Қазақпарат агентігінің мәлімдеуінше, әлемде коронавирус жұқтырғандар саны 38 млн. адамға жетіпті. 1,1 млн. науқас осы індеттен көз жұмған. 70 мың науқастың халі ауыр күйде. Оның себебін сарапшылар пандемияның күзгі толқынымен байланыстырады. Ал аурудың өршуіне сол бұрынғыдай адамдардың санитарлық талаптарға немқұрайлы қарауы түрткі болған. Халық індет саябырсығанға босаңсып, қауіп-қатердің барын ұмытып кетті. Баяғыша түрлі жиын-басқосулар өткізіп, әлеуметтік арақашықтық сақтау дегенді естен шығарды дейді мамандар.

713

Бүгінгі таңда табыс табамын жеке кәсіппен айналысамын деген адамға барлық жағдай бар. Мемлекет сол үшін арнайы бағдарламалар жасап, шағын және орта бизнесті дамытуды Үкіметтің негізгі міндеті етіп белгіледі. Президент Қасым-Жомарт Тоқаевтың елге арнаған «Жаңа жағдайдағы Қазақстан: іс-қимыл кезеңі» атты биылғы кезекті Жолдауында мұнайдың дәурені өткенін, енді экономиканы әртараптандыру, өркендету керектігін, ол үшін шағын және орта бизнеске жан-жақты қолдау көрсетілетінін жеткізді.

208

Мемлекет басшысы Қасым-Жомарт Тоқаев «Жаңа жағдайдағы Қазақстан: іс-қимыл кезеңі» атты Қазақстан халқына арнаған биылғы Жолдауында ақпараттық ашықтықты қамтамасыз ету,
халық үніне құлақ асатын мемлекет құру ісін жеделдету туралы тапсырма берген еді.

508

Шымкент қаласында орналасқан «Сымбат-Нұр» медициналық орталығы таңдаулы жекеменшік емдеу мекемелерінің бірі. Бәтеш Айтбайұлы басқаратын клиника емханаға тіркелу бойынша халыққа түсіндірме жұмыстарын жүргізуде.

308

Олардың әр күні – ерлік

Пятница, 25 Сентябрь 2020 04:36

фото6

Төтенше жағдай қызметі өкілдерінде биыл қос қуаныш. Бірі – 2020 жылы аталмыш қызметтің тәуелсіз Қазақстан тарихында құрылғанына 25 жыл толды. Екіншісі – ҚР Президенті Қасым-Жомарт Тоқаевтың Қазақстан халқына арнаған биылғы Жолдауындағы тапсырмасына сәйкес елімізде төтенше жағдай қызметі өз алдына дербес министрлік болып қайтадан
құрылды.

Жалпы осы салада еңбек етіп жүргендердің ішінде құтқарушылардың қызметі ерекше. Олардың жұмысы әрдайым қауіп-қатерге толы. Жауапкершілігі зор, қиын да күрделі мамандықтың иелері деп осы құтқарушылар аталса керек. Шымкент қалалық төтенше жағдай департаментінің «Өрт сөндіру және авариялық құтқару қызметі» мемлекеттік мекемесі бастығының орынбасары әрі жедел құтқару жасағының басшысы Орынбасар
Төртбаев құтқарушы болу оңай емес екенін білсе де өз мамандығын жүрек қалауымен таңдаған. Президенттің пәрменімен төтенше жағдай қызметінің жеке министрлікке бағынатыны туралы хабарды ол да ерекше қуанышпен қарсы алды.
Маманның айтуынша бүгінгі таңда ұжымда 94 құтқарушы жұмыс істейді. 4 кинолог, 3 дәрігер, 2 психолог бар. Дәрігерлер Тоғыс, Шардара және Шымкенттегі құтқарушылар жасағына медициналық қызмет көрсетеді. Яғни күнделікті олардың қан қысымын, дене қызуын өлшеп, денсаулықтарын бақылайды. Ал психологтар түрлі қайғылы жағдайлардың куәсі болған құтқарушыларға психологиялық көмек береді. Сондай-ақ, төтенше жағдайлар қызметінде 5 адамнан құралған сүңгуір бөлімі бар.
– Биыл жыл басынан бері 471 шақыртуға шықтық. 140 адамды құтқардық. Оның 79-ы - бала. Соның ішінде суға батып бара жатқан 1 адамды құтқарып қалдық. Мекемеге қарасты 18 техника, 29 жүзу құралын пайдаланамыз. Өкінішке қарай, соңы қайғымен аяқталған жағдайлар да болып тұрады. Біздің жігіттер қолдан келгенше құтқару амалдарын жасайды. Бірақ адамдар кейде өмірге үлкен қауіп төндірген апаттарға ұшырап жатады. Осындай өкінішпен біткен оқиғалардың салдарынан биыл 56 адам опат болды. Олардың 11-і – балалар. Жыл басынан бері диспетчер пультіне 308 апатты-құтқару шақыртуы келіп түсті. Нәтижесінде 128 адамға көмек көрсеттік. Солардың ішінде 76 бала бар, – дейді Орынбасар Құлманбетұлы.
– Әсіресе, су астында құтқару жұмыстарын жүргізу қиын. Өзеннің қатты ағысы, түбінің көрінбеуі, астында жатқан әртүрлі заттар, судың салқындығы сүңгуірлерге көп кедергісін тигізеді. Бақсы-балгерлердің сәуегейлігі одан да зор кесір. Суға батқан адамның туыстарын тірі жүр деп үміттендіріп, құтқарушыларға іздестіру жұмыстарын атқаруға мұрша бергізбейді. Бізге 112 бірыңғай кезекшілік қызметі арқылы хабар келіп түседі. Дабыл қағылған сәтте санаулы минуттар ішінде құтқарушылар жасағы жолға шығады. Бұл жедел жәрдем, өрт сөндірушілер секілді бағыты айқындалған қызмет емес. Құтқарушылар қазір іштегі иесі бірнеше күн белгі бермеген немесе жас бала, өздігінен жүріп-тұра алмайтын науқас қалып қойған үйдің есігін бұзып ашса, сәлден соң жыланнан шошынған отбасын қауіптен құтқаруға асығады, – дейді құтқарушы маман.

 

фото3фото4


Құтқару қызметінің мамандары өздерін физикалық тұрғыдан жақсы ұстау үшін дене шынықтыру жаттығуларына көп көңіл бөледі. Дегенмен бұл салада еңбек ететіндер әскерилер, өрт сөндірушілер немесе құқық қорғаушылар секілді зейнеткерлікке ерте бастан шықпайды.
– Біздің жұмыс көп қимыл-әркетті, жылдамдықты қажет етеді. Жас келген сайын адамда ондай мүмкіншіліктердің азаятыны белгілі. Соған қарамастан құтқарушылардың зейнет демалысына шығатын уақыты 63 жаста қалып отыр. Дей тұрғанмен бұл мәселе қазір жоғары жақта қаралып жатқанға ұқсайды. Ендігі үміт – сонда, – дейді О.Төртбаев.
Құтқарушылар күн сайын ерлік істер жасайды. Алайда оны өздері жұртқа мақтан еткісі келмейді. Өйткені бұлар оны тиісті міндет деп қабылдайды. Ал сіз бен біз секілді қарапайым адамдарға құтқарушылардың әр еңбегі үлкен ерлікпен пара-пар. Біреу бір адамды кездейсоқ құтқарып қалса, бүгінгі күннің батыры деп марапатқа ұсынылады. Ал төтенше жағдай қызметінің мамандары әр күні осындай батырлық жасауда.
Сондай есте қаларлық оқиғаның бір-екеуіне тоқталсақ, мәселен, өткен айда тауға шығып жоғалып кеткен 5 адам құтқарылды. Өкінішке қарай, қауіпсіздік талаптарын сақтамаудың кесірінен бір әйел сол оқиғада мұздан аяғы тайып кетіп, құзға құлап, мерт болды. Оның алдында тауға серуендеуге барған жас балалар құтқарылып, үйлеріне аман-есен оралды. Алайда мұнда да оқиға қайғылы жағдайсыз бітпеді. Қауіпсіздікті ұмытудың салдарынан бұл оқиғада бір бала опат болды.
Орынбасар Туртбаев– Осындай жағдайлар адамдарға сабақ болуы тиіс. Яғни дайындықсыз тауға шығуға болмайды. Ол үшін міндетті түрде төтенше жағдай қызметіне ескертіп қою қажет. Құтқарушылар олардың қайда жүргенін біліп отыруы керек. Және тауға серуендеуге барған кезде адамдармен бірге тәжірибелі жол көрсетушінің еріп жүргені жақсы. Ал шомылуда үлкендер балаларды қараусыз қалдырмауы қажет. Сондай-ақ, бәрімізге белгілі басты ереже – суға масаң күйде түсуге болмайды. Қайыққа мінгенде де құтқару жилетін кию керек. Көрсетілген мөлшерден артық зат тасымалдауға тыйым салынады. Себебі көп зат артудың салдарынан қайықтар орта жолға жеткенде аударылып кетуі мүмкін. Осындай қауіпсіздік шараларын сақтасақ, өміріміз де қауіпсіз болады, – дейді Орынбасар Құлманбетұлы.

Коронавирус індеті елді шаршатқаны аздай, енді оған құс тұмауы деп аталатын, жануарларда болатын оба келіп қосылды. Соңғы деректерге сәйкес бүгінгі таңда республиканың бес облысында, атап айтқанда, Солтүстік Қазақстан, Павлодар, Қостанай, Ақмола, Қарағанды өңірлеріне қарасты 26 ауданның 47 елдімекенінде құс тұмау дерегі тіркелген.

Осыған байланысты Шымкент қалалық ауыл шаруашылығы және ветеринария басқармасы мен аумақтық инспекция мамандары аурудың алдын-алу шараларына кірісіп кетті. Ауыл шаруашылығы басқармасы ветеринария бөлімінің басшысы Манарбек Ержігітовтің айтуынша, Шымкент қаласы әкімінің орынбасары А.Сәттібаевтың тапсырмасымен 23 қыркүйек күні үй құстарына вакцина бөлу жөнінде тиісті органдарға ұсыныс хат жіберілген. Хатқа сәйкес Шымкент қаласы әкімдігі тарапынан 186500 доза вакцина алдыру жөнінде тапсырыс берілген. 1 доза вакцина 2 құсқа екпе жасауға жетеді.
— ҚР Ауыл шаруашылығы министрлігінен жақында жекеменшік құс фабрикалары вакцина салуды өз қаражаты есебінен жүргізсін деген хат келді. Статистика департаментінің 1 тамыздағы мәліметі бойынша, қалада 969 мың құс бар. Оның 596 мыңы құс фабрикаларына тиесілі. Атап айтқанда, «Тассай құс», фабрикасы – 130 мың, «Шымкент құс» кәсіпорны 469 мың тауық өсіруде. Қалған құстар жеке адамдардың қолында. Құс температурасы адамнан 3-4 градус жоғары болады. Сондықтан құс тұмауын қоздыратын вирус төмен температурада өмір сүре алмайды. Дегенмен бұл індет аса жұқпалы аурулар тізімінде болғандықтан, адамға жұғу қаупі бар. Сол үшін тұрғындар сақтық шараларын мұқият сақтағаны жөн. Осыған байланысты қазір ветеринар-дәрігерлер базарларда, басқа да сауда нүктелерінде құс өнімдерінің сапасын қатаң бақылауға алып отыр. Осыған байланысты аумақтық ветеринарлық инспекция және «Ветеринарлық қызмет» мемлекеттік коммуналдық кәсіпорнының 106 маманы елдімекендерді аралап, халыққа түсіндіру жұмыстарын жүргізуде. Дегенмен, құстың етін, жұмыртқасын асқа пайдаланудан келіп-кетер ешқандай қауіп-қатер жоқ. Ең бастысы, дұрыс термиялық өңдеуден өткізіп барып пайдалану керек, – деді М.Ержігітов.
Басқарма өкілінің мәлімдеуінше, 2018 жылы Шымкент қаласына ҚР Ауыл шаруашылығы министрлігі тарапынан 25756 бас құсқа екпе берілген. Алайда бізде өткен және биыл құс тұмауының тіркелмеуіне байланысты вакцина бөлу жұмыстары тоқтатылған.
ҚР АШМ ветеринарлық бақылау және қадағалау комитеті төрағасының міндетін атқарушы Қызғалдақ
Жұбатқанова жыл құстары жылы мекендерге әлі ұшып жатқанын, сол себепті еліміздің оңтүстік, батыс өңірлерінде құс тұмауының таралу қаупі бар екенін жоққа шығармады. Өйткені
Ресейдің Челябинск, Омбы облыстарынан басталған індеттің Қазақстанда да тіркелуі обаның жабайы құстардан үй құстарына жұғуынан болған. Бұл ретте ветеринар мамандар індеттен құтылудың жалғыз жолы – қаладағы әр үй құсына жеке-жеке вакцина салу қажет екенін айтады.

411d3ee3-63e2-49a5-a676-70b807cbee45

«Рахат-Шымкент» фабрикасы қантты печенье шығаратын жаңа өндірістік желіні іске қосты. Жаңалықты алдымен БАҚ өкілдерімен бөліскен кәсіпорын басшылығы жаңа цехтің жұмысымен таныстырды.

Тәттілер өндіретін аталмыш фабриканың директоры Ж.Рахипбекованың айтуынша, печенье өндірісіне арналған жаңа желі итальяндық қондырғы. Бұл орайда фабрика басшылығы жергілікті әкімдіктің қолдау көрсеткеніне дән риза. Қондырғыны Италиядан алдыртуға әкімдіктің көп көмегі тиді деп отыр. Қондырғыны орнатуға өндірістік желіні техникалық талаптарына сай қолданудың жолдарын үйретуге мамандар со жақтан келген.
–Қанттыдан бөлек алдағы уақытта, дәлірек айтқанда келесі айдың басында тәттінің тағы бір түрі «құмды» печенье шығаруды ойластырып жатырмыз. Ол өнімнің құрамы, түр-түсі, дәмі басқаша болады. Ондай печенье отандық нарықта қазір өте аз. Италияндық жаңа қондырғы сары майдан жасалатын печеньемен бірге оның қамыры майда құм секілді болып келетін түрін шығаруға мүмкіндік береді.

Жаңа печеньенің ортасындағы тәтті жұмсағы жемістерден жасалған тосап немесе шоколадты крем болуы мүмкін. Ресейде бұл өнім кең таралған. Ал Қазақстанда тұңғыш рет біздің фабрикада шығармақ. Жаңа қондырғы Polin деп аталады. Ол әлем бойынша кондитерлік өнімдер шығаратын ең үздік өндірістік желінің қатарына кіреді. Оның бірден-бір артықшылығы табиғи газбен де жұмыс істей береді. Сонымен бірге, өнімділігі өте жоғары. Мәселен печенье өндірісінде сағатына 2 мың тоннаға дейін өнім шығара алады, - деді серіктестік директоры Ж.Рахипбекова.
Шымкент қаласы әкімінің орынбасары А.Сәттібаевтің мәлімдеуінше «Рахат-Шымкент» ЖШС мегаполистегі ең ірі кәсіпорындардың қатарынан саналады.
–Жаңа өндірістік желіні іске қосу үшін 3,2 млрд. теңге инвестиция тартылды. Мемлекеттік «Өндіріс» бағдарламасы арқылы компанияға жылдық мөлшерлемесі 6 пайыздық жеңілдікпен 2,6 млрд. теңге несие берілді. Қазіргі таңда кәсіпорында 860 адам еңбек етсе, жаңа желінің өндіріске енуімен жұмыскерлер саны қосымша тағы 130 адамға толығады. Шымкенттік өнімдер бүгінде ішкі нарықтан бөлек көршілес Ресейге, Украинаға, Орта Азия мемлекеттеріне тіпті Германияға экспортталуда. Фабриканың қала экономикасына қосар үлесі зор болып тұр. Біріншіден, қосымша инвестиция тартылды. Екіншіден жаңадан қаншама тұрақты жұмыс орындары ашылды. Үшіншіден, кәсіпорын өнімдерін шетелге жөнелту арқылы табысы ұлғаяды, сонымен бірге мемлекеттік бюджетке түсетін салықтың кіріс бөлігі де артады. Ол өз кезегінде елдегі көптеген әлеуметтік мәселелердің оңды шешім табуына жұмсалатын болады. Үкімет тарапынан кәсіпкерлік саласына үлкен қолдаулар көрсетіліп жатыр. Соның бір мысалы, Өңірлік кәсіпкерлікті қолдау картасы аясында 2011-2019 жылдары 182 миллиард теңгеге 105 ірі жоба іске қосылды. Ендігі кезекте осының шеңберінде 2025 жылға қарай жалпы құны 328 миллиард теңгені құрайтын 35 ірі жобаны қолға алмақшымыз. Сондай-ақ қалада «бір терезе» қағидасы бойынша Кәсіпкерлерге арналған үкімет арнайы сервистік орталығы бизнес өкілдеріне қызмет көрсетеді. Онда кәсіпкерлер мамандардан бизнес жоспар құру, банктермен келіссөздер жүргізу, рұқсаттама құжаттарын әзірлеу сынды әртүрлі көмек пен кеңестер ала алады,- деді қала әкімінің орынбасары А.Сәттібаев.
«Рахат-Шымкент» фабрикасында негізінен шаһардағы №6 кәсіптік колледж студенттері өндірістік оқу-іс тәжірибесінен өтіп, көпшілігі кейін осында жұмысқа қабылданады.
«Рахат» компаниясының өнімдері бірінші рет Шымкентте 2001 жылы шығарылды. Содан бері өндіріс орнының аясы кеңейіп, бүгінде мұнда 7 түрлі тәтті өнімдер 52 атаумен сауда ішкі-сыртқы нарыққа жөнелтілуде. Жылына 24 мың тонна өнім өндіретін кондитерлік фабрика өнімдерінің көлемі соңғы жылдармен салыстырған 20 пайызға өскен. «Рахат» АҚ басқарма төрағасының орынбасары Пак Гюн Ельдің айтуынша тәттілер өндіретін өзіміздің «Рахат» фабрикасы оңтүстіккореялық Lotte компаниясының құрамына кіретін 9 елдегі кондитерлік кәсіпорындар ішінде өндіріс ауқымы мен табысы жағынан бірінші болып тұр екен. Шетелдік инвестор алдағы уақытта Шымкенттегі «Рахаттың» өнімдері ТМД елдерінің нарығын отандық тәттілермен толтыратынына зор сенім артып отыр.

119888164 381153006377527 5841030415663653678 o

Мемлекет басшысы Қасым-Жомарт Тоқаев Қазақстан халқына арнаған Жолдауында өнеркәсіп өндірісін 1,5 есеге арттыруды тапсырған болатын. Бүгінгі таңда үшінші мегаполисте индустриалды аймақтарда өндіріс қарқыны артуда. Соның ішінде «Тассай» индустриалды аймағында нақты 14 жоба іске асқан. Арнайы ұйымдастырылған баспасөз турында «Мега Смарт» және «New Technology LTD» кәсіпорындарының жұмысымен танысып қайттық.

Шымкенттің бренд тауары

Аталмыш кәсіпорын жиһаз өнімдері мен ламинат плиталар өндіреді. Зауыттың атқарушы директоры Р.Алтаева кәсіпорын ішін аралатып, өндіріс процестерін көзбен көрсетті. Оның айтуынша, «Мега Смарт» жиһаздары Шымкент қаласының бренд тауары саналады. Жиһаз өнімдерінің алғашқы сызбадан, 3D принтерінде жобаланып, клиенттің қалаған жеріне орнатқанға дейінгі барлық өндіріс, құрастыру жұмыстары зауыт мамандарының қолымен жасалады. Заманауи технологияға келсек мұнда итальяндық қондырғымен жиһаз тақтайларына 0,1 мм дәлдікпен бұрандалар бекітілетін тесіктер салынады. Тақтай жақтауларына автоматты түрде жапсырмалар орнатылып, жиһаздың әрбір тақтайы бөлек гофрақорапта қапталады.
Кәсіпорын басшысының айтуынша, зауыт «Тассай» индустриалды аймағында 2016 жылы салынған.
– Жобаның І-кезеңін қаржыландыруға «Даму» кәсіпкерлікті қолдау қорынан 6 пайыздық жеңілдікпен несие алдық. Аталмыш қор кепілмүліктің 50 пайызын өзі қамтамамасыз етті. Зауыт құрылысының ІІ-кезеңінде «Бизнестің жол картасы-2020» бағдарламасы бойынша 14 пайыздық несиеге қол жеткіздік. Алынған несие пайызының жартысы «Даму» кәсіпкерлікті дамыту қоры арқылы субсидияланды. Енді жобаның ІІІ-кезеңіне қаражатты «Қарапайым заттар экономикасы» бағдарламасы арқылы тартуды көздеп отырмыз. Өйткені, бұл бағдарлама бойынша 6 пайыздық жеңілдетілген несие қарастырылған, – дейді кәсіпорын басшысы.
Кәспорын мемлекет тарапынан алған несие қаражатына металл құрылымдарын шығаратын «Смарт инжиниринг» атты зауыт құрылысын салады. Жаңадан салынатын зауытқа 1 гектарлы жер учаскесін де мемлекеттен арендаға алып қойған. Алдағы кезде сол жер телімін грант есебінде қайта ресімдеуді жоспарлап отыр. Сонымен бірге компания «Казахэспорт» ұйымымен кепілмүлікті кепілдендіру, экспорттық үстемеақыны субсидиялау бойынша келіссөздер жүргізіп жатыр. Бүгінгі таңда «Мега Смарт» зауытында жылына 60 мың жиһаз, 120 мың табақ немесе 360 мың шаршы метр 5 түрлі ламинат тақтайшалары шығарылады. Кәсіпорынның алдағы жоспарында өнім ассортиментін ұлғайтып, өндіріс көлемін арттыру мақсаты тұр.

 

566

 

Дизельді генератор шығарады

Баспасөз туры аясында танысқан екінші нысан «Тассай» индустриалды аймағында орналасқан «New Technology LTD» кәсіпорны болды. Аталған зауытта қуаты 15-1000 киловаттық дизельді электр стансалары өндіріледі. Бұл дизелді электр генераторлары бұрын-соңды елімізде жасалмағандықтан Қазақстандағы теңдессіз өнім саналады. Компания басшысы Б.Жакешбаевтің сөзінше, зауыт биыл шілде айында іске қосылған. Дизельді генераторды құрастыруға қажетті бөлшектердің жартысы Қытай, Түркиядан әкелінсе, қалған бөлшектерді өзімізден сатып алады. Негізінде кәсіпкер бұл бизнесті алғашқы кезде дизельді электр қондырғыларын шетелден әкеліп, елімізде саудалаудан бастаған. Өндіріс кәсібін ашса, мол табыс көзі болатынын байқаған ол мұндай генераторларды өзімізде құрастырып шығаруға бел байлайды. Оның үстіне талап бойынша әрбір әлеуметтік маңызды нысандардың барлығында да қосымша апаттық жағдайға арналған бөлек дизельді электр генераторы болуы шарт. Тіпті бүгінде ауылды жерде қала шетіндегі елдімекенде тұрып жатқан әрбір отбасы жағдайына қарай үйлеріне шағын электр генераторын сатып алып қойғанды жөн көреді. Осыны ескерсек бұл өнімге деген сұраныстың елімізде қаншалықты жоғары екенін аңғару қиын емес. Мұны кәсіпкердің өзі де растайды. Оның есебінше Қазақстанда дизельді электр стансасына деген сұраныс жылына 2 мың дананы құрайды екен. Ал кәсіпорынның бизнес-жоспарында бастапқыда жылдық өндіріс қуаты 240-300 дана деп көрсетілген. Дегенмен Б.Жәкешбаев өндіріс қарқынын үдетсе жылына 500 данаға жуық элетр генераторларын өндіруге кәсіпорынның қауқары жететінін айтады. Өндіріс қуатын арттыруға жапониялық Кайдзен жүйесі септігін тигізбек. Бұл жүйені алғаш елімізге алып келген Қазақстанға белгілі бизнесмен Марғұлан Сейсембаев. Кайдзен жүйесіне сәйкес адамға уақыттан ұтылмайтындай, еңбек өнімділігін арттыратындай жұмыс істеу үшін соған лайықты жағдай жасалуы керек.
– Керекті құрал-саймандар көрнекі етіп жұмысшының алдында тұрады. Сонда ол бұрынғыдай бір құралды іздеп табу үшін қораптың ішін ақтарып босқа уақытын жоғалтпайды. Сол секілді генератор қондырғысын құрастыру жұмыстары бөлек-бөлек болғанымен бір-біріне өте жақын маңда жүргізіледі. Жұмысшылардың бір тобы қондырғыны құрастырып болса, қасындағы топ дереу оны бояуға кіріседі. Осылайша өндірістік процестің барлық кезеңдері зауыттың аядай жерінде жүзеге асырылады. Бұдан еңбек өнімді болады әрі уақытты тиімді пайдаланады, – деп кәсіпкер оны цехтағы жұмыс процесі арқылы көрсетті. Бір қызығы Кайдзен жүйесін тек өндіріс ошақтарында емес, қарапайым тұрмыста, үй шаруашылығында да қолдануға болады.
Аталмыш зауытты салуға 300 млн. теңге қаражат жұмсалыпты. Мемлекет тарапынан бүгінгі таңда кәсіпкерлікті қолдау бағытында пайызы төмен ұсынылып жатқанына қарамастан, бұл жобаны қолға алуға қаражатты өз қалтасынан жаратқан. Жоғары технологиялы өнім шығарылатындықтан мұндағы өндіріс желілері заманауи әрі қымбат қондырғылар. Мәселен темірді лазердің көмегімен түрлі кескіндер түрінде жапондық қондырғының бағасының өзі 100 мың доллар тұрады. Шілдеде ашылған зауыт екі айдың астам ішінде 70-ке жуық дизельді электр генераторларын жасап үлгерген. Алдағы уақытта генератордан бөлек қосымша сусорғыш компрессор аппаратын құрастыруды ойластыруда. Осы күнге дейін шымкенттік дизельді генераторлардың бірнешеуін Қырғызстан елі сатып алыпты. Ендігі жерде отандық өнімнің сапасына мен бағасына қызыққан көршілес Өзбекстан мемлекеті Шымкентте жасалған электр қондырғысына қызығушылық танытып, компаниямен келіссөздер жүргізіп жатқанға ұқсайды. Ал зауыттың алдағы жоспары – аталған екі елден ресми өкілдік ашып, отандық өнімді ашық саудалауға көшіп экспорттық әлеуетімізді күшейту. Рас бастапқыда дизельді электр генераторын құрастыру тәжірибесі елімізде болмағандықтан кәсіби маман табу жағынан біраз қиындықтар болған. Бірақ кәсіпкер шетелге жиі іссапармен шығып сол жақтан біраз нәрсе үйреніп көп тәжірибе жинақтаған. Ақыры соңында білім мен ізденістің арқасында күрделі технологияны өздері жасап шығаруды біртіндеп меңгерген. Тіпті жұмысшыларды оқыту үшін арнайы Қытайға да жіберген.
–Жалпы мегаполисте 426 гектар аумақты құрайтын 2 индустриалды аймақ бар,- деді Шымкент қалалық кәсіпкерлік және индустриалды инновациялық даму басқармасының басшысы Б.Дүйсебеков журналистерге берген сұхбатында. –Соның ішінде «Тассай» индустриалды аймағының жалпы аумағы – 89 гектар жер. Аймақта жер телімдері түгел игерілген, 33 жоба қолға алынып, оның 14-і нақты іске асырылды. Соның нәтижесінде 2,5 мың адам өзіне тұрақты жұмыс тапты. Осы аймақтың есебінен 1,5 млрд. теңге салықтық кіріс төленіп, қала экономикасына 44 млрд. теңге қосымша инвестиция тартылды. Биыл жыл соңына қарай тағы 5 жоба іске қосылмақ. Сондықтан Шымкентті келешекте республиканың өнеркәсіп орталығына айналдыруға толық негіз бар және оған қаланың әлеуеті толық жетеді. Жергілікті әкімдік индустриалды аймақтарда немесе одан тыс болсын бизнес-жоспарын жүзеге асыруға ниетті барлық кәсіпкерлердің бастамасына жан-жақты қолдау көрсетуге әзір.
Қосымша айта кету керек, жоғарыда аталған екеуден басқа қалада «Жұлдыз» деп аталатын үшінші индустриалды аймақтың құрылысы бүгінгі таңда қарқынды жүріп жатыр. Индустриалды аймақтар бұл әлемдік өндіріс саласындағы озық тәжірибе саналады. Өйткені қазіргі экономикасы дамыған елдердің барлығының да өндіріс ошақтары бір индустриалды аймақта шоғырланған. Кәсіпорындарды бір жерге топтастырудың мемлекетке тиімділігі қазынадан жұмсалған 1 теңге бюджетке бернеше есе табыс болып қайтады. Ал кәсіпкерге пайдасы зауыт салуға жер телімін мемлекеттен тегін алса, екіншіден қажетті инженерлік инфрақұрылым жүйелері бюджет есебінен тегін жүргізіліп беріледі.

Страница 7 из 11