Жуырда «Су ресурстары-Маркетинг» ЖШС-нің 2025 жылға арналған инвестициялық бағдарламасын орындау бойынша ақпараттық-түсіндіру туры өтті. Іс-шараға үй және көше комитеттерінің төрағалары, қоғамдық ұйымдар мен БАҚ өкілдері қатысты.
«Су ресурстары-Маркетинг» ЖШС-нің балансында 1929 шақырым су құбыры желілері бар. Инженерлік инфрақұрылымның «жасы» көбінесе 50 жылдан асады. Техникалық талаптарға сәйкес, су құбырлары мен құбырлардың кей бөлігі өзінің көрсетілген қызмет ету мерзімінен асып кетті.
«Су ресурстары-Маркетинг» ЖШС жұмыс істеген уақытында Шымкентте тозған су құбыры желілерін қайта құру және ауыстыру бойынша жоспарлы жұмыс жүргізді. Кәсіпорынның инвестициялық бағдарламаларын іске асыру есебінен 1 126,7 шақырым су құбыры желілері жаңартылды, яғни, олардың жалпы ұзындығының 58,41%. Осы инвестициялық бағдарламаларды іске асырудың арқасында су құбыры инфрақұрылымындағы апаттылық үш есе төмендеді, ал тозу деңгейі 68 пайыздан 56,5 пайызға дейін төмендеді. Алдағы бес жылда желілердің тозуы айтарлықтай төмендейді. Қазақстанның энергетикалық және коммуналдық секторларын жаңғырту және инвестициялық бағдарламаларды іске асыру жөніндегі ұлттық жобаны іске асырудың арқасында оны кем дегенде 33% – ға дейін жеткізу жоспарланған.
Кәсіпорынның балансындағы кәріз желілерінің ұзындығы 463,1 шақырымды құрайды, оның ішінде 111,9 шақырымы қайта жаңартылды. Қазіргі уақытта су бұру желілерінің тозуы 73,52% құрайды. Ұлттық жобаны іске асыру арқасында бұл көрсеткішті 2029 жылға дейін 56%-ға дейін төмендету көзделген.
2025 жылы «Су ресурстары-Маркетинг» ЖШС инвестициялық бағдарламасын іске асыруға 6,5 миллиард теңге бағытталады. Бұл қаражат СРМ ЖШС-нің сумен жабдықтау және су бұру қызметтеріне тарифтік сметадан (42%) бөлінді. Кәсіпорынның инвестициялық бағдарламасы аясында сумен жабдықтау (22,51 км) және су бұру (15,63 км) желілерін қайта құру, жабдықтар мен технологиялық процестерді жаңғырту, қажетті арнайы техниканы сатып алу жүргізіледі.
«Су ресурстары-Маркетинг» ЖШС-нің баспасөз қызметі
