Сыбайлас жемқорлықпен күрес жолы

Вторник, 17 Ноябрь 2020 10:11 Автор  Опубликовано в Заң Прочитано 2034 раз

Cыбайлас жемқорлық мемлекеттiк билiк органдарында қауiптi. Бұл жағдайда ол мемлекеттiк қызметшiлердiң шешiм қабылдауда беделiн түсiретiн өкiлеттiлiгiнiң және қатаң құқықтық есеп берудiң, шенеунiктердi қадағалаудың жоқтығынан билiктiң монополияға айналуына әкелiп соқтырады. Ол елiмiздiң, қоғамымыздың және жекелеген азаматтардың мүдделерiне көп зиян келтiредi.

Адамзатқа ертеден таныс сыбайлас жемқорлық – заманмен бірге өсіп-өркендеп, небір тегеурінді қарсылықтарға төтеп беріп, қайда мол қаражат, пайда болса, сол жерге тамыр жайып, бүгінге дейін жойылмай отырған қауіпті кеселдің бірі. Басқа дамушы елдер сияқты, біздің жас мемлекетімізді де жегі құрттай бұл кесел айналып өткен жоқ.

 Әрине, сыбайлас жемқорлық сылып тастайтын сыртқы жара емес, бұл тамырын тереңге жайған, өзге сау органдарын шырмап, тыныс-тіршілігін тарылтатын, сөйтіп олардың толыққанды қызмет етуіне қатер төндіретін қауіпті кесел. Оны емдемес бұрын аурудың пайда болу, даму, таралу жолдарын біліп, дерттің қозуына қолайлы жағдай тууына жол бермеу керек. Ол үшін бұл ауруға қоғам болып қарсы тұруымыз қажет. Яғни бұқара көпшілік тарапынан сыбайлас жемқорлық көрністеріне қолдан келгенше тосқауыл қойылып, қолында билігі бар азаматтар осы жолда өзгелерге үлгі болуы тиіс. Сонда ғана халық сенімінің үддесінен шығатынымыз сөзсіз. Сондықтан сыбайлас жемқорлықпен күресу барлық Қазақстан Республикасы азаматтарының азаматтық борышы деп білу керек.

 

Еңбекші ауданы бойынша

Мемлекеттік кірістер

басқармасы жетекші

мамыны Г.Тажиева

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.

Другие материалы в этой категории: « Парақорлықтың алдын алу Сыбайлас жемқорлық »