Қала әкімі Ғабит Сыздықбеков 1-мамыр көшесіндегі өрт шыққан екі қабатты үйдің тұрғындарына жаңа пәтерлердің кілттерін табыстады. Оқиға салдарынан 19 пәтердің 11-і жарамсыз болып, бірнеше отбасы баспанасыз қалған болатын.
Осы жағдайға байланысты қала басшысы жуырда жергілікті тұрғындармен кездесіп, нақты шешім қабылдады — ешкім баспанасыз қалмауы керек.
Зардап шеккен тұрғындарға жанып кеткен пәтерлердің орнына Шымкент Сити және Тұран шағынаудандарынан тең құнды жаңа пәтерлер ұсынылды. Қаланы кезекті аралау барысында Ғабит
Әбдімәжитұлы азаматтардың қуанышына ортақтасып, жаңа қоныс иелеріне ізгі тілегін жеткізді.
Шымкент қаласы әкімінің баспасөз қызметі
