаудың басты мақсаты – еліміздің тарихи, мәдени мұрасын сақтап, өркендету, өскелең ұрпақтың шығармашылық және зияткерлік қабілетін дамытуға жағдай жасау. Сондай-ақ, балалар арасында кітап оқуды, қазақ халқының батырлық эпостарын насихаттау.

002

Қазақ тілі және әдебиеті пәні мұғалімдерінің беделін көтеру, жас ұрпақты халық поэзиясына, патриотизмге тәрбиелеу, елдік пен ерлік рухын, намысшылдық, қайсарлық қасиеттерге баулу – негізгі міндеттеріміз.
Жалпы жобаны үйлестіру бойынша республикалық штаб жұмыс істейді. 17 өңір бойынша мамандар бекіткенбіз.

Барлық өңірдің білім басқармаларымен және барлық аудандардың білім бөлімдерімен тығыз байланыс орнаттық. Қазір өңірлерде де штаб ашыла бастады. Өйткені, елордада отырып, бүкіл өңірді бірдей қадағалау мүмкін емес.
Республикалық штабта өздерін көрсете алған жігіттерді өңірлерге жіберіп жатырмыз. Алғашқылардың бірі болып Қызылорда облысы және Алматы, Шымкент қаласында өкілдіктер ашылды. Яғни, осы үш өңірде өңірлік штаб жұмысын бастап кетті.

Жоспар бойынша байқау көктемде басталып, жаз айларында қорытындылану керек еді. ҚР Президент әкімшілігімен ақылдаса отырып, бәрін де оқушылардың жазғы демалысы кезінде аяқтауды жоспарлаған едік. Алайда белгілі себептермен және ата-аналар мен мұғалімдердің өтінішімен байқаудың іріктеу кезеңі қыркүйек айына шегерілді.

Оған елде болып жатқан саяси өзгерістер мен түрлі оқиғалар да себеп. Сондай жағдайларға байланысты байқаудың кезеңдері кейінге қалдырылды. Бір айта кетерлігі, бүгінде мұғалімдер, оқушылар тарапынан өтініштер көп түсуде. Олардың да өтінішіне құлақ асамыз.

Байқауға 6-10 сыныптың аралығындағы оқушылар қатыса алатын. Биыл 11 сынып оқушыларына да қатысуға мүмкіндік беріп отырмыз. Яғни, өткен оқу жылындағы 10 сынып оқушысы жаңа оқу жылында бәйгеге қатыса алады. 9 сыныпты бітіріп, орта арнаулы оқу орындарына түсіп кеткендердің де өтініші жарамды.

Бұл – биылғы жобаның басты ерекшеліктерінің бірі. Тағы бір жаңалық – былтырғы оқу жылында 5 сыныпты оқып, байқауға қатыса алмай қалғандарға да мүмкіндік беріп отырмыз. Яғни, 2018-2019 оқу жылында тізімге алынған оқушылардың ешқайсысының меселін қайтармаймыз, бәрінің қатысуына мүмкіндігі бар.

Былтыр бірінші байқауды Алматы қаласында өткіздік. Қалалық әкімдіктің қолдауымен 1300-ден астам бала бақ сынады. Оларды 500 ден астам мұғалім дайындады. Бұл да бір ауқымды іс-шара болғаны анық.

– Байқаудың басты талаптары мен шарттары қандай?

– Көпшіліктің қолдауына ие болған ұлттық жоба биыл қыркүйекте басталады. Жоба 3 кезеңнен тұрады: біріншісі – аудандық, екіншісі – облыстық, қалалық және үшіншісі республикалық. Нұр-Сұлтан қаласында өтетін финалдық кезең «Қазақстан» ұлттық арнасынан тікелей эфирден көрсетіледі деп жоспарлануда. Бас ақпараттық серіктесіміз – «Қазақстан» телерадио корпорациясы.

Жалпы, «Қобыланды батыр» жырының 29 нұсқасы бар. Байқауға қатысушылар үшін «Марабай жырау» нұсқасын таңдадық. Фольклортанушы ғалымдармен ақылдастық. Оқушылардың қабілетіне, қайсысы дұрыс екеніне зер салып, осы нұсқаға тоқталдық. Байқау шарты бойынша оқушылар жырды жатқа айтып қана қоймай, оның ішіндегі көнерген, тарихи сөздердің мағынасын ашып, қазақ тілі мен әдебиеті оқулығы бойынша әзірленген сұрақтарға жауап береді.

Бір айта кетерлігі, біздің жобаның ресми QazaqEpos.com сайты жұмыс істеп тұр. Онда бүкіл ереже, шарттар, жаңалықтар орналастырылған. Әрі оқушылар « Марабай жырау» нұсқасын да сайттан таба алады.
Сондай-ақ, фейсбук, инстаграм желісінде жобаның жеке парақшалары бар. Күнделікті жаңалықтар әлеуметтік желілерде де жариялануда.

Байқауды қолдау ретінде әлеуметтік желілерде отбасылық эстафета да ұйымдастырылғанынан көпшілік хабардар. Бірақ байқауды эстафетамен шатастырмау керек. Негізінен, эстафета – осы байқауды қолдауға байланысты ұйымдастырылған іс-шара.

– Қазылар алқасы қалай таңдалмақ?

– Әрине, байқаудағы қазылар алқасына жүктелер жауапкершілік жүгі ауыр. Биыл еліміз бойынша 5 мыңнан аса мектептің, 50 мыңнан астам оқушысы бақ сынамақ. Бұл – ауқымды іс-шара. Үш кезеңде де қазылар алқасына зор жауапкершілік жүктеледі. Аудандық турда сол ауданның зиялы қауым өкілдерін мүше етсек дейміз. Негізінен, сол жырға қатыстылары таңдап алынады.

Ауыз әдебиетінен хабары болуы тиіс. Облыстық, қалалық кезеңде мүмкіндігінше сол өңірдің, қаланың тұлғаларын қазы қыламыз. Ресми билік өкілдерінен де 1 адамды қосуымыз мүмкін. Бірақ оның даусы шешуші фактор бола алмайды. Қазылар алқасы кемінде 5 адамнан тұрады. Ал республикалық кезеңде барынша қазақ фольклорының майталмандарын қазылар алқасының төріне шығарамыз.

Әр кезең бойынша жүлдегерлерге қаржылай сыйақы беріледі. Аудандық турдың жүлдесі де қомақты. Шарт бойынша ауданнан жеңіп шыққан, бірінші, екінші, үшінші орын алған бала облыстық кезеңге жолдама алады. Облыстық кезеңде үздік шыққан 1 оқушы республикаға жолдама алады. Республикалық кезеңге 17 өңірден 17 оқушы қатысады.

Аудандық кезеңде жеңіп шыққан балаларға, бірінші орынға 150 мың, екінші орынға – 100 мың, үшінші орынға – 50 мың теңгеден берілсе, оны дайындаған мұғалім де екі есе қаржылай сыйақымен марапатталады. Ал облыстық, қалалық кезеңде жеңіп шыққанға тағайындалар сый – 1 млн теңге. Ал ұстазына 2 млн теңге беріледі.

– Шымкенттің белсенділігі қандай?

– Жалпы осы жобаға қолдау көрсеткен Шымкент қаласы әкімдігіне зор алғыс білдіреміз. Шымкент қаласының оқушыларының, ұстаздардың белсенділігі өте жоғары. Қалада 4 аудан бар. Әр ауданнан үш жеңімпаз шығады. Ол 12 жүлдегер қалалық кезеңге шығады. Соның ішінен 1 бала республикалық кезеңге жолдама алады. Байқау шарты осындай. Әр аймақтың оқушыларының қабілеті қандай екені аудандық, қалалық, республикалық турда анықталмақ.

– Ендеше, сәттілік тілейміз!

Шымкент қаласы Қоғамдық кеңесінің кезекті отырысына ҚР Парламенті Сенатының депутаттары Нұрлан Бекназаров пен Айгүл Қапбарова қатысты.

DSC 4688

Мегаполиске жұмыс сапарымен келген сенаторлар кеңес мүшелерімен пікір алмасып, қоғамдық институттың жұмысын жетілдіру, мемлекеттік бағдарламалардың орындалуын бақылау мәселелері бойынша ой бөлісті. Жиында
Нұрлан Құдиярұлы Қоғамдық кеңес 3 жылдан бері табысты жұмыс істеп келе жатқанын, әлі де жұмысты жетілдіре түсу қажеттігіне тоқталды.

– Өзіміз сайланған өңірдің тыныс-тіршілігімен танысып, атқарылып жатқан жұмыс, өзекті мәселелер жөнінде хабардар болып отыруымыз керек. Президент тапсырмасына сәйкес Үкімет тарапынан Алматы, Нұр-Сұлтан, Шымкент қалаларының дамуына көп көңіл бөлінуде.

Ал қоғамдық кеңес институты – билік пен қоғам арасында алтын көпір болуы тиіс. Қоғамдық кеңестің функцияларын жетілдіру бойынша ұсыныстарыңызды айтыңыздар. Қоғамдық кеңес әрі қарай да қаланың әлеуметтік-экономикалық дамуына үлес қоса береді деп сенемін, – деді Нұрлан Құдиярұлы.

Айгүл Жарылқасынқызы өңірдегі әлеуметтік қолдау шараларына көбірек көңіл бөлу қажеттігін айтты.
– Қоғамдық кеңестің ықпалы мен рөлі жыл сайын күшейіп келеді. Елімізде әлеуметтік реформалар жүргізілуде, жаңа әлеуметтік көзқарас қажеттігі туындап отыр.

Осы мәселеде сіздерге артылар жүк ауқымды деп ойлаймын. Болашақта өздеріңізбен көптеген мәселелер бойынша тығыз жұмыс істейміз, – деді Айгүл Жарылқасынқызы.
Жиында кеңес мүшелері де өз ойларын айтып, ұсыныстарын жеткізді.

ҚР Президенті Жарлығымен Ерлан Қуанышұлы Айтаханов Шымкент қаласының әкімі болып тағайындалды.

Әкім

Қала активіне мегаполистің жаңа әкімін таныстыруға ҚР Президент Әкімшілігінің басшысы Қырымбек Көшербаев арнайы келді.

Жиында ҚР Президент Әкімшілігінің басшысы әкімдерге халық пен билік арасындағы диалогты қамтамасыз етуде, Президент тапсырмаларын орындауда зор жауапкершілік жүктеліп отырғанын айтты. «Қазіргі таңда ең басты міндет те, мақсат та – халықтың басқарушы, атқарушы органдарға деген сенімі мен қолдауын нығайту, халықтың үмітін ақтау» деді Қырымбек Елеуұлы қала әкімдігінің актив мәжілісінде.

Қырымбек Елеуұлы мемлекеттік саясаттың негізгі басым бағыттарын атай келе Ерлан Айтаханов Шымкент қаласының жаңа әкімі лауазымына лайық деп мәлімдеді.
– Мемлекет басшысының кадрлық өзгерістер бойынша тапсырмасымен арнайы келіп отырмын. ҚР Президенті Жарлығымен, Шымкент қаласы мәслихаты депутаттарының келісімімен Ерлан Қуанышұлы Шымкент қаласының әкімі болып тағайындалды.

Бұл азаматты өздеріңіз жақсы білесіздер. Бүгінгі таңда еліміз жаңа қарқынмен дамып, жаңа серпіліс үстінде. Дамудың жаңа жолдарын айқындау, әділетті қоғам қалыптастыру, билік пен елдің арасындағы диалогты қамтамасыз ету – басты талап.

Қасым-Жомарт Тоқаев ел экономикасын жаңа деңгейге көтеру, халықты жұмыспен қамту, ел азаматтарының табысын көбейту, жаңа жұмыс орындарын ашу, әлеуметтік қолдауды нақты ұйымдастыру, аймақ өндірісін қарқынды дамыту, мемлекеттік қаржы саласын нығайту секілді көптеген мәселені шешуді негізгі міндеттер ретінде айқындап берді.

DSC 4552

Бүгінгі өтпелі кезеңде осынау тапсырмаларды орындауға бәріміз жұмыла жұмысқа кірісуіміз керек. Шымкент қаласында да шешімін күткен мәселелер бар. Шымкент қаласы жаңарып, дами беруі тиіс. Жаңа әкім қаланың әлеуметтік-экономикалық дамуына бар күш-жігерін салады деп сенеміз, – деді Қырымбек Елеуұлы.

Жиын барысында Ерлан Қуанышұлы Қазақстан Республикасының халқы мен Президентінің алдында, Отанды өркендету ісіне барлық күш-жігері мен білімін жұмсайтынына салтанатты жағдайда ант берді.

Ерлан Қуанышұлы 1971 жылы 10 желтоқсанда ОҚО Алғабас ауданында туған. Экономика ғылымдарының кандидаты.
М.В.Ломоносов атындағы Мәскеу мемлекеттік университетін, Қазақ мемлекеттік заң академиясын тәмамдаған.

Еңбек жолын 1994 жылы Alem Bank Kazakstan кредит беру департаментінің экономисі болып бастаған Ерлан Қуанышұлы түрлі жылдары ОҚО әкімінің орынбасары, ҚР Президенті Әкімшілігінің мемлекеттік инспекторы қызметін атқарған.

2014 жылдан бастап ОҚО әкімінің орынбасары, 2016 жылдан бастап Отырар ауданының әкімі лауазымын атқарып келді.

Жалақы қарызы азаюда

Пятница, 26 Июль 2019 03:32

Шымкент қаласында жыл басынан бері еңбек қауіпсіздігін сақтау бойынша 586 тексеру жүргізілген. Нәтижесінде 477 еңбек заңдылығын бұзу фактісі анықталып, ескертпелер түзілген. Кәсіподақ ұйымдары 55 еңбек дауын шешуге және 5 жазатайым оқиға орын алған жағдайларды зерттеуге қатысты.

«Шымкент қаласы кәсіподақтар орталығы» аумақтық кәсіподақтар бірлестігінің төрағасы Берік Бекжанов еңбек инспекциясымен бірге, үшжақты құрылған комиссия жұмысы нәтижесінде жүзеге асқан бірқатар шаруаларды баяндады.

– Үш жақты комиссия жалақы қарыздары мәселесін шешу бағытында тиісті жұмыс атқарды. Жыл басынан бері 9 мекеменің 819 жұмыскер алдындағы 121,8 млн теңге жалақы қарызы болса, 6 айдың қорытындысымен оның саны 3 мекемеге азайды. 740 жұмыскердің 107 млн теңге жалақы қарызы өтелді.

Дегенмен, 6 кәсіпорынның 79 жұмыскер алдындағы 14,6 млн теңге жалақы қарызы қалып отыр. 2019 жылдың 6 айында жазатайым оқиғалар саны өткен жылдың тиісті кезеңімен салыстырғанда 13 оқиғаға азайды. Қалада 24 жазатайым оқиға болып, оның салдарынан 24 адам зардап шеккен. Ауыр жарақаттанған адам саны - 8, жеңіл жарақаттанғаны - 13, - деді Берік Айдарбекұлы.

Сондай-ақ, Шымкентте жұмыс істеп тұрған 21 661 кәсіпорынның 1033-де ұжымдық шарт жасалған. Бүгінде кәсіподақтар орталығы жанында жұмыс істейтін татуласу орталығында жалпы 392 адамға көмек көрсетілген. Кәсіподақ төрағасы еңбек шартын жасасудың маңыздылығы, цифрлық жүйені енгізу, еңбек заңдылықтарына мониторинг жүргізудің маңыздылығы жөнінде айтып өтті.

Шымкент қаласында жыл басынан бері адвокаттық және нотариаттық қызметпен айналысу құқығына лицензия беру бойынша аттестациялау комиссиясының 4 отырысы өткізілген.

алимент1

Аттестаттаудан 46 үміткер өтсе, оның ішінде адвокатура бойынша – 21, нотариат бойынша 25 адамға лицензия берілген. Бұл туралы Шымкент қалалық Әділет департаментінің 2019 жылдың І жарты жылдығындағы атқарылған жұмыстар қорытындысы бойынша брифингінде айтылды.

Әділет департаменті басшысының міндетін атқарушы Бақтияр Камалов 2019 жылғы алғашқы жарты жылдықта жүзеге асырылған жұмыстар жөнінде баяндады.

Қалада алимент борышкерлеріне қатысты мәжбүрлеп өндіру шараларын қолдануда сот орындаушыларының, құқық қорғау органдары, жұмыспен қамту, мемлекеттік кірістер басқармасы өкілдерімен бірлескен арнайы жұмыс тобы құрылған. Жалпы қалада алимент өндіру бойынша 8222 іс бар. 59 адам әкімшілік жауапкершілікке тартылған.

Бүгінде Шымкент қаласы бойынша 155 жеке сот орындаушы, 4 аумақтық сот орындаушылар бөлімдерінің құрамында мемлекеттік 8 сот орындаушы қызмет атқаруда. Шымкент қаласынан Түркістан облысына ауысқанына байланысты олардың саны 14-ке азайған.

– «2008 жылға дейін тіркелген цифрланған азаматтық хал актілерін өзектендіру» жөнінде Жол картасы әзірленген еді. 1 шілдедегі жағдай бойынша азаматтық хал актілерінің түрлерін «АХАЖ» ақпараттық жүйесіне енгізуде Шымкент қаласы бойынша өзектендірілуге тиіс 946 639 акт жазбасы өңделуде.

2019 жылдың 1 тамызынан бастап барлық мемлекеттік органдарға, мемлекеттік корпорация және нотариустарға 2008 жылға дейін тіркелген мұрағат акт жазбаларына қол жетімділік беру жоспарлануда, – деді департамент басшысының міндетін атқарушы.

1 шілдеден бастап коммерциялық ұйымдарға жататын заңды тұлғаларды, филиалдар мен өкілдіктерді мемлекеттік тіркеу функциялары әділет органдарынан «Азаматтарға арналған Үкімет» мемлекеттік корпорациясына берілді. Ал функияларды мемлекеттік корпорацияға берген сәттен бастап тіркеуші органның қызметін бақылауды әділет департаменттері жүзеге асырады.

Шымкент қалалық Статистика департаментінің басшысы Ерназар Құлтаев БАҚ өкілдерімен брифинг өткізді. Департамент басшысы 2019 жылғы қаңтар-маусымдағы қаланың әлеуметтік-экономикалық даму көрсеткіштерін, атап айтқанда, демография, тұрмыс деңгейі, еңбек нарығы және еңбекақы төлеу, шағын және орта кәсіпкерлік, өнеркәсіп, көлік, сауда және байланыс салалары бойынша 6 айлық қорытындыларды баяндады.

Статистика

– 2019 жылғы 1 маусымдағы жағдай бойынша қала халқының саны 1 022 449 адамға жетті. Өткен жылғы тиісті кезеңмен салыстырғанда халық саны 2 пайызға немесе 20 158 адамға артқан. 2019 жылғы қаңтар-мамырда халықтың табиғи өсімі 8900 адамды құрады.

Республика бойынша сәби туу мен табиғи өсім көрсеткіштері бойынша қала 4-орында. Бес айда қала бойынша 10 919 бала дүниеге келген немесе 2 пайызға өсті, - деді департамент басшысы.

Шымкентте І тоқсандағы жалпы өңірлік өнім көлемі 470 901,1 млн теңгені құрап, 2 пайызға артып отыр. Өнеркәсіп – 32,6%, көлік және қоймалау – 15,6%, көтерме және бөлшек сауда – 13,9%-ды құрайды. 2019 жылғы 1 сәуірдегі мәлімет бойынша шағын және орта кәсіпкерліктегі жұмыспен қамтылғандардың саны 138 482 адамға жетті.

Жалпы, қаладағы жұмыс күші – 430,6 мың адам. Жұмыспен қамтылғандары - 408,8 мың адам. Ал 126,1 мың адам өз бетінше жұмыспен қамтылды. Сондай-ақ, халықтың жұмыспен қамтылу сауалнамасының нәтижелері бойынша 2019 жылғы І тоқсанда жұмыссыздық деңгейі 2018 жылғы 1 тоқсанмен салыстырғанда сол деңгейде – 5,1% бойынша қалып отыр.

Ерназар Сейітханұлы алдағы халық санағына да дайындық басталғанын, бірқатар жұмыстар атқарылып жатқанын мәлімдеді.

Страница 4 из 50