Жиынға Шымкент қаласы бойынша тексеру комиссиясының мүшелері Марат Балқыбеков, Жеңіс Сәдібеков, қалалық ішкі саясат және жастар істері жөніндегі басқарма басшысының орынбасары Мөлдір Кеуенова, басқармаға қарасты мекемелердің өкілдері мен есепшілері қатысты.
Аудиторлық тексеру іс-шарасы Ж.Сәдібековтің басшылығымен 2022 жылдың 19 тамызы мен 14 қараша, 5 қазан және 14 қараша аралығында жүргізілген болатын. Жеңіс Жақсылықұлы басқарма және оған қарасты мекемелер басшылары тарапынан белсенді жұмыстар атқарылғанын атап өтті. Жиында 2020-2021 жылы бюджет қаражатын жоспарлау, бағдарламаларды бекіту барысында бюджет қаражатын тиімді жоспарлау мәселелері талқыға түсті. Ж.Сәдібеков мемлекеттік аудит обьектілері бойынша бюджет қаржыларын жоспарлау, жергілікті бюджеттен бөлінген қаражаттың жоспарлануына және пайдалануына бақылауды күшейту қажет екенін айтты.
