Сoronavirus2020.kz сайты жариялаған статистика бойынша 12 сәуірде Қазақстанда 2016 адам індетті жұқтырғанын көрсетті. Елімізде әлі де болса КВИ-ға шалдыққан науқастар саны азаймай тұр. Дәрігерлер тығырықтан шығар жол – екпе екенін алға тартуда. Сондықтан өткен аптада елімізде тұрғындарды жаппай коронавирусқа қарсы вакцинациялау шарасы басталды. Шымкентте екпе егу пунктерінің жұмысы ұзартылып, демалыс күндері де жалғасты.

619

Қалалық №2 аурухана мегаполистегі көпсалалы медициналық қызмет көрсететін бірегей мекеме. Ауруханада өткен жылы басталған күрделі жөндеу жұмыстары аяқталып, мамандар тұрғындарға жоғары медициналық қызмет көрсетуді бастады. Жаңа орталық пен бөлімшелер ашылып, заманауи құрал-жабдықтар және қондырғылармен қамтамасыз етілуде. Медициналық ұйымдағы өзгерістер мен тың жаңалықтар жайында аурухананың бас дәрігері Сәрсен ПЕРНЕБЕКОВПЕН арнайы сұхбаттастық.

427

Әлемді әбігерге салған коронавирустық инфекцияның әл-әзір емі табылар емес. Қазақстанда карантин талаптары жеңілдетілгенімен қауіптілік сейілген жоқ. Бетперде тағып, арақашықтықты сақтау және көпшілік орынға бармау талабы күшінде қалып тұр. «Елдің иммунитетін 50 пайызға көтерсек, бұрынғыдай қалыпты өмірге ораламыз. Сол кезде локдаун да, карантин де болмайды» деп отыр Бас мемлекеттік санитарлық дәрігер Ерлан Қиясов. Тығырықтан шығудың жалғыз жолы – вакцинациялау. Бұл мақсатта Қазақстан ресейлік «Спутник V» вакцинасын таңдап, елде екпе науқаны басталып кетті.

602

IMG 9864

Үшінші мегаполисте шаһар аумағына жүргізілген жан-жақты талдау мен зерттеулердің нәтижесінде өзгерістерді талап ететін учаскелер анықталды. Бұл бағытта 8 жоба қолға алынып, оның эскиздік нұсқалары жасалды. Сала мамандарының айтуынша, бұл жобалар гүлзар, саябақтарды жаңарту, көше мен өзен жағалауларын абаттандыру, туризмнің дамуына мүмкіндік береді. Аталған міндеттермен «SHYMKENT» ӘКК» АҚ базасындағы Урбанистика департаменті айналысады. Осындай мәселелердің жай-жапсарын білу үшін департамент директоры Азамат ДОСКЕНОВПЕН арнайы сұхбаттасқан болатынбыз.

20201124 131307– Азамат Мирасұлы, еліміздің үшінші мегаполисінің келбетін жаңғырту бойынша бірқатар жобалардың эскизін жасадыңыздар. Бұл жобалар шаһардың қай аумақтарын қамтиды? Жалпы аталған мекеме қаланың дамуына қаншалықты үлес қоса алады?

– Қазіргі таңда, департамент тарапынан талдау, зерттеу жұмыстарының қорытындысымен 8 жобаның нобайы жасалды. Атап айтқанда, олар – Ә. Жангельдин көшесі бойындағы «Отбасы аллеясын» және «Абай» саябағын жаңарту; Т. Рысқұлов даңғылы бойынан жаңадан жаяу жүргіншілер кеңістігін құру; Д. Қонаев даңғылы мен Мәделі Қожа аумағындағы көпір асты кеңістігін құру; №12 шағынауданда саябақ салу; Темірлан тас жолы бойындағы «Наурыз саябағын» жаңғырту; гастрономиялық кластерді дамыту; «Наурыз» алаңы мен «Қайнар іскерлік орталығы» аялдамалары арасында жаяу жүргіншілер жолы және веложол салу жобалары.
Бүгінгі таңда, еліміздегі республикалық маңызы бар үшінші қаланы қауіпсіз және әлеуметтік жағынан өмір сүруге ыңғайлы етуге басымдылық берілуде. Бұл бағытты жандандыруда бірінші кезекте шаһарда өмір сүріп жатқан әрбір тұрғынның пікірі маңызды. Сондықтан, урбанистика жобаны немесе қаладағы өзгерісті жоспарлау кезінде зерттеулер жүргізе отырып, тұрғындардың көңіл-күйі, мінез-құлқы, пікірін ескеріп, кеңістікті қалай пайдаланатынын, оларды қандай мәселелер мазалайтынын негізге алады. Мысалы, кеңістікті жақсарту немесе жандандыру кезінде өзгерістер болатын орындарды таңдағанда тұрғындар арасында сауалнама жүргіземіз, байырғы тұрғындармен, белсенділердің пікірлерімен, суретшілермен және өлкетанушылармен сұхбат жүргіземіз. Яғни сұраныстарды негізге алып, содан кейін ғана шешім қабылдаймыз. Қаланы зерттеудің бірнеше нұсқаларымен жұмыс істеп жатырмыз. Олар – жаяу экспедициялар, карта бойынша талдау, кеңістіктің қолжетімділігіне арналған қала құрылысын талдау, адамдардың кеңістікті қалай пайдаланатынына сауалнама жүргізу.
Бұл тұста айта кетерлігі, жаңғырту бағытындағы жобалар саябақ, гүлзар, жаяу жүргіншілер жолын салу, көше жөндеумен шектелмейді, туризмді дамытуға, шағын және орта кәсіпкерліктің аясын кеңейтуге, бастысы қаланың экономикалық дамуына септігін тигізеді.

–Өзгеріс жасауға тұрғындар қаншалықты атсалысуда?

– Департамент биыл мамыр айында құрылды. Содан бері құрылыс, көлік, тұрғын үй-коммуналдық шаруашылық мекемелері және де аудандық әкімдіктермен бірлесіп, жұмыс тобын құрдық. Бүгінгі күні қоғамдық кеңістіктер зерделеніп, 8 эскиздік жоба әзірледік. Ол үшін алдымен шымқалалықтар арасында өзгерісті қажет ететін аймақта не жетіспейтіндігі, қандай функциялар, сауда-орындар мен қызметтерді көргісі келетіндігі туралы сауалнама жүргізілді. Содан соң, олардың жауаптарын ескере отырып, эскиздік жобаны әзірлеу кезінде кеңістікті аймақтарға бөлдік. Жобалардың эскизін таныстырғаннан кейін, қала әкімдігі 2021 жылға арналған бюджеттік жоспарлау мәселесін қарастырады.
Сондай-ақ, жұмыс барысында «тактикалық урбанизм» практикасын қолдандық. Тактикалық урбанизм дегеніміз – тұрақты қондырғыларды орнату үшін уақытша құрылымдарды орнатып, тексеру. Бұл өте қызықты әдіс. Сонымен қатар, урбанистер «Отбасы аллеясында» тазалық жұмыстарын жүргізу барысында тұрғындармен бірге поддон орындықтар орнатты. Одан кейінгі аптада тұрғындардың сол орындықтарды су жағасына жақындатып, бір-біріне қосқанын байқадық. Бұл адамдардың өз қаласының тазалығына атсалысуға, көркейтуге үлесін қосуға деген қызығушылығын арттырды. Осындай бақылаулар негізінде түзетулер енгіздік.
Айта кетейік, біз сауалнамамен шектеліп қалмаймыз. Келесі кезеңдердегі жобаларды жасау және талқылау үшін белсенді тұрғындармен жұмысты жалғастыра береміз.

 

152d09beaac-065c-4315-b098-3426c64a8ff4

 

– Әлеуметтік парақшаларыңызды қарап отырып гастрономиялық кластерді дамытуға қатысты жобаны байқадық. Осыған қарап, тек қаланың көркеюі ғана емес, шағын және орта кәсіпкерліктің дамуына қолайлы орта қалыптастыру бастамасы да бар екенін аңғардық...

– Иә, бұған дейін, айтқанымыздай, белгілі бір аумақты таңдамас бұрын, департамент қызметкерлері қала тұрғындарының сүйікті жерлерін зерттейді. Сондай сауалнамалар қорытындысында көбінесе шығыс тағамдарын ұсынатын, көшелерінде тандыр пеші бар бірқатар кафелер орналасқан №4 шағынаудандағы Бәйдібек би көшесіне назар аудардық. Бұл аумаққа келушілер өз көліктерімен қатынайтындықтан автомашиналар үлкен ағым тудырады. Бұл маңда жаяу жүргіншілерге арналған инфрақұрылым жоқ. Автотұрақтың ретсіздігі, абаттандыру мен жарықтандырудың жоқтығы және тамақтандыру орындарының сыртқы көрінісінің үйлесімсіздігі анықталды. Енді гастрономиялық кластерді дамыту үшін кафе иелері мен қала әкімшілігі арасындағы диалогты талап ететін кешенді жұмыс қажет. Яғни, екі мүдделі тарапқа да тиімді болатын келісімнің табылғанын мақсат етіп отырмыз. Бұл тұста шағын және орта бизнес өкілдерімен келісе отырып, көшенің инфрақұрылымын жақсартып, автотұрақ салып, абаттандырып, жарықтандыруды жақсартып, тартымды бір аймаққа айналдырсақ, қала әкімшілігі бірыңғай дизайн коды бар, көрнекті сәулеттік келбеті бар экономикалық дамыған аймаққа ие болар еді. Яғни, сәтті қоғамдық кеңістік. Бұл шағын және орта бизнес өкілдерін ынталандыруда сәтті үлгі болар еді. Бұл жоба қазір талқылану үстінде.

–Зерделеу барысында шаһардың қандай ерекшеліктері байқалды?

– Шымкент – 2200 жылдық тарихы бар Ұлы Жібек жолы бойында орналасқан шаһар. Жасыл желекті, көрікті, табиғаты өте жайлы, кәсіпкерлікпен айналысуға ыңғайлы болғандықтан миллионды қалада адам шкаласы да бұзылмайды. Жаяу серуендеу кезінде адамдардың күлімсіреп тұрғанын байқайсыз, жалпы достық атмосфера құрылған.
Қазіргі басымдылық – қаланың қызықты, есте сақталатын және ерекше жерлеріне беріліп отыр. Мұндай орын, сөзсіз, «Север» сауда орталығы болып табылады. «Север» десе әрбір шымкенттікке бала кезінен есте сақталған балмұздақ дәмі мен бүгінгі фуд-корт еске түседі. Осы факторлар адамдардың «Северге» деген ағынын көбейтеді. Дегенмен, талдау барысында мұнда келушілердің көптігінен иін тірескен көлік, одан қала берді кептеліс болатыны, аяқжолда жаяу жүргіншілердің қозғалысында қиындықтар туындайтыны анықталды. Сонымен қатар, отыратын санаулы ғана орындықтар, ағаш көлеңкесін паналаған адамдар қозғалысты одан сайын қиындатуда. Осыған байланысты, ол жерде жаяу жүргіншілер кеңістігін ұйымдастырған жөн. Т.Рысқұлов көшесібойына жаяу жүргіншілер кеңістігін құру мәселесі осыдан туындап отыр.

–Елімізде урбанистика саласы қаншалықты дамыған?

– Урбанистика саласы елімізде кеш дамыды десек те болады. Алғашқы урбанистика орталықтары Астана, Алматы қалаларында ашылды. Одан кейін Шымкент, Орал мен Қарағандыда осындай орталықтар ашылып, урбанистика жұмысы біртіндеп жанданып келеді.
Урбанистиканың жалпы міндеті – қаланы өміршең, белсенді, дамыған және өмір сүруге ыңғайлы ету. Экономикалық өсуді ынталандыру, тұрғын үй қорының құнын арттыру және сәтті қоғамдық орындар арасында тікелей байланыс орнату біздің басты міндетіміз. Жалпы, ДДҰ ұсыныстарына сәйкес, адам күніне 10 000 қадам жасауы керек. Қалалықтар ол қадамдарды барлық қажетті функциялармен қамтамасыз етілген ыңғайлы ортада жасауы тиіс.
Бүгінде Шымкенттің халқы миллионнан асып, аумағы да кеңейіп жатыр. Билік тарапынан жаяу жүргіншілер мен велосипедшілер үшін инфрақұрылымды жақсарту мәселесі бірінші кезекте тұр. Сондықтан осы бағытта да жұмыстар қолға алынатын болады.

– Алдағы уақытта қандай тың жобалар қолға алынады?

– Қазір шаһардың орталығында саябақтардың шоғырлану деңгейі жоғары. Ал шеткі аймақтарда көпшілік демалатын орындар жоқтың-қасы. Шалғайдағы елдімекендер де саябақтармен қамтылуы тиіс. Осы бағыт зерттеу-зерделеуді қажет етіп отыр.
Тағы бір маңыздысы, қалада орта және шағын кәсіп иелері ашқан қоғамдық тамақтандыру орындары, үлкенді-кішілі дүкендер, сервистік қызмет көрсету секілді нысандар өте көп. Олардың басым бөлігі ғимарттарын «қоршауда» ұстайды, көшеге, тіпті жаяу жүргіншілер жолына кедергі жасап тұрғандары да бар. Шымкент көшелерінде жүйесіздік көп. Көше – көлік жүйесіне қызмет көрсететін инфрақұрылым жүйесі ғана емес, ол қаланың экономикалық активі, қоғамдық кеңістік екенін түсіну керек. Бизнес нысандарының жабық қасбеттерін «ашып», оларды қаланың бір бөлігіне айналдыру қажет. Бұл бағытта да жұмыс істеу жоспарымызда бар.

– Әңгімеңізге рахмет!

Қазақстанда донорлықтың азайып бара жатқандығы дәрігерлерді алаңдатуда. Өйткені, мамандар елімізде мың адамның 50-55-і ғана донор болатынын айтады. Пандемия кезінде бұл тіпті өзекті мәселеге айналды. Шымкент қалалық қан орталығы карантин кезінің өзінде қалыпты режимде жұмыс жасап, коронавируспен ауырып, жазылған донарлардан иммундық плазма дайындаумен айналысты. Шымкент қалалық қан орталығы бас дәрігерінің орынбасары, қалалық денсаулық сақтау басқармасының штаттан тыс бас трансфузиолог-дәрігері Гүлмира ҮКІБАЕВАМЕН әңгімеміз осы мәселелер төңірегінде өрбіді.

604

3a15bb77-6269-41d9-9185-3e87101211f4

Шымкентте апта басынан бері «InfoKazakhstan» электрондық порталына кәсіпкерлерден жұмысын қайта бастауға 1920 өтінім келіп түскен. Нәтижесінде 1745 кәсіпкерлік нысан жұмысын қайта бастаса, 79 нысан санитарлық талапқа сай келмегендіктен жұмыстары тоқтап тұр. Бұл туралы Шымкент қаласы Тауарлар мен көрсетілетін қызметтердің сапасы мен қауіпсіздігін бақылау департаментінде өткен брифингте айтылды.

– «InfoKazakhstan» электрондық порталына күн сайын өтінімдер түсуде. Осы өтінімдер бойынша мобильді топтар кәсіпкерлік субъектілерінің санитариялық-эпидемиологиялық талаптарының сақталуына тексеру жүргізеді. Егер объектілер белгіленген талаптарға сәйкес келсе, қызметін қайта бастауға арналған актіні электронды түрде жібереді.
17 тамыздан бастап 1920 өтінім келіп түсті, оның ішінде хабарландыру арқылы жұмысын бастағандар - 1745, тексеру мен іске қосылғандар - 175, санитарлық нормаларға сәйкестік туралы актілер - 25 объектіге берілді. Тексеруге өтінімді дұрыс бермеген және қызметін қайта бастауға дайын болмағандықтан 75-нің жұмыс істеуіне рұқсат берілмеді. Қазір 71 өтінім қаралу үстінде, – деді Шымкент қаласы Тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Ғалымжан Әбішов.
Әкімдік, санитар мамандар мен құқық қорғау органдары қызметкерлерінен құрылған мониторинг топтар қаладағы объектілерде «COVID -19» індетінің таралуына жол бермеу бойынша санитариялық-ағарту, түсіндіру жұмыстарын жүргізуді жалғастыруда. Шымкент қаласы Тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Жұмабек Анашұлы қоғамдық тамақтану және сауда орындары шектелген уақыттан тыс жұмыс жасауын әлі де тоқтатпай отырғанын айтады. Бетперде тағу және дезинфекциялық режимнің сақталуына да мән бермей жүргендер баршылық. Сақтануды қорғану деп түсінбегендерге айыппұл салынған.
– Мониторинг қорытындысы бойынша 323 жауапты тұлғаға (жеке кәсіпкер-24, лауазымды тұлға - 2, жеке тұлға - 297) хаттама толтырылып, жалпы сомасы 21 279 480 теңгеге айыппұл салынды, – деді жауапты басшы.
Сонымен қатар, Шымкент қаласының құқық қорғау органдарынан департаментке шекті бағадан асып кету, лицензиясыз қызмет көрсету және тіркелмеген дәрілік заттарды сату бойынша материалдар келіп түскен.
– Бүгінгі таңда, дәрілік заттар мен медициналық бұйымдар айналымы саласындағы заң бұзушылықтар бойынша 145 материал түсті. Оның 139-ы қаралып, 26-нда құқық бұзушылық фактісі анықталмады, ал 113 жағдай бойынша әкімшілік құқық бұзушылық туралы хаттама толтырылды.
Департамент тарапынан қысқартылған іс жүргізу тәртібімен жалпы сомасы 14 126 138 теңгеге әкімшілік құқық бұзушылық туралы 102 хаттама бойынша айыппұл салынып, барлығы 13 014 930 теңге өндірілді, – деп атап өтті Шымкент қаласы Тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Ләззат Қашқымбаева.
Айта кетейік, Шымкентте COVID-19 індетімен сырқаттанушылық көрсеткіші төмендеп келеді. 18 тамызда инфекцияның 3 жағдайы ғана тіркелген.

«Ескі ҚАЛАШЫҚ... ШЫРАЙЛЫ ШАҺАР

Среда, 19 Август 2020 06:46

72c685c5-e357-44fe-adb7-b964e09d150b

немесе ескі мен жаңаны жалғастыратын тарих

 

2200 жылдық тарихы бар Шымкентке қызығушылық танытатын туристердің саны пандемиядан кейін көбейеді деген болжам бар. Бүгінде шетелдік туристер ғана емес, қазақстандықтардың да назары – Цитадель қалашығына түсіп отыр. Қазір сыртқы және ішкі туризмді дамытуда гидтер дайындау, стела орнату, турфирма өкілдеріне тест-турлар өткізу секілді жұмыстар қызу жүріп жатыр. Мамандар салада алдағы уақытта үлкен жобалардың қолға алынатынын айтады. Шымкент қаласы туризм басқармасының басшысы Олжас ШЫНТАЕВПЕН әңгімеміз осы мәселелер төңірегінде өрбіді.

088a0e04-aa68-49bc-858a-7b3956302d25– Олжас Маратұлы, коронавирус тұтқиылдан соққы берген саланың бірі – туризм индустриясы екені белгілі. Республикадағы үшінші қаланы танытуда үлкен жобалар мен жоспарлар болған еді... Қазір жұмыс қалай жүріп жатыр?

– Елімізде төтенше жағдай жарияланып, карантин шектеулері енгізілгеннен кейін шаһардың туризм саласын дамытуға арналған жобалар мен жоспарлары уақытша тоқтатылғаны белгілі. Дегенмен туризм басқармасы тарапынан түрлі туристік жобалар әзірленіп, ақпараттық-насихаттық жұмыстарға басымдық беріп отырмыз. Мәселен, осыған дейін отандық және шетелдік туристерге үш тілде қызмет көрсететін 5 ақпараттық дүңгіршек ашылған болатын. Олар – «Арбат» жаяу жүргіншілер аймағы мен «Тәуелсіздік», «Абай» саябақтарында, Наурыз алаңында, әуежайда және темір жол вокзалында орналасқан.
Дүңгіршек қызметкерлері келушілерге мегаполистің туристік әлеуеті туралы кәсіби кеңес береді. Осы дүңгіршектерде пилоттық жоба ретінде әр аптаның жұмасында тегін экскурсия өткізуді жоспарладық. Егер карантин талаптарына сай келіп жатса, 5-10 адамнан тұратын топ жасақталып, олар қаланың көрікті жерлеріне жаяу саяхат жасайды. Оған шетелдік туристі тарту міндетті емес. Өйткені, еліміздің әрбір азаматы – турист. Сондықтан Қазақстанның түкпір-түкпірінен келген қонақтардың не болмаса қала тұрғындарының шаһар шежіресімен терең танысуына мүмкіндігі бар. Бізде қазір тарихи объектілер өте көп. Айталық, Шымкент қонақ үйінің жарты ғасырдан астам тарихы бар. Сол секілді көрікті жерлер, көшелер мен ғимараттардың өзіндік ерекшелігімен танысады. Әрбір туристік дүңгіршектің өз маршруты болады.
Жалпы туризм саласында «живые уроки» деген жоба бар. Осы жоба арқылы орта және шағын кәсіпкерлікті дамытуға да болады. Мәселен, туризмі дамыған Испанияның Барселона, Мадрид қалаларында осындай тегін экскурсиялар ұйымдастырылады. Онда туристер гид-маманға көрсеткен қызметі үшін қазақша айтқанда «шай-пұлын» тастап кетеді. Осы үрдісті бізде де жасауға болатынын көрсетіп, қалыптастырып, оны кәсіпкерліктің бір тармағы ретінде дамытуды көздеп отырмыз.

 

4

 

– Соңғы күндері Ескі қалашыққа гид-экскурсоводтар көптеп келуде. Тарихи нысанға қызығушылық танытып жатқандар саны арта түскен секілді ме?

– Бүкіләлемдік туристік ұйымның зерттеулері пандемиядан кейін туристердің саяхат жасаудағы көзқарасы өзгеретінін айтады. Адамзат табиғатқа жақындайды. Қазіргі өркениетке қарағанда, олар баяғы табиғатпен етене жақын шынайы өмірді көргісі келеді.
Цитадель қалашығы – тарихи-мәдени жаңа нысан. Онда ашық аспан астындағы мұражай, амфитеатр, галереялар, жәдігерлер, қолөнер бұйымдары, ежелгі және ортағасырлық қаланың даму динамикасын сипаттайтын өзге де қызықты нысандар көп. Осы себепті, жаңа тарихи нысанға қызығушылық танытып отырғандар аз емес.
Оның үстіне, Ескі қалашық «ҚР туристік саланы дамытудың 2019-2025 жылдарға арналған мемлекеттік бағдарламасы» аясындағы туристендіру картасының ТОП-50 нысанының тізіміне енгізілген.
Ескі қалашықта гид-экскурсоводтар үшін тест-тур ұйымдастырудың себебі – туристерге қызмет көрсетуге дайындықты пысықтау. Тур барысында экскурсоводтар қалашықтың негізгі нысандарымен танысып, алдағы уақытта жеке тәжірибесінде қолданатын ақпараттар алады. Қонақтар Цитадель қалашығы ғана емес, қаланың көрікті жерлерін, тарихи-мәдение орындары мен саябақтарды аралап, қазақтың ежелгі тұрмысы және салт-дәстүрлерінен мағлұмат алатын орталықтарға барады. Қазіргі таңда салалық басқарма жалпы кешен бойынша туристік маршрут әзірлеуде. Карантин аяқталып, туристер қатары қалыңдаған кезде гид-экскурсоводтар осындай маңызды ақпараттарға қанық болуы тиіс.

– Жуырда шаһарды виртуалды тамашалауға мүмкіндік беретін жобаны қолға алдыңыздар. Оның ерекшелігіне тоқталсаңыз...

– Бұл тұрғыдан сала мамандарымен бірлескен бір емес, бірнеше жоба бар. Соның бірі – Ескі қала аумағында орналасқан Цитадель жобасының VR-ролигі. Аталған жоба арқылы тұрғындар мен қала қонақтары Цитадельдің ежелгі тарихынан бергі көріністі 3 тілде виртуалды тамашалайды. Яғни, Шымкент қаласының үздік деген туристік нысандарын VR Oculus Go көзілдірігімен көре алады. Әзірге бұл құралдың он данасы бар.
Екіншісі, «SHYMKENT» интерактивті альбомы. Кітапта жинақталған қаладағы ғажайып тарихи нысандар, ескерткіштер, танымал тұлғалар туралы фото ақпараттарды планшет арқылы үш тілде аудиролик түрінде көре алады.

– Ескі қалашықты виртуалды тамашалау тегін бе?

– Ол Цитадельге кіру билеті құнының ішіне кіреді.

– Қала көшелеріне қойылып жатқан навигациялық стелалардың туристерге қаншалықты пайдасы тиеді?

– Навигациялық стела – бұл жақын орналасқан туристік нысандар туралы ақпарат көзі ретінде қызмет ететін, әрі аймақта жағдай жасайтын жүйе. Осы арқылы туристер адаспай, қаланы жаяу аралай алады. Бүгінгі таңда оның біреуі –
Б. Момышұлы және Желтоқсан көшелерінің қиылысына орнатылды. Қалған 29 стеланы орналастыру жұмыстары жүзеге асырылып жатыр.

– Туристердің 65 пайызының демалыс орнын таңдауына онлайн ресурстардан алған әсері ықпал ететін көрінеді. Шымкенттің туристік әлеуетін толық көрсететін қандай портал бар?

– Шымкентте бұл мақсатта Visit-Shymkent порталы іске қосылған. Қазіргі таңда бұл бағытты жандандыруға күш салынып жатыр. Қаладағы барлық мәдени нысандарға (мұражай, театр, дендросаябақ, зообақ т.б.) билетті онлайн тапсырыс беруге болатын бірыңғай жүйені іске қосу көзделуде. Сонымен қатар, қолөнершілерге қолдау көрсетуді жоспарлап отырмыз. Шымкентте он саусағынан өнері тамған шеберлер өте көп. Бүгінде 25 қолөнершімен меморандумға отырдық. Олардың қолынан шыққан қолөнер бұйымдарын портал арқылы онлайн сатылым жасауға көмектесеміз әрі туристік орталықтардағы заттар да келушілердің назарына ұсынылады.

– Туризм саласында маман тапшылығы бар ма?

– Жоқ, әзірге маман тапшылығын көріп тұрған жоқпыз. Шымкентте сервистік мамандар даярлайтын №6 колледж бар. Бұдан бөлек, «TURLAB» туристік лабороториясында қаламыздағы қонақжайлық индустриясын дамытуда туризм саласындағы мамандарды қайта даярлау үшін қонақ үй және мейрамхана шаруашылығының қыр-сырын оқытып, гидтер мен экскурсоводтарды дайындайды. Біздің тарапымыздан гид-экскурсоводтарға электронды паспорт беріледі.

– Туризмді сөз еткенде қоғамдық әжетханалар жайы міндетті түрде айтылады. Туристер ағыны көбейеді деп отырсыз. Қалада бұл мәселе қалай шешілмек?

– Жақында қала әкімінің тапсырмасымен, санитарлық-гигиеналық талаптарға сай келетін әжетханалар салу инвесторлардың көмегімен жүзеге асқалы отыр. Қалалық табиғи ресурстар және табиғатты пайдалануды реттеу басқармасы орындарды белгіледі. Атап айтқанда, адам көп шоғырланатын Қошқар ата өзені маңынан - 2, дендросаябақ маңы - 3, Арбаттан - 2 әжетхана салынады. Ол үшін Шымкент механикалық зауытымен келісімшарт жасалуда. Зауыт экоәжетхана құрастырып, өздері орналастырады.

– Әңгімеңізге рахмет!

 

 

36c66ead-80d7-4fa9-a56f-cbff60f6bfa5

«iKomek 109». Шымкентте осылай аталатын 30-дан астам қызмет түрі біріктірілген жаңа орталық іске қосылған болатын. iKomek ахуал орталығының мақсаты – тұрғындардың өтінішін қабылдау, орын алған мәселелерді дер кезінде шешуді үйлестіру. Бір айда орталықтың ақпараттық базасына 6430 өтініш тіркеліп, оның 6095-нің шешімі табылған. Бұл орталықтың құзырына қандай міндет кіреді, тұрғындардың шағымдары қалай шешімін тауып жатыр, онда қандай бағыттағы сауалдарды жолдауға болатынын айтып өтеміз.

144c7b7e-85ed-4b32-ae56-e7904f8679c1Шымкентте қала әкімі Мұрат Әйтеновтың тапсырмасымен iKomek ахуал орталығының ашылғанына айға жуықтады. Осы уақыт аралығында орталықтың «109» нөміріне 7000-ға жуық қоңырау келіп түскен. Сала мамандары бір айлық жұмысқа мониторинг жасағанда шымкенттіктер жолдаған шағымдардың басым бөлігін әлеуметтік қолдау, дәрі-дәрмек тапшылығы және тұрмыстық қалдықтарды шығару мәселесі құраған.
– Қалада індет өршіген тұста тәулігіне 400-ден аса қоңырау қабылдаған күндер болды. Қазір олар 200-300-ге азайды. Жалпы, бір ай көлемінде ақпараттық базаға 6430 өтініш-шағым тіркелді. Оның ішінде медицинаға қатысты - 222, жұмыспен қамту және әлеуметтік қорғау бойынша - 136, тұрмыстық қалдықтарды шығару - 27, жарықпен қамту - 13, жол инфрақұрылымы - 16, абаттандыру - 11, канализация - 10, тәртіп орнатуда -10 шағым айтылған. Қалғандары көгалдандыру, жарықтандыру, ветеринария, тұтынушылардың құқығын қорғау, газ, жылу мен жарық мәселесімен шағымын жеткізген, – деді орталықтың басшысы Мерген Амиров.
iKomek орталығы заманауи жабдықтармен қамтылып, қаладағы мекемелермен ыңғайластырылып ақпараттандырылған. Тәулігіне 3000 қоңырау қабылдауға қауқарлы. Қажет болған жағдайда 5000 азаматқа дейін қызмет көрсете алады екен.
Шынтуайтында «iKomek» 109 бірыңғай диспетчерлік орталығының жұмысы әл-әзір көпшілікке таныс емес. «109» дегенде оны бұрынғы анықтамалық қызметпен шатастыратындар да бар. Жаңа қызметтің маңыздылығын орталықтың басшысы Мерген Амиров былайша түсіндірді:
– Ситуациялық орталыққа қала тұрғындары кез келген салада, атап айтқанда анықтамалық ақпарат алудан бастап, тұрғын үй қатынастары, денсаулық сақтау, білім беру, жұмыспен қамту, әлеуметтік қорғау, сауда, кәсіпкерлік, ауыл шаруашылығы, ветеринария және коммуналдық мәселелер бойынша мазалаған сауалдарымен хабарласуына болады.

Қазіргі таңда орталықта жалпы 33 маман үш бағытта жұмыс істейді. Әуелі тұрғындардан келген өтініш-шағымдарды оператор қабылдап, одан әрі инспектор сұрақтың сапасы мен мазмұнын бақылап, атқарушы органдарға бағыттайды. Үшіншісі, тапсырманың орындалуын қадағалайды.
Мәселен, қала тұрғыны 109-ға дәріханадан қажетті дәрі-дәрмекті таппағанын айтып хабарласады. Қоңырауды оператор қабылдап, шағымын, аты-жөнін, байланыс телефонын жазып алып, базаға тіркейді. Денсаулық сақтау басқармасы тарапынан бұл салаға бүгінде 10 маман (дәрігер, фармацевт) тартылды. Бұл тұста фармацевт-маман препараттың қай дәріханада бар екенін анықтап, кері байланыс жасау арқылы оны тұрғынға хабарлайды. Не болмаса, көше бойындағы құдықтың қақпағы ашық қалды делік. Біз соған жауапты мекемеге хабарласып, мәселенің мән-жайын анықтаймыз. Оның қауіптілігін ескеріп, жедел шешілуі назарға алынады, яғни салаға жауаптылар, жағдайды шешкенге дейінгі жұмысты бақылауда ұстайды.

 

2896f6bb-d242-42f3-9874-191e207a77ec


iKomek жедел қызмет ету орталығы тұрғындардың өтінішін күндіз-түні қабылдап, мемлекеттік жұмыстың қызметін ашық әрі қолжетімді етуді көздейді. Осыған дейін 30 мекемемен байланыста болса, енді қызмет көрсету аясын кеңейтіп, олардың қатарын 300-400-ге арттыруды жоспарлап отыр.
– Бұл әкімдік жұмысын жақсартуға арналған бірегей жоба. Цифрландыру кезеңінде үшінші мегаполистің әрбір тұрғынының өтініш-шағымы назардан тыс қалмайды. Егер қандай да бір мекеменің мекенжайы не байланыс телефоны қажет болса (анықтамалық) 1-2 минутта, ал әлеуметтік қолдау ретінде беріліп жатқан 42500 немесе 15000 теңге секілді мәселелерде (қоңырау шалатындар көп) кемінде екі күн ішінде шешімінің табуына атсалысамыз. Дәл қазіргі уақытта шаһар халқының сапалы өмір сүру деңгейін жақсартуда аудан әкімдіктері, басқармалар, сервистік қызмет барлығы 30 мекемемен тығыз қарым-қатынаста жұмыс істеп жатырмыз. Мемлекет басшысы Қ.Тоқаев өз Жолдауында азаматтардың барлық өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру - бәрімізге ортақ екенін атап өтті. Сол үшін қоғамдық диалог орнату, ашықтық, адамдардың мұң-мұқтажына жедел назар аудару қажеттігін мемлекеттік органдарға тапсырды. Сондықтан қазір қызмет көрсету аясын кеңейтуді жоспарлап отырмыз. Бұл жұмыстарға қаладағы барлық мекемелерді жұмылдыратын боламыз, - дейді орталықтың аналитик-маманы Тоғжан Маратқызы.
Мерген Амировтың айтуынша, 109 бірыңғай диспетчерлік орталығының жұмысы жүйеленсе, халықтың мемлекеттік қызметкерлерге деген сенімі артады. Екіншіден, орталыққа келіп түскен әрбір қоңырау сарапталып отыратындықтан алдағы күндері мемлекеттік органдардың, ондағы басшылардың жұмыс рейтингісі жасалады.
Бүгінгі таңда, әлеуметтік желілерде шаһарда қордаланған мәселені шешу үшін көмек сұрап жатқандар қарасы аз емес. Оның бірі – назарға іліксе, кейбірі ұмытылып жатады. Ал ахуал орталығына түскен, тіркелген әрбір өтініш аяқсыз қалмайды. Сондықтан кез келген сауалыңыз болса, бірден 109 нөміріне хабарласуға болады iKomek орталығының 87777109109 ватсап нөмірі де тәулік бойына қызмет етеді.

Страница 1 из 29