Үшінші мегаполистегі №53 мектеп енді генерал Сабыр Рахымовтың есімімен аталады. Салтанатты іс-шара 7 мамыр – Отан қорғаушылар күні қарсаңында өтті.

760

1 мамыр – Қазақстан халқының бірлігі күні. Елдегі ынтымақтастық пен татулық, бірліктің мерекесі. Осынау қастерлі құндылыққа үлес қосып жүргендер қатарында Шымкент қалалық Қазақстан халқы Ассамблеясының құрамындағы түрлі этномәдени бірлестіктер де бар. Бұл бірлестіктердің жұмысын «Қоғамдық келісім» мекемесі ұйымдастырады. Бір шаңырақ астына бірігіп, ұлтаралық келісім мен ынтымақтастық жолында жүрген жандардың жұмысы туралы Шымкент қалалық ішкі саясат және жастар істері жөніндегі басқармаға қарасты «Қоғамдық келісім» коммуналды мемлекеттік мекемесінің басшысы Ербол БАЙҚОНАҚОВ айтып берді.

705

Көп балалы ана «Бизнес-бастаумен» кәсіп ашты

kasip-ashty-2

Үшінші мегаполистің тұрғыны Гүлферуза Мелдебекова қыз жасауына қажет дүниелерді тігумен айналысады. Жастайынан көрпе-төсек тігіп өскен ол бұған дейін басқа кәсіпкерлердің қарамағында жұмыс істеп келгенін айтады. Енді, міне, қайтарымсыз грант алып, былтырдан бері өз ісін дөңгелетіп отыр.

Көп балалы ана кәсіпкер боламын деген арманына мемлекеттік бағдарлама арқылы қол жеткізді. Қолөнерге деген құлшынысы жоғары жанның 7 баласының үшеуі мектеп жасында. Оларды қыз жасауына қажет дүниелерді тігу арқылы жетілдіріп отыр.

– «Бизнес Бастау» бағдарламасына қатысып, кәсіпкерлік негіздерінің курсын оқыдым. Оқуым аяқталған соң сертификат алып, бизнес жоспарымды құрдым. Сөйтіп, комиссияның іріктеуінен өтіп, 505 мың теңге грант алдым. Ол қаржыға өзім қызығып жүрген заманауи тігін машиналарын сатып алып, жеке цехымда жұмысымды бастап кеттім, – дейді Гүлферуза Ордабекқызы. Тігінші ана осы уақытқа дейінгі кәсібі
барысында көптеген адамдарға қыз жасауын әзірлегенін айтады. Соның ішінде ерекше есте қалғаны – Алтынай Жорабаеваның жасауын тігіп берген.

– Қателеспесем, 2006-2007 жылдары болуы керек. Әлі есімде, қаладағы Әлімбетов көшесіндегі цехта істейміз. Бір топ қыз-келіншек көрпе-төсек тігетінбіз. Бір күні кезекті тапсырыс түсті. Әдеттегідей, екі апай келіп, жетекшімізбен сөйлесіп кеткен.

Содан бастығымыз цехқа келіп айтқан кезде тапсырыс берушілердің Алтынай Жорабаеваның анасы мен апасы екенін білдік. Қыздарын ұзатуға көрпе-төсек тіктірмек екен. Барлығымыз елеңдесіп, «Әншінің жасауын тігетін болдық» деп қуанып қалған едік. Содан тапсырысты бөлетін апа «Феруза, бұл тапсырысты сен тік, сен мақтаны жақсы саласың, көрпелерің бірқалыпты шығады» деп, маған берді. Әртістің көрпесі, әдемілеп тік деген соң, бар өнерімді салып шықтым. Осылайша әнші сіңліміздің жасауын тіккенім бар. Содан жасауын алып кетер күні Алтынай қызымыз үлкен қарбыз ала келіпті. Барлығымыз ортаға қойып, жеп алғанбыз, – деп өткенді еске алды тігінші.

Гүлферуза Ордабекқызының цехы бүгінде ашық. Келген тапсырыстарды орындап жатқанын айтады.

– Жасаған дүниелеріме қымбат емес, қолжетімді баға қоямын. Басты ұстанымым – адам баласы сабыр мен еңбек арқылы барлық нәрсеге қол жеткізе алады. Мен бұған дейін көрпе-төсекті апаларымның қолмен істейтін ескі машинасымен тігетінмін. Соны арқалап, қай жерде тапсырыс болса, соған баратын едім. Қиындыққа мойымай, бүгінгі жағдайға жетіп отырмын. Үкіметке рақмет, осындай біз сияқты жандарға қолдау көрсетіп, ісін бастауына мүмкіндік жасады. Ұл-қыздарымды осы кәсібімнен тапқан несібемнен жетілдіріп отырмын. Құдайдың берген жеті баламнан екі қызымды ұзатып, бір келін түсірдім, – дейді кәсіпкер ана.
Бүгінде қолының ебі бар жан «Ана көрген тон пішер» деп, қыздарын да осы іске баулып жүр. Тағы бір жаңалығы – сықақшы Мұхтар Шерім жазған сценарий бойынша отандық сериалға түсіп жатқанын жеткізді.

МАЙДАНГЕРЛЕРГЕ – МИЛЛИОН ТЕҢГЕ

Пятница, 23 Апрель 2021 08:59

Ұлы Отан соғысының ардагерлеріне миллион теңгеден біржолғы сыйақы берілмек. Бұл туралы Шымкент қалалық жұмыспен қамту және әлеуметтік қорғау басқармасының өкілдері мәлімдеді.

ardagerler

– Шымкент қаласында Ұлы Отан соғысының 21 ардагері бар. Қарт майдангерлерге жеңіске қосқан үлесі үшін 1 миллион теңге көлемінде бір реттік сыйақы беріледі. Сонымен қоса жеңілдіктер мен кепілдіктер жағынан ҰОС қатысушылары мен мүгедектеріне теңестірілген тұлғаларға 36 АЕК көлемінде көмек беріледі, – деді жұмыспен қамту және әлеуметтік қорғау басқармасының бөлім басшысы Ұлдана Бекбау.

1 сәуірдегі мәлімет бойынша, қалада ҰОС қатысушыларына теңестірілген үш мыңнан астам ардагер бар. Олар – ІІ дүниежүзілік соғыс жылдарында тылдағы қажырлы еңбегі және мінсіз жауынгерлік қызметі үшін бұрынғы Кеңес одағының ордендерімен және медальдарымен марапатталған, сондай-ақ 1941 жылдың 22 маусымы мен 1945 жылдың 9 мамыры аралығында кем дегенде 6 ай еңбек еткен, бірақ орден-медальдармен марапатталмаған тұлғалар. Аудандарға шаққанда ең көбі Абай (1054) және Еңбекші (1052) аудандарында тұрады. Ал Әл-Фараби ауданында – 900, Қаратау ауданында 279 адам осы санат бойынша арнаулы мемлекеттік жәрдемақы алады.

Басқарма мамандары ардагерлерге қолдау өз деңгейінде көрсетіліп жатқанын жеткізді. ҰОС мен тыл ардагерлері, «Алтын алқа», «Күміс алқамен» марапатталған, зейнет жасындағы жандарға шипажайларға 12 күндік тегін жолдама берілсе, қалған санаттағы зейнеткерлерге осындай жолдаманың 6 күні тегін. Қазіргі таңда Шымкентте 82 587 зейнеткер бар.

Мұнда да көш басында Абай және Еңбекші аудандары келеді.

Вакцина салу: нені білу қажет?

Среда, 21 Апрель 2021 04:42

Қазір бүкіл әлемде коронавирус инфекциясына қарсы жаппай вакцина салдыру науқаны жүруде. Осыған орай тұрғындар арасында туындаған сұрақтар да жоқ емес. Сондай сауалдардың бірқатарына Шымкент қалалық №4 емхананың инфекционист дәрігері Меруерт ҚАРЫМСАҚОВА жауап береді.

656

ЖАҢА КӘСІПКЕ – АЗ УАҚЫТТА

Среда, 21 Апрель 2021 04:14

«Еңбек» бағдарламасының негізгі бағыттары

Үшінші мегаполисте «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының аясында ауқымды жұмыс атқарылуда. Бағдарлама аясындағы шараларды Шымкент қалалық әкімдігінің халықты жұмыспен қамту орталығы жүзеге асырады. Ол туралы толығырақ бізге жұмыспен қамту орталығы баспасөз қызметінің жетекшісі Майя Алибжанова айтып берді.

651

Шымкенттік қолөнер шебері мемлекет қолдауымен жеке студиясын ашты. Диана Жайлаубаева – кесте тігу өнерін меңгерген қолөнер шебері. Ісмер ұлттық нақыш пен заманауи үлгіде қолөнер бұйымдарын әзірлеп, кесте тігеді және ою-өрнектермен әшекелейді. Негізінен ұлттық бас киім, сөмкелер және тағы да басқа дүниелер жасайды.

biznes-1

Өз кәсібін одан әрі дамыту мақсатында жерлесіміз мемлекеттің қолдауына жүгінеді. Шымкент қалалық жұмыспен қамту орталығында жұмыссыз ретінде тіркеліп, «Бастау бизнес» оқу курсын тәмамдайды. «Қолөнер бұйымдарын жасау ісі» бойынша грантқа өтінім білдіріп, комиссияның шешімімен мақұлданған. Нәтижесінде 200 АЕК (555 650 тг) көлемінде мемлекеттік грант ұтып алды.

Диана «Еңбек» бағдарламасы бойынша берілген қайтарымсыз грант қаржысына тігін машиналарын, манекендер мен тағы да басқа қажет материалдарды сатып алып, қолөнер студиясын ашқан. Қазіргі таңда бірнеше адамды жұмыспен қамтып отыр. Үш баланың анасы бұл жетістігімен шектелмей, алдағы уақытта қолөнер шеберханасын дамыту жоспары бар екенін айтады.

Диана Бауыржанқызы Түркіменстанда туған. «Әкемнің мамандығы мұнайшы болған соң, жұмыс бабымен сонда жүргенде дүниеге келдім. Кейінірек Түркістан облысының Қазығұрт тауының бөктеріндегі Атбұлақ ауылына қоныс аудардық. Бастауыш мектепке де осында бардым. Ал 1998 жылы әкемнің жұмысы барысымен Ақтөбеге көшіп, орта мектепті сонда аяқтадым», дейді кейіпкеріміз.
Ақтөбеде жоғарғы оқу орнын экономика мамандығы бойынша тәмамдаған Диана тұрмыс құрған соң ел астанасына көшеді.

– Инемен, кестемен мектеп жасынан «дос» едім. Қыздардың көбісі секілді, барлығы сол қуыршақ ойнаудан басталды. Қуыршақтарыма көйлек тігіп, сәндеп алатынмын. Мектепте оқып жүргенімде де өзіме әмиян істеп, дәптерлерімнің тысын кестелеп сәндедім. Түрлі әшекей заттар істеп, олардың кейбірін жақындарыма, достарыма сыйлыққа беретін едім. Кейін тұрмысқа шығып, бала күтімімен үйде отырған кезде сол әуестігімді еске алып, қолөнермен айналыстым. Ең алдымен әшекейден бастадым, - дейді Диана Бауыржанқызы.

Астанада екі баламен декреттік демалыста отырған келіншек хоббиін дамытып, түрлі тігу техникасын меңгереді. Өз бетімен ізденуімен қоса шеберлік сабақтарына қатысады. Осылайша машығы артып, таныстарына бұйымдарын сата бастайды. Кәсіби түрде даму жолына түскен келіншек елордада өтетін түрлі көрмелер мен жәрмеңкелерге қатысады.

– Қолөнер бұйымдарымды сол жәрмеңкелерде де саттым. Әрі жұмысыма жарнама жасауға таптырмас орын еді. Осылайша алғашқы тапсырыстар түсе бастады. Сол кезде түсінгенім – жаныма жақын ісім осы екен. Маған қағаздармен жұмыс істегеннен гөрі ине-жіп жақын. Осы кәсібімдан ақша таба алатынымды түсінген соң «Өзімнің мектеп-студиямды ашсам» деген арман пайда болды. О бастан жұмысты екі бағытта жүргізетін болып шештім. Біріншісі – тапсырыстар қабылдап, бұйымдар әзірлеу болса, екіншісі – тігін өнеріне үйренушілерді оқыту, - дейді Диана.

biznesТапсырыстарды қабылдап, аздап болса да бұйымдарды сатып жүрген Диана жұмысына жарнаманы әлеуметтік желі арқылы жасайды. 2019 жылы сол әлеуметтік желіден «Бизнестегі әйелдер» деген тақырыпта өтетін тренинг туралы оқып қалады. Бұл кезде Шымкент қаласына көшіп келген. Содан «Атамекен» орталығында өткен семинарға қатысып, іскер азаматтарды қолдау бағытында түрлі бағдарламалар бар екенін, оның ішінде қыз-келіншектерге қандай көмек, кеңес, жеңілдіктер бар екенінен хабардар болады. Күзде құжат жинап, тапсырып, «Бастау бизнес» бағдарламасы арқылы 21 күн оқып, сертификат алады.
Кейіпкеріміздің айтуынша, грант алу аса қиын болмапты. Бір жағынан о баста алған экономикалық білімі де көмектескен. Екіншіден, келіншектің нақты көздеген мақсаты болды. Содан 2020 жылдың басында бизнес жоспар құрып, грант алуға құжат тапсырады.

– Комиссия іріктеуінен өткенімді естігенде қатты қуандым. Себебі, 555 мың теңгеге өзіме қажет заттарды ала алатыныма сенімді едім. Негізі, тігінге арналған бизнес-жоспар жиі кездеседі. Менің ойымша, жоспарымда тек цех ашу емес, шәкірттерді оқыту бағыты болғандықтан да іріктеуден өттім, - деп түйеді жерлесіміз.

Қажет дүниелерді алып, шағын кәсібін бастаған шеберде іштей сенімділік пайда болады. Оның үстіне істі бастаған соң шегінуге жол жоқ еді. Үнемі осы ісін қалай да дамытып, соңына дейін жеткізу керек деген мақсатпен ізденісте жүрген қолөнерші грант қаржысынан бөлек өз ақшасына ізденіп, білім алады, әлеуметтік желіде жұмыс істеуді, сату өнерін меңгереді.

«Дамимын десең, мүмкіндік көп екенін білдім» деген Диана көп адамда уақыт пен қаржы жетіспеушілігі қолбайлау болатынын айтады. Содан тәуекелге бел буып, құрбысы екеуі іске кірісіп кетеді.
– Қасымда құрбым әрі әріптесім бар. Біз о баста бір-бірімізге серіктес боламыз деп келіскенбіз. Себебі, оның да балалары кішкентай, менің де балаларым жас. Ал отбасы бірінші орында тұрады.

Сондықтан, бір-бірімізге көмектесіп тұрамыз. Грант алған соң екі қызды жұмысқа қабылдадым. Олар тапсырыс келген кезде орындауға көмектесіп, өздерінің жұмысына ақы алады. Қазіргі жұмысымыз салыстырмалы түрде жаман емес. Олай дейтінім, алғаш басталған жобалардың 90 пайызына жуығы бірінші жылы жабылып қалады деген статистиканы естіп едім. Дегенмен, біздің жобаның жұмыс істеп жатқанына бір жылдан асты, жабыламыз деген қауіп жоқ. Аздаған қиындықтар бар, әрине. Пандемия, карантин де әсер етуде. Себебі, біздің бұйымдарымыз той-думанға, қуаныш-жиындарға байланысты еді. Біз негізінен сәнді киімдер, сәнді заттар дайындаймыз. Қазір сол бұйымдарды ұстап, киіп баратын себептер азайып қалды, - деді Диана.

Дегенмен, бұл студиядан оқып-үйренетін шәкірттер бар. Кәсіпкер келіншек «О баста екі бағытты ұстанғандықтан, ісімізді сақтап қалдық» деген сенімде.

– Алдағы мақсатымыз – осы екі бағытты жақсылап дамытсақ. Үлкен ғимаратымыз болып, соның бір жағында қолөнер бұйымдарын тігетін команда болса, екінші жағында сабақ оқылып жатса деген мақсатымыз бар. Жалпы, қай сала болса да үнемі дамып тұруды қажет етеді. Сән үйлерімен, театр секілді мекемелерден тапсырыстар алсақ деген арман-жоспарымыз бар, - деп аяқтады сөзін жерлесіміз.

Жәрдемақы қалай рәсімделеді?

Пятница, 09 Апрель 2021 03:35

Елімізде жұмысынан айрылған азаматтарға мемлекет жәрдемақы төлеп, қолдау жасайды. Сол жәрдемақыны рәсімдеудің 3 жолы бар.

600

Страница 8 из 32