Версия для печати

ҰЛАҒАТТЫ ҰСТАЗДАР МАРАПАТТАЛДЫ Избранное

Пятница, 28 Август 2020 04:02 Автор  Опубликовано в Білім Прочитано 2544 раз
Оцените материал
(0 голосов)

Шымкент қаласының әкімі Мұрат Әйтенов шәкірт тәрбиесі жолында талмай еңбек етіп, білім саласына өлшеусіз үлесін қосып жүрген бірқатар мұғалімдерді марапаттады.

611

 

Ұлағатты ұрпақ тәрбиелеу – аса жауапты әрі күрделі міндет екенін айтқан қала басшысы әрбір ұстаз құрмет пен мемлекеттік наградаға лайықты екенін жеткізді.
– Ұрпақ тәрбиелеу мен білім беруде ұстаздардың еңбегі зор. Сондықтан да мәртебелі мамандық иелерінің қызметін өлшеусіз дер едім. Болашаққа жол сілтейтін мұғалімнің еңбегін лайықты бағалау – өте маңызды міндет, - деді қала әкімі.
Бұл күні салтанатты жағдайда ҚР Білім және ғылым министрлігінің «Еңбек ардагері» медалімен - №52 мектеп-лицейінің математика пәнінің мұғалімі, ардагер Самсабек Болатбеков марапатталды.

Ал, «Қазақстан Республикасы білім беру ісінің құрметті қызметкері» төсбелгісін №38 мектеп-гимназиясының математика пәні мұғалімі А.Абдалиева, №47 Т.Тәжібаев атындағы мектеп-гимназиясының бастауыш сынып мұғалімі Г.Айнабек, №1 лицей-интернатының география пәні мұғалімі Г.Арыстанова, №2 мектеп-интернаты директорының оқу-ісі жөніндегі орынбасары Н.Қарымбаева, №54 мектебінің директоры У.Мамешова, «Жол-көлік» колледжінің арнайы пән оқытушысы Ф.Тургумбаева кеудесіне тақты.
Сондай-ақ №90 дарынды балаларға арналған мамандандырылған мектеп-гимназиясының тарих пәнінің мұғалімі К.Есенбекова, № 46 мектеп-лицейі директорының оқу-әдістемелік ісі жөніндегі орынбасары Б.Жуманова, №7 IT-мектеп-лицейінің математика пәнінің мұғалімі З.Сарсенова, №8 мамандандырылған гимназиясының директоры А.Сахова, №1 мамандандырылған IT лицей-интернатының география пәнінің мұғалімі Л.Шильмирзаева мен Политехникалық колледжінің оқытушысы М.Арынбаев Қазақстан Республикасы Білім және ғылым министрлігінің «Ыбырай Алтынсарин» төсбелгісімен марапатталды.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.