Редакция таңдауы

Ел чемпионатында топ жарды

Орал қаласында дзюдодан жасөспірімдер арасындағы Қазақстан чемпионаты өз мәресіне жетті. Елдің түкпір-түкпірінен жиналған жас татами шеберлері үш күн бойы тартысқа толы жарыс өткізіп, нағыз спорт мерекесін сыйлады. 16 салмақ дәрежесі бойынша 800-ден астам спортшы бақ сынап, мықтылардың мықтысы анықталды.

Чемпионаттың жекелей сынында ұлдар мен қыздар арасындағы жарыс жоғары деңгейде ұйымдастырылды. Өз шеберліктерін паш еткен спортшылар арасынан Шымкент қаласының өкілдері өзгелерден оқ бойы озық шығып, жалпы командалық есепте көш бастады. Жарыстың үшінші күні Шымкент спортшыларының жұлдызды сәтіне айналды. Олар ел қоржынына 2 алтын және 3 қола медаль салып, биылғы чемпионаттың тағдырын шешті.

Алтын жүлдегерлер:
Тұрлыбек Нұрсезім (63 келі)
Тұрлыбек Гүлсезім (70 келі)
Әбіш Пердалы (50 келі)
Күміс жүлдегерлер:
Бекнұр Амангелді (55 келі)
Адия Жанахмет (40 келі)

Қола жүлдегерлер:
Севич Абдукадырова (44 келі)
Бекдәулет Бекишов (55 келі)
Якубова Снежанна (+70 келі)
Абибула Ерасыл (90 келі)
Рүсланұлы Арслан (+90 келі)

Жалпы командалық есепте Шымкент қаласының құрамасы 1-орынды иеленді.
Бұл жарыс жасөспірімдер арасындағы дзюдо спортының қарқынды дамып келе жатқанын көрсетіп, болашақ чемпиондардың табысты жолына үлкен серпін берді. Қатысушылардың жоғары шеберлігі мен жанкешті еңбегі жанкүйерлерге ұмытылмас әсер қалдырды.

Т.ҚАСЫМОВ

Соңғы жаңалықтар