Аты-жөнімізді ХҚО арқылы қалай өзгертеміз

Понедельник, 11 Октябрь 2021 03:23 Автор  Опубликовано в Заң Прочитано 531 раз

«Азаматтарға арналған үкімет» Шымкент қалалық филиалының өкілдері «Атын, әкесінің атын, тегін ауыстыруды тіркеу, оның ішінде азаматтық хал актілері жазбаларына өзгерістер, толықтырулар мен түзетулер енгізу» мемлекеттік қызметіне өтінішті ХҚО арқылы қалай рәсімдеуге болатынын айтты.

ҚР әр азаматы атын, тегін және әкесінің атын өзгертуге құқылы. Оған кез келген себеп болуы мүмкін: біреулер отбасылық жағдайына байланысты өзгертіп жатса, басқалары – жеке көңіл қалауымен.

Аты-жөніңізді, сонымен қатар азаматтық хал актілерінің жазбаларына өзгерістер енгізу қызметін eGov.kz электронды үкімет порталы арқылы рәсімдеп, уақытты үнемдеуге болады. Сондай-ақ, сіз бұл қызметті АХАЖ бөлімдері мен жергілікті әкімдіктер арқылы да рәсімдей аласыз.⠀

Ол үшін қажет құжаттар тізімі:
• белгіленген үлгідегі өтініш;⠀
• жеке басын куәландыратын құжат;⠀
• 2 дана 3*4 өлшеміндегі фотосурет.⠀
Мелекеттік баж көлемі:⠀
• аты-жөнін өзгертуді тіркеу – 2 АЕК ⠀
• аты-жөнін өзгерту актісі жазбасын өзгертуге, толықтыруға, түзетуге және қалпына келтіруге куәлігі үшін – 0,5 АЕК⠀
Қажет болған жағдайда АХАТ бөлімінің қызметкерлері қосымша құжаттар талап етуі мүмкін.⠀

Жеңілдігі бар жекелеген санаттағы азаматтар мемлекеттік баж төлемінен босатылады. ⠀

Қызмет көрсету мерзімі - 5 жұмыс күні.⠀

2021 жылдың басынан бастап Шымкент қаласының ХҚО-лары арқылы аты-жөнін өзгерту үшін 3 мыңға жуық өтініш қабылданды.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Бахтияр Тайжан. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.