Шымкент қаласында «Автобус» жедел-алдын алу іс-шарасы өтуде. Рейд барысында полиция қызметкерлері жол ережесін бұзған 250 қоғамдық көлік жүргізушісінің үстінен хаттама толтырды.
Рейд барысында тоқтатылған қалааралық немесе аудан орталықтарына қатынайтын жолаушылар көліктерінің көбісі талапқа сай болмай шыққан. Мысалы, автобустардың кейбірінде жолаушылар орындығына зат тиелген. Ал басқа автобустардың ішіне заңсыз жатын орын қойылған. Тәртіп бұзған азаматтардың барлығына ҚР ӘҚБжК тиісті баптары бойынша әкімшілік хаттама толтырылып, айыппұлдар кесілді.