Шымкенттік балалар демалысын қала сыртындағы БекзатСаттарханов атындағы және Машат-Арасан, Қарлығаш, Үш бұлақ, Таң-Шолпан, Көктөбе, Айсанар сауықтыру лагерьлерінде өткізіп жатыр. Жазғы демалыс басталғалы 3131 бала қамтылды. Бүгінде жоспарға сәйкес, өзге балаларды кезең-кезеңімен лагерьлерге жолдау жалғасып жатыр.
Оқушылар тек демалып қана қоймай, түрлі тренингтер мен қызықты ойындар арқылы жаңа дағдылар қалыптастырып, командалық жұмысқа үйренеді. Жазғы демалысты ұйымдастыруда балалардың қауіпсіздігіне, сапалы тамақтануына, бос уақытын тиімді өткізуіне ден қойылған және медициналық қызмет те қолжетімді.
Бұл шаралар өскелең ұрпақтың денсаулығын нығайтып, жаңа оқу жылына дайындығын пысықтайды.
