Нұрғиса Тілендиев – ХХ ғасыр көгінде қазақ халқының ұлттық музыка мәдеиетінде аса көрнекті шығармалар қалдырып, ұлттық музыкамызды әлемдік деңгейге көтерген ұлы тұлға. Әйгілі композитор, төлтума дирижер, кемел домбырашы Нұрғиса Тілендиевтің туғанына 100 жыл толуына орай ОБКЖ қарасты №14 балалар кітапханаcында «Өнерге жақынның өрісі биік» атты кеш өтті.
«Өнерлі жастар» үйірмесінің өнер иелерімен үйірме мүшелерінің қатысуымен кездесу кеш өтті. Кешке арнайы шақырылған «Отырар сазы» оркестрінің домбырашысы, қазіргі таңда Ә.Қуатбеков атындағы Достық университетінің доценті Едіге Балабеков шәкірттерімен бірге қатысып, Нұрғиса Тілендиевпен бірге еңбек жолын бастаған сәттері, өмір жолы жайлы естеліктерімен бөлісті. Кітапханашы композитор Нұрғиса Тілендиевтің өмірі мен шығармашылығын таныстырып, бейнеролик көрсетілді.
Кеш соңында оқушылар арнау өлеңдер оқып, өнер иелерімен пікір алмасып, Жамал Омарова атындағы №1 балалар саз мектебінің оқушылары Нұрғиса Тілендиевтің шығармаларын нақышына келтіріп орындады.
Ақмарал ШЫМКЕНТБАЕВА,
ОБКЖ қарасты №14 балалар
кітапханасының меңгерушісі
