Ө.Жәнібеков атындағы ОҚПУ-дегі Жансая Әбдімәліктің шахмат мектебінде жастар арасында жолдастық кездесу өтті. Аталған іс-шара «Ауыл» партиясы мен Шымкент қалалық Жастар ресурстық орталығының бірлесе, Абай Құнанбайұлының 180 жылдығына арналған «Бұлақ көрсең – көзін аш» жобасы аясында ұйымдастырылды.
«Бұлақ көрсең – көзін аш» қағидаты негізге алынған шахмат турнирі жастардың бойындағы дарын мен қабілетті ерте танып, олардың дамуына жағдай жасауға бағытталған. Сайысқа 15 кәсіби шахматшы мен 25 әуесқой жас шахматшы қатысты. Олардың арасында мектеп оқушылары, колледж студенттері және университет жастарынан бөлек, ауылдық өңірлерден келген қатысушылар да бар.
Жарыс барысында шахматшылар өз шеберліктерін көрсетіп, бір-бірімен тәжірибе алмасты. Қатысушылар арнайы алғыс хаттар, естелік сыйлықтармен марапатталды.
«Ауыл» партиясы бұл бағыттағы жұмыстарды жүйелі түрде жалғастырып келеді. Соңғы екі жыл қатарынан жас суретшілер арасында шығармашылық байқау өткізіліп, онда ауылдық өңірлерден шыққан жас таланттардың еңбектері кеңінен танылды.
«Ауыл» партиясының басты ұстанымы – еліміздің әрбір жасының бойындағы мүмкіндіктерді аша отырып, ел болашағын қалыптастыруға үлес қосу. Партия жастармен жұмыс істеуде нақты жобаларға сүйеніп, тек қала жастары емес, шалғай ауылдардағы дарынды өрендерге де қолдау көрсетуге ерекше мән беріп отыр
Т.ДҮЙСЕНБЕКҰЛЫ
