«Doing Business Kazakhstan» агенттігі жасаған рейтинг қорытындысында Шымкент бизнесті оңай жүргізу индикаторы бойынша екінші орынды иеленді. Бұл туралы Шымкент қаласы Кәсіпкерлер палатасының директоры Нұрлан Қабыштаев ақпараттық-коммуникациялық орталықта өткен баспасөз конференциясында мәлімдеді.

655

2019 жылы 20 желтоқсанда тұрғын үй қатынасын реттейтін жаңа заң қабылданды. Бұл заң көпқабатты үйлерді күтіп-ұстаудың жаңаша жолдарын ұсынады. Бұл туралы БҰҰ даму бағдарламасының өкілі, сарапшы, 2020 жылдың «Жыл волонтері» халықаралық премиясының «Тұрақты даму мақсатының көшбасшысы» номинациясы бойынша лауреаты Әбдімәлік БАЛБАЕВ айтып берді.

554

06-9

Биылғы жыл Шымкент қаласы үшін оңай болмағанына қарамастан үшінші мегаполис сенімді түрде өзінің даму стратегиясын іске асырды. Әсіресе 2020 мәдениет саласы үшін жемісті жыл болды.
Шымкент – ТМД елдерінің мәдени астанасы мәртебесі аясында жоспарланған іс-шаралардың көпшілігі онлайн форматта өтіп, эстафетаны тапсыру рәсімі өте жоғары деңгейде ұйымдастырылды.

Осынау мәдени байланыстар арқылы ТМД мемлекеттерінің азаматтары Шымкент қаласын, оның өзіне тән өмір салты мен басқа да ерекшеліктерін жақыннан тани түсті. Соның ішінде қонақтарды үшінші мегаполистің әсем табиғаты, сәулеттік келбеті, дәмі тіл үйірер тағамдары мен тұрғындарының ілтипаты ерекше қызықтырды. Осылайша Шымкент бұрынғы кеңестер одағының құрамында болған мемлекеттер арасындағы мәдени әрі гуманитарлық қарым-қатынастарды нығайту жолындағы міндетті абыроймен орындап шықты. Бұл бастама қаланың мемлекетаралық ауқымды шараларды ұйымдастыруға тәжірибесі барын және туристік әлеуеті зор мәдени орталық бола алатынын көрсетті.
Шымкент үшінші мегаполиске лайықты болу үшін оның инфрақұрылымы да жоғары деңгейде болуы тиіс. Сондықтан биыл әкімдіктің бастамасымен көптеген игі тірліктер қолға алынды. Соның бірі – жол құрылысы. Ауқымды жоспар аясында қалада тозығы жеткен қанша шақырым жол қалпына келтірілді. Көлік кептелісін азайту әрі қаланы көрікті ету мақсатында көшелер кеңейтіліп, жаңа жолдар салынды. Сандарды сөйлетсек, биыл Шымкенттің жол құрылысы саласына 25 миллиард теңгеге жуық қаржы бөлініпті. Қалада жолдардың қанағаттандырарлық көрсеткіші 56,3 пайыз болған. Құрылыс жұмыстарының нәтижесінде жыл соңында ол 3,5 пайызға өсіп, 60 пайызға жақындады. Жол құрылысы мамандарының пікірінше бұл өте үлкен жетістік. Мемлекет қазынасынан қаралған 25 миллиард теңгеге жолға байланысты 260 нысанның немесе 416 шақырым жолдың құрылысы жүргізілді. Жыл соңына қарай осы жолдардың 290 шақырымының құрылысы аяқталды. Қалған жолдардың жөндеу жұмыстары мен құрылысы келесі жылы жалғасатын болады. Оның ішінде, мәселен, Республика даңғылына асфальттың екінші қабатын төсеу, Қонаев даңғылын ұзарту бойынша құрылысты аяқтау сынды жұмыстар бар. Жолдармен бірге адамдар жүретін қосымша жоляқтар салынып, бетон арықтар, жарықшамдар орнатылды. Тип-20 және 22 маркалы 260 жаңа аялдама қойылды. Сонымен бірге 15- қазанда Қонаев даңғылы мен Рысқұлов көшесінің қиылысындағы жолайрықтың құрылысы басталды. Мамандардың айтуынша, бұл нысан қаладағы көліктердің іркіліссіз қозғалуына және солтүстік аумақтан бой көтеріп жатқан шағынаудандарды шаһардың басқа аумақтарымен байланыстыруда маңызы ерекше болмақ. Әкімдік жолдардың құрылысына айрықша көңіл бөлуде. Өйткені жол–экономикалық көрсеткіштің айнасы. Басқаша айтқанда жолына қарап елдің жағдайын тануға болады. Бұл тұрғыдан алғанда әкімдік жыл сайын жолдардың қанағаттандырарлық деңгейін 3-4 пайызға арттырып отыруға бел бууда. Сондықтан қаланың тек басты жолдары ғана емес, шалғай елді мекендердегі ішкі көшелерді орташа жөндеу жұмыстарына да маңыз беріледі.

 

98338580 679876099223192 7428891905531838464 n


2020 жылы жолдармен бірге қалаға жаңадан қосылған шағынаудандардың коммуналдық мәселесін шешуге орай инженерлік-коммуникациялық жүйелерді жүргізу жұмыстары қарқынды атқарылды. Мегаполис тұрғындарының саны жылдан-жылға өсіп жатыр. Осыған орай халықты сапалы ауызсумен, электр энергиясымен, табиғи газбен және кәріз жүйесімен қамтамасыз ету міндеті қойылып отыр. Сондықтан шаһарда «Бозарық» қосалқы станциясының құрылысы қолға алынды. Жақын күндері аталмыш нысан пайдалануға берілуі тиіс. Қосалқы станция ең алдымен электр қуатын арттыру үшін қажет. Соның арқасында Асар-2, Тұран, Ынтымақ-2, Солтүстік саяжай, Батыс, Бозарық, Қайнарбұлақ, Шымкент сити және Достық пен Нұрсәт шағынаудандарында тұрып жатқан 250 мыңға жуық абонент сапалы электр қуатына қол жеткізеді. Сонымен қатар АГРС-3 нысаны іске қосылса, қосымша 5 шағынаудан табиғи газға қосылады.
Бүгінде Шымкенттің 92,1 пайызы «көгілдір отынмен» қамтамасыз етілген. Биыл кәріз жүйесінің құрылысына 1,8 млрд. теңге бөлінді. Соның нәтижесінде кәріз жүйесімен қамту деңгейі 49,1 пайыздан 52,1 пайызға ұлғайтылды. 2025 жылға дейін шайынды суды тазартатын қосымша 2 тазалау нысанын салу көзделуде. Қала әкімдігі ескірген кәріз жүйесін 73-тен 50 пайызға азайтуды мақсат тұтып отыр. Және алдағы уақытта тозығы жеткен кәріз құбырларының санын 50 пайыздық межеден асырмауды көздеуде.
Бұдан өзге 5 магистральді су құбыры құрылысын аяқтау нәтижесінде келесі жылы шымкенттіктер жүз пайыз таза ауыз сумен қамтылмақ. Жалпы коммуналдық-инженерлік құрылыс жұмыстарына биыл 49 млрд. теңге қаржы жұмсалды. Яғни, осыншама қыруар қаражатқа іс тындырылды.
Шымкент-республикадағы үшінші мегаполис. Демография бойынша бұрыннан ешқандай проблема болмаған шаһарда республикалық қала мәртебесін алғалы халық саны да едәуір өсті. Осы ретте жылдан-жылға көбейіп келе жатқан тұрғындардың баспанаға деген қажеттілігін өтеу маңызды екені белгілі. Сондықтан әкімдік бұл мәселені күн тәртібінен түсірген емес. Пандемияның бүкіл шаруашылықтың аяғына тұсау салғанына қарамастан құрылыс жұмыстары бір сәтке де тоқтаған жоқ. Ресми деректерге көз жүгіртсек, биылғы жылы «Нұрлы жер» бағдарламасы аясында бюджет қаражаты есебінен 92 көпқабатты үйдің құрылысы жүргізілді. Ол 343,3 мың шаршы метрді немесе 5848 пәтерді құрайды. Жаңа жылға қарсы 56 көпқабатты тұрғын үйді пайдалануға беру жоспарлануда. Бітпеген үйлердің құрылысын аяқтау келесі жылдың еншісіне қалып отыр. Сонымен бірге нарықтан 696 арендалық пәтер сатып алуға мемлекеттік сатып алу конкурсы өткізіліп, келісімшарттар түзілді. Әлеуметтік нысандарға тоқталсақ өтіп бара жатқан жылы 13 мектептің және 2 өнер мектебінің құрылысы қолға алынды. Солардың ішінде 5 мектептің құрылысы 2021 жылы аяқталмақ. Ал жалпы балаларды білім беру нысанымен толық қамтамасыз ету бағдарламасы бойынша алдағы 5 жылда 82 мектеп ғимаратын салу жоспарда тұр. Бір айта кетерлігі, биыл індетпен тиімді күресу мақсатында қаладан құрылысы қарқынды түрде жүргізіліп, аз уақыт ішінде пайдалануға берілген жаңа жұқпалы аурулар ауруханасының ашылғаны белгілі.
Сондай-ақ, осы жылы қоғамдық көліктің жолақысы «Төлем» деп аталатын электронды нұсқаға ауысқанын жақсы білесіздер. Цифрландыру бағдарламасына сәйкес бұл да халыққа көрсететін қызметті қазіргі заманға лайықты етудің бір әдісі саналады. Қоғамдық көлікті жақсарту мақсатында әкімдік тарапынан елімізде құрастырылған жаңа автобустар да сатып алынған.

 

58h7u6-1


Биыл басталған covid-19 жұқпалы дертімен күресу және оның алдын алу үшін денсаулық сақтау басқармасы тарапынан 9 ПТР зентханасы құрылды. Осы зертханаларда күніне 4 мыңға жуық адам қауіпті індетке қарсы тест тапсыра алады. Қалаға қосымша компьютерлік томографиялық апараттар сатып алынып, қазіргі таңда олардың саны 18-ге жетті. Бұл науқастардың медициналық тексеруден өту кезінде кезек күтіп қиналмауына мүмкіндік береді. Жалпы Шымкенттің медициналық ұйымдарында 612 өкпені қолдан тыныс алдыру аппараты жұмыс істейтін болады. Қараша айында жергілікті «Казмедприбор» компаниясы отандық ИВЛ аппараттарын қаладағы аурухаларға тапсырды. Аталмыш кәсіпорында күніне 20-25 өкпені қолдан тыныстандыру құрылғысы шығарылады.
Қорыта айтқанда, биыл Шымкент қаласының әкімдігі алдына қойған мақсаттар мен міндеттерді толық орындап шықты. Оны ресми мәліметтерден де білуге болады. Мәселен, 2020 жылдың 1 қарашасына дейінгі дерекке сәйкес мегаполистің әлеуметтік-экономикалық дамуына бөлінген 455,4 млрд. теңгенің 99,2 пайызға игерілді. Пандемия іскерлік әлеуетке қанша зиянын тигізгенімен инвестициялық мүмкіндіктердің артуына кедергі жасай алмады. Керісінше биыл өткен жылдың қаңтар-қазан айымен салыстырғанда негізгі капиталға салынған инвестиция көлемі 54,3 пайызға артқан. Мәселен былтырғы инвестиция 142,2 млрд. теңге болса, биыл бұл көрсеткіш 223,4 млрд. теңгені құрады. Осының барлығы әкімдіктің биыл атқарған қарбалас тірлігінің оңды нәтижесі мен мол жемісі. Есіктен сығалап тұрған сиыр жылы пандемияның күші кетіп, қоғам бұрынғы жаймашуақ тіршілігіне қайта көшеді деген болжам мен үміт бар. Демек Шымкентті көркейту ісі келер жылы биылғыдан ауқымды түрде жүрігізілетініне сенім мол.

Іскер әйелдерге – МАРАПАТ

Среда, 30 Декабрь 2020 04:38

фото11111

Жаңа жыл мерекесі қарсаңында Шымкент қаласы әкімінің бірінші орынбасары Шыңғыс Мұқан үшінші мегаполистің өсіп-өркендеуіне үлес қосып жүрген әйелдер қауымымен кездесіп арнайы құрмет көрсетті.

– Жаңа жылдың келуімен Тәуелсіздіктің 30 жылдығына қадам басамыз. Тоқсаныншы жылдардың бас кезі мен қазіргі кезеңді салыстыруға келмейді. Еліміздің бүгінгі дәрежеге жетуіне Сіздердің де қосқан үлестеріңіз зор. Мемлекет әрдайым Сіздерге қолдау көрсететініне сеніңіздер, -деді Шыңғыс Жұмабекұлы.
Іс-шара барысында қала әкімінің бірінші орынбасары «Береке-А» корпорациясы ЖШС бас директоры Шымкент қаласы әкімі жанындағы әйелдер істері және отбасылық-демографиялық саясат жөніндегі қалалық комиссия төрағасының орынбасары Р. Оспаналиеваны, «Шымкент қаласының әйелдер кеңесі» қоғамдық бірлестігінің төрайымы Б. Жандосованы, «Атамекен» кәсіпкерлер палатасы жанындағы Шымкент қаласы бойынша іскер әйелдер кеңесінің төрайымы А. Архабаеваны, «Шымкент қаласының іскер әйелдер ассоциациясы» қоғамдық бірлестігінің төрайымы Э. Созақбаеваны, тағы бірнеше іскер ханымдарды ҚР Президентінің жанындағы әйелдер істері және отбасылық-демографиялық саясат жөніндегі ұлттық комиссияның Алғыс хатымен марапаттады.

 

Бұл қиындық та артта қалар

Пятница, 25 Декабрь 2020 04:25

5e9f149dae5ac963783fcee1

Былтыр желтоқсанда әлемді дүрліктірген Ковид-19 дейтін пандемияның пәлекеті басталғанына тура бір жыл болады екен. 2019 жылы 31 желтоқсанда Қытайдың Ухань қаласының дәрігерлері науқастардың белгісіз пневмониямен ауырып қаза тауып жатқанын айтып, дабыл қаққан болатын.

Алғашында әлем бұл хабарға аса мән бермеді. Алайда тұмаудың жарқанаттан адамға, одан адамнан адамға жұққаны дәрігерлерді қатты алаңдатты. Содан қураған шөпке тиген оттай бұл індет дүние жүзіне жайылып кетті. Жер бетіндегі адам өмір сүретін 5 құрлықтың барлығында Ковид-19 вирусы табылды. Қытай Ухань қаласын қатаң карантинге жапқанымен індет өкінішке қарай таралып үлгерді.
Қазақстанға коронавирус биыл көктемнің басында келді. Дәлірегі мамандар оның елге шамамен сол уақыттарда келетінін болжап отырған. Шымкентте бірінші науқас анықталғанда ғана жерлестеріміз бұл індеттің қаупі бекер емес екенін бағамдай бастады. Содан үшінші мегаполис те қатаң режимге көшіп, дәріхана, дүкендерден басқа барлық мекеме, ұйымдар, базарлар карантинге жабылды.
Бірінші карантинде адамдар көп ауыра қойған жоқ. Олар негізінен психологиялық қысымнан көп зардап шекті. Үйінде қамалып
отыру бейне бір азаптай көрінген. Оның үстіне табысынан айырылған халықты «енді қалай күн көрем, отбасымды қалай асыраймын» деген ой қатты мазалағаны да жасырын емес. Әрине Үкімет елге хал-қадірінше көмектесті.
Бір өкініштісі жұрт бастапқыда карантинге немқұрайлы қарады. Төтенше жағдай алынып тасталған соң адамдар босаңсып кетті, санитарлық талаптарды ұмыт қалдырды. Оның соңы қайғылы оқиғаларды көбейтті. Әсіресе маусым айында індет күрт өршіп, ауруханалар науқастарға лық толды. Індеттен талай адамнан, небір игі жақсылардан айырылып қалдық.
Бұл індет халық шаруашылығын, ел билігін де қатты әбігерге салғаны шындық. Әсіресе денсаулық сақтау
жүйесі теңізде ескексіз қалған қайықтай жанұшырды. Соған қарамастан медицина саласының мамандары өз өмірлерін қатерге тіге жүріп, тосыннан келген індетпен бетпе-бет күресіп, адамдардың өмірі үшін айқасты. Дәріхана алдын ұзын-сонар кезек «жаулады». Күнделікті пайдаланып жүрген дәрілер дәріхана, ауруханаларда тапшылыққа айналды. Есесіне қара нарықта оның бағасы ондаған есе қымбаттады. Жұрт жаны үшін жанұшырып удай бағаға сол дәрілерді сатып алды.
Пандемия басылғанда ғана ел бас көтеріп, ес жиды. Осындай ауыр шақта халықтың қайғысының арқасында байып қалғысы келгендер жазасын алды. Жүйеде жіберілген кемшіліктер анықталып, Ковидпен тиімді күресудің алгоритмдері жасалды. Экономиканы, денсаулық сақтау саласын жалпы қоғамды тұтастай матап, жаншып тастаған індетпен күресуге тіпті дамыған батыс елдірінің өзі дайын болмай шықты.
Дегенмен заманның медициналық жетістіктерінің арқасында бүгінде Ковид-19-ға қарсы әлемдегі дамыған мемлекеттер вакцина ойлап тауып, алдағы кезде оны егуді жоспарлап отыр. Соның ішінде Қазақстанда ресейлік Спутник-V вакцинасын және отандық екпені шығару көзделуде.
Ал Шымкентте пандемиямен күрестің, індет кезіндегі іс-әрекеттің үш түрлі алгоритмі яғни сценарийі жасалды. Оған сәйкес дәрі-дәрмектер қоры мен стационарлық орындарда төсек-орындар дайындалды. Індеттің өршу деңгейіне қарай денсаулық сақтау жүйесі де осы сценарийлер бойынша күрес шарасын күшейтіп отырады. Ресми мәлімделерге сүйенсек, бұдан былай індеттің ықтимал толқындарына қарамастан дәрі-дәрмек, төсек-орын және жедел жәрдем шақыртулары бойынша ешқандай іркіліс болмайды.
Елімізде келесі жылдың алғашқы айларынан бастап Ковидке қарсы екпе жұмыстары басталады деген болжам бар. Дегенмен, Дүниежүзілік денсаулық сақтау ұйымының мамандары адамзат жаппай вакцинацияланса да жағаны кеңге салуға әлі ерте дегенді айтады. Пандемиядан кейінгі жаңа өмірдің шарттарына адам баласы біраз уақыт көндігуге тура келетін сияқты. Өйткені екпенің шын мәнінде індетті ауыздықтаудағы, халықтың ауруға қарсы иммундық жүйесін қалыптастырудағы нәтижесі қандай болары әзірге белгісіз. Сондықтан келе жатқан 2021 жыл да санитарлық талаптармен өмір сүретін жыл болғалы тұр. Қалай дегенде де бұдан да ауыр талай нәубетті бастан кешірген адамзат бұл қиындықтан да аман-есен өтеріне сенгіміз келеді.

5 жылда 157 жоба іске асырылады

Среда, 23 Декабрь 2020 04:32

55

Өңірлік кәсіпкерлікті қолдау картасы аясында биыл қалада 35 млрд теңгеге 19 жоба іске асырылды. Осы жобалардың бірнешеуімен танысу мақсатында БАҚ өкілдері баспасөз турымен «Оңтүстік» арнайы экономикалық және индустриалды аймақтарда болып қайтты.

Солардың бірі – кілемше өндіретін «Бал декор» ЖШС-нің жаңа жобасы. Келесі жылдан бастап тоқыма фабрикасының кілемшелері жергілікті нарыққа түсе бастайды. Бұл кілемшелердің айырмашылығы – заманауи үлгіде тоқылған. Яғни еденде таймайды және оны кір жуатын машинада жуа беруге болады. Компания басшысы Огуз Дуррудың айтуынша, үй текстиліне жататын бұл кілем цехында алдағы уақытта көрпе-төсек те шығарылады. Кілемшелердің бағасы көлеміне қарай 8500-ден 12 мың теңге аралығында сатылмақ. Айта кетейік, «Бал декор» ЖШС – 16 желтоқсан – тәуелсіздік күні ашылған кәсіпорын.
«Оңтүстік» индустриалды аймағында 16 желтоқсан күні «Балқаш полиметалл» компаниясы жанынан ашылған «Шымкент Смелтинг» ЖШС жаңа металл байыту пешін іске қосты. Өндірістік жаңғыртудың нәтижесінде Шымкент металлургия саласы бойынша алдыңғы орынға шықты. Өткен жылдың өзінде кәсіпорын 1 мың тонна қара қорғасынды «Казцинк» компаниясына, 200 тонна қара мысты Ресейдің Челябинск қаласына жіберді. Кәсіпорынның бас инженері Қайрат Базарбаевтың айтуынша, отандық өнеркәсіпті қолдау мақсатында қара мысты «Қазақмыс» ұлттық компаниясына сату жоспарда бар. Аталмыш өндіріс орнында 200-ге жуық адам жұмыс істейді.

 

4545555555

 

Осы индустриалды аймақта орналасқан «Beskuduk Tas» ЖШС – коралл түстес табиғи тас өндіретін әрі өңдейтін кәсіпорын. Компанияның декоративті тастарымен Шымкент қаласындағы бірнеше көпқабатты үй және тоннель, Бадам өзенінен ашылған көпір әрленген. Сондай-ақ, Түркістан қаласында музей мен тағы екі ғимараттың қасбеті осы табиғи тастармен қапталған. Компания өкілі Ботагоз Сайлыбаеваның айтуынша, отандық табиғи тасқа деген сұраныс клиенттер тарапынан артып келеді. Кәсіпорынмен бүгінгі таңда «BI Group», «АРТ Құрылыс», «Отау-строй» секілді компаниялар іскерлік байланыс орнатқан. Өндіріс орнында күніне 300 шаршы метр тас өңделеді. Декоративті тастар сыртқы қасбетті әрлеумен қатар ішкі сәндеу жұмыстарына да жұмсалады. Өнімдер ішкі нарықтан бөлек Өзбекстан мен Ресейге экспортталуда. Табиғи тастың шаршы метрінің бағасы 3,5 мың теңгеден басталып, қалыңдығына қарай бағасы өсе береді. Шикізат Сарыағаш ауданы Жылға ауылындағы компанияның жеке меншігіндегі карьерден алынады.
Шымкент қалалық кәсіпкерлік және индустриалды-инновациялық даму басқармасының басшысы Береке Дүйсебековтің мәлімдеуінше, әкімдік тарапынан алдағы 5 жылда 1,4 трлн теңгеге 157 жобаны іске асыру туралы жоспар жасалған. Жыл сайын осы жобалар біртіндеп іске асырылмақ. Сондай-ақ, бүгінгі таңда Шымкент қаласында 2 индустриалды аймақ бар. Үшінші индустриалды аймақ құрылысы қарқынды жүргізілуде.

«Ұлт үні» жеңімпаздары кім?

Пятница, 11 Декабрь 2020 04:12

2020

Қазақстан Республикасы Тәуелсіздігінің 29-жылдығы қарсаңында Шымкент қаласындағы «Қазақстан халқы Ассамблеясы» ғимаратында «Ұлт үні» керуен-байқауына қатысушыларды марапаттау рәсімі өтті. Іс-шараға Шымкент қаласы әкімінің бірінші орынбасары Шыңғыс Мұқан қатысып, байқау жеңімпаздарын құттықтап, алғысын білдірді.

Қазақстан халқы Ассамблеясының «Қазақтану» мәдени-ағартушылық жобасы аясында Шымкент қалалық ішкі саясат және жастар істері жөніндегі басқармасының «Қоғамдық келісім» мекемесінің ұйытқы болуымен этнос өкілдері арасында «Ұлт үні» керуен-байқауы қазан айында басталған болатын.
Этнос өкілдері арасында қазақ халқының тілін, мәдениетін, өнерін, салт-санасын, тарихы мен әдебиетін насихаттау, олардың біріктіруші әлеуетін тиімді пайдалана отырып, барлық этнос өкілдерін қазақ халқының маңайына топтастыру міндетін көздеген бұл байқауға 80-нен астам концерттік номерлер ұсынылды.
Үздік деп танылған 22 концерттік номер таңдап алынып, өнерпаздар тобы қараша-желтоқсан айларында Абай, Әл-Фараби, Еңбекші, Қаратау аудандарында этнос өкілдері жинақы тұратын аумақтарда өнер көрсетті.
Байқауға қатысушылар әлем халықтары мойындаған ұлылар Әбу-Насыр әл-Фарабидің (1150 жыл), Абай Құнанбайұлының (175 жыл) еңбектерін, қазақ вальсінің королі атанған Шәмші Қалдаяқовтың (90 жыл) әндерін кеңінен насихаттап, олардың шығармаларын орындау шеберліктері арқылы мемлекеттік тілді меңгеру деңгейін көрсетті, қазақ халқының салт-дәстүрлері мен өнерін, мәдениетін дәріптеуге үлес қосты.
Байқау жеңімпаздарын арнайы құттықтаған Шыңғыс Жұмабекұлы: «Тәуелсіздік табыстарын еселеуде әрбір отандасымыздың үлесі бар. Сендер де байқауға қатысып, Қазақ елінің үнін жаңғырту арқылы Тәуелсіздік туын тұғырға қондырдыңыздар. «Ұлт үнін» жеткізудегі жеке шеберліктеріңізге шексіз ризашылығымды білдіре отырып, әрбіріңіз көрсеткен өнер жоғары бағалауға лайық деп санаймын», - деп атап өтті.
Байқауға қазылық еткен комиссия мүшелерінің шешімімен III орын - Гүлханым Тұрсыноваға, (түрік этносы, Еңбекші ауданы) II орын - Умид Умаров пен Умарға Рахимшиковаға (өзбек этносы, Еңбекші ауданы) I орын - Ким Павелге (кәріс этносы, Абай ауданы) бұйырса, бас жүлдені - Нематилло Зікруллаев (өзбек этносы, Абай ауданы) иеленді. Сонымен бірге байқауға қатысушылар арнайы номинациялар бойынша марапатталды.

upload-AP 20206194376214-pic4 zoom-1500x1500-57249

Шымкент қалалық кәсіпкерлер палатасында кинотеатр басшылары мен ойын-сауық орталықтарының директорлары бас қосты. Басты мәселе – еліміздің бас санитариялық дәрігерінің қаулысында кинотеатрлар мен ойын-сауық орталықтарының жұмысын шектейтін нормалар жоқ. Бірақ, соған қарамастан, Шымкентте бұл нысандарға қатысты тыйымдардың әлі күнге дейін алынып тасталған жоқ.

Кәсіпкерлер Шымкент қалалық бас санитариялық дәрігерінің қаулысына қосымша өзгеріс енгізіп, кинотеатрларды ашайық, ойын-сауық орталықтарының жұмысын сенбі-жексенбі күндері де жалғастырайық деген ұсыныс-пікірлерін айтты. Бұған Шымкент қаласының санитариялық-эпидемиологиялық бақылау департаменті басшысының орынбасары Жұмабек Ержанов «Бұл талап санитарлық нормалар қалпына келтірілген соң мүмкін болады» деп жауап берді. Кәсіпкерлер «Шымкент «жасыл» аймаққа кіретін қала, бұл – індеттен келер қауіп жоқ деген сөз. Басқа өңірлерде кинотеатрлар жұмыс істеп тұр, ойын-сауық орталықтары, сауда үйлерінің есіктері демалыс күндері де ашық. Неге бізде шектеулер алынбаған» деген сауалдың жауабын білу үшін келгендерін жеткізді.
Қаланың бас санитариялық дәрігерінің орынбасары ережелердің бұзылғаны төңірегінде әңгімесін жалғастыра келе, бірнеше кинотетрларды СЭС мамандары тексергенін, нәтижесінде ғимарат ішіндегі ауаның тазалығы сын көтермейтінін, желдетуі нашар, тіпті, жағымсыз иістің бар екенін айтты. «Шымкент-Плаза» сауда үйінен басқа бірде-бір ойын-сауық орталықтарының кинотеатрлары санитарлық сынақтан өтпеді. Сондықтан, менің ұсынысым, басқа кинотеатрлар екі аптадан соң жарияланатынын бас санитариялық дәрігердің қаулысына дейін жағдайды реттеп, анықталған кемшіліктерді жойып, барлығы бірдей ашылса», – деді
Жұмабек Анашұлы.
«Шымкент-Плаза» сауда үйінің бас директоры Бейімбет Асан орталықты сенбі, жексенбіде де ашуды сұрайды. Оның сөзінше, індеттің алдын алу бойынша барлық жағдай жасалған, сақтық шаралары барынша мұқият қарастырылған. Мәселен, ойын-сауық орталығында автоматты тепловизор бар. Ол ғимаратқа кірген адамдардың дене қызуын тексеруде ешқашан мүлт кетпейді. Және орталыққа қай есіктен кірсе де келушілер тепловизордың тексеруінен қашып құтыла алмайды. Ондай құрылғы Қазақстан бойынша тек Алматы мен Шымкентте ғана бар екен. Сонымен бірге сауда үйінің әкімшілігі орталыққа кіретін негізгі есіктерден басқа қосалқы есіктердің барлығын түгел жапқан. Кәсіпкердің айтуынша, әсіресе, сауда нүктелерін жалға алған тұлғаларға қиын болып отыр. Сауда-саттық азайып, соның салдарынан табыс та мардымды болмай жатыр. Көпшілігі осы сауданың арқасында бала-шағасын асырап отырған жандар. Оның үстіне әрқайсысының басында бірнеше несие бар. Одан қалай құтылмақ? Кәсіпкер сауда үйінде тамақтану алаңы – фуд-кордтың жұмыс істемеуі де бұл жерге адамдардың келуге деген қызықшылығын төмендетіп жібергенін айтты. «Сондықтан ойын-сауық алаңына сенбі, жексенбі күндері де жұмыс істеуге және кинотеатр мен фуд-кордтың ашылуына рұқсат беру керек. Біз бұл туралы жергілікті әкімдікке де, кәсіпкерлер палатасына да, тіпті тиісті министрлікке де хат жолдағанбыз. Бірақ әлі ешқандай нақты жауап келген жоқ» деді сауда үйінің өкілі.
Қалалық бас санитариялық дәрігердің орынбасары бұған қатысты былай деп жауап берді: «Біздің байқағанымыздай, сенбі, жексенбіде ойын-сауық алаңдарында адам күрт көбейеді. Шынайы жағдай көрсеткендей, олардың барлығын бақылап, кіргізу кейде мүмкін болмайды. Соның кесірінен індетті жұқтыру оқиғалары көбейіп, қаншама адам вирусты пневмонияға ұшырады. Арасында өлім жағдайымен аяқталған оқиғалар да, өкінішке қарай, аз болмады. Сондықтан біз сауда, ойын-сауық орталықтарының демалыс күндерінде жұмыс істеуіне рұқсат бермедік. Оның үстіне қазір бұл мәселені бас санитариялық дәрігер ғана шешпейді. Комитеттегі арнайы комиссияның шешімі ескеріледі. Тағы бір басты проблема – жоғары жақтағы құзырлы органдар еліміздің оңтүстік өңірлерінде санитарлық талаптардың сақталуына күдікпен қарайды. Сондықтан бүгінгі таңда комитет тарапынан тексерулер көбейіп жатыр».
Жиын соңында Шымкент қалалық кәсіпкерлер палатасының директоры Нұрлан Қабыштаев арнайы жұмыс тобын құрайық деген ұсыныс айтты. Ол жұмыс тобы, осы бір апта ішінде сауда, ойын-сауық орталықтары ғимараттарын санитарлық нормаға сәйкестіндіріп алған соң, оларды аралап көріп, оң нәтиже болса, кинотеатрларды ашу, ойын-сауық орталықтарының жұмыс күндеріне қатысты шектеулерді алып тастау жөнінде жоғары жақтағы тиісті органдарға дәлел-дәйектерді келтіре отырып ұсыныс хат жолдамақ.
Айта кетейік Шымкентте 50-ге жуық сауда, ойын-сауық орталығы мен 5 кинотеатр бар. Қалалық санитариялық-эпидемиологиялық бақылау департаментінің тексеруінен кейін «Мega Planet» және «Hyper House» орталығындағы Kinopark және «Фиркан» орталығындағы «Арсенал» кинотеатрлары теріс қорытынды алған.

Страница 5 из 11