Еңбекші аудандық соты 2016 жылдың жұмыс қорытындысы бойынша бұқаралық ақпарат құралдары өкілдерімен брифинг өткізді.
Сот төрағасы Низамиддин Жамашовтың мәлімдеуінше қылмыстық іс 2015 жылмен салыстырғанда, 103-ке азайған. Есесіне, азаматтардан түскен арыз-шағым көбейген.
2016 жылы Еңбекші аудандық сотында 11 мыңнан астам іс тіркелген. Бұл алдыңғы жылмен салыстырғанда 2381 іске артық. Оның 8 мыңы электронды хат бойынша жолданған. Медиаторлардың қатысуымен 66 іс қаралды. 3927 азаматтық іс келіп түсіп, оның 122-сі тексерілді. Медиация рәсімдерін қолдануымен 2015 жылмен салыстырғанда 44 іс медация тәртібімен қысқартылған. Сот төрағасының айтуынша, істерді қараудың тиімділігі артқан. Мәселен 100 істің 7-8-і ғана облыста қаралса, қалғаны аудандық сотта шешімін тапқан. 2015 жылмен салыстырғанда қылмыстық істердің саны азайған. Өткен жылы 6 адам бас бостандығынан айырылса, 1 адам әкімшілік қамаққа алынып, санкция берілген.
Сондай-ақ «Сот кабинеті», сот отырыстарында дыбыс-бейне жазу, СМС-хабарландырулар сынды жаңа ақпараттық технологиялар белсенді қолданылуда. Қазіргі таңда Еңбекші аудандық сотында 15 судья қызмет етеді. Еліміз бойынша 1 жылдық тәлімгерлік тәжірибеден судьялық сотқа мамандар даярлануда. Оның үшеуі Еңбекші аудандық сотында біліктілігін арттыруда.
