Қазақстанның мемлекеттік тілі – қазақ тілі, ол біздің ұлтымыздың тарихын, мәдениетін, салт-дәстүрлерін, рухани байлығын сақтап, ұрпақтан-ұрпаққа жеткізіп келе жатқан ең маңызды құрал.
Тіл — тек қарым-қатынас құралы ғана емес, ол әрбір халықтың жан-дүниесі, болмысы мен мәдениетінің айнасы. Мемлекеттік тілге құрмет – әрбір Қазақстан азаматының міндеті.
Тіл — ұлттың жаны. Әрбір ұлттың болмысын, мәдениетін, дүниетанымын білдіретін басты кілт. Қазақ тілі біздің халықтың ғасырлар бойы қалыптасқан тарихы мен дәстүрлерін сақтап, бүгінгі ұрпаққа жеткізіп келеді. Олай болса, қазақ тілін білу мен оны құрметтеу — өз еліміздің тарихын, мәдениетін және дәстүрін құрметтеу деген сөз.
Тілдің қастерлілігі оның тек ұлттың шекарасынан ғана емес, оның жүрегінен де орын алғандығында. Қазақ халқы үшін тіл — бұл әр адамның рухы, оның ішкі әлемі. Ата-бабаларымыздың мұрасына деген сүйіспеншілік пен құрметті білдіретін басты белгі осы тілде сөйлеп, қолдану.
Гүлшахар ӨТЕБАЙҚЫЗЫ,
Шымкент қалалық Тілдерді
оқыту-әдістемелік орталығының мұғалімі
