Жәрмеңкеден жұмыс тапты

Пятница, 28 Октябрь 2022 06:01 Автор  Опубликовано в Әлеумет Прочитано 1542 раз

jumyspen-kamtu

Шымкент қаласында пробация қызметінің есебінде тұрған азаматтарға арналған бос жұмыс орындар жәрмеңкесі өтті. Жәрмеңкеге қалалық халықты жұмыспен қамту орталығы тарапынан 190 жұмыс беруші мекеменің 500-ден астам бос жұмыс орны ұсынылды. Іс-шараға 50-ге жуық пробация қызметінің есебінде тұрғандар қатысып, кеңес алды. Сондай-ақ, жәрмеңкеде 13 азамат жұмысқа орналасуға жолдама берілді.

Бүгінгі шараның игілігін көргендердің бірі – Махаббат Нұржанова. Тігіп-пішуге икемі бар қала тұрғыны «JBK» тігін фабрикасына жұмысқа жіберілді.

–Бос жұмыс орындары жәрмеңкесінде мамандардан кеңес алып, «JBK» тігін фабрикасына жұмысқа жолдама алдым. Осындай қысқа уақытта жұмысқа орналасамын деп ойлаған жоқ едім. Адал еңбегіммен отбасымды асырауыма мүмкіндік алғаныма қуаныштымын. Ұйымдастырушыларға алғыс білдіремін, -деді М.Нұржанова.

Жәрмеңкенің басты мақсаты – сот үкімімен бас бостандығын шектеу жазасы тағайындалып, пробациялық бақылау белгіленген жұмыссыз жүрген азаматтарды жұмыспен қамту, оларды қоғамға бейімдеу.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Нұрбол ОРЫМБАЕВ. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.