МӘМС аясында жоспарлы түрде ауруханаға жату қажет болса, не істеу керек? Бұл пациенттерді мазалайтын сауалдардың бірі.
Пациент тіркелген жері бойынша емханаға барып, дәрігердің қарауынан өтеді. Қажет болған жағдайда емдеуші дәрігер тиісті тексерулер тағайындап, жатқызуға жолдама жазады. Пациент дәрігермен бірге қалаған медициналық ұйымды таңдай алады.
Одан кейін емдеу хаттамасына сәйкес зерттеулердің тізімі беріліп, пациентті «Емдеуге жатқызу бюросы» порталына кезекке қою рәсімі жүргізіледі. Осыдан кейін пациент емдеуге жатқызу талонын алып, өзінің кезегін BG.EISZ.KZ портал арқылы бақылап отыра алады.
Егер науқасқа ота жасалған болса, отадан кейін өз емханасында дәрігер бақылауында болып, емді жалғыстыра алады. Қажет болған жағдайда дәрігер пациентті медициналық оңалтудан өтуге жібереді.
Айгүл Қылышбаева,
Шымкент қалалық №6 емхананың бас дәрігері
