Шаhарда жыл басынан бері қылмыстардың тіркелу көрсеткіші 43 пайызға төмендеген. Оның ішінде интернет-алаяқтық 73 пайызға азайған.
– Алаяқтық қылмысымен күрес тобының жедел әрекет ету жұмыстарынан оңды нәтижелерге қол жеткіздік. Қазіргі уақытта жергілікті телеарналардан тұрғындарға ақпараттық-түсіндірме жұмыстары жүргізілуде. Қала прокуратурасы тіркелген істерді зерделеу нәтижесінде, кейбір адамдардың «Атамекен» кәсіпкерлер палатасы мен жергілікті жұмыспен қамту басқармасы қызметкерлерінің атын жамылып, халықты алдап жүргендігі анықталды. Қала тұрғындарын кез келген оңай ақша табу жарнамаларына алданбауын, түсініксіз жағдайда құқық қорғау органдарына хабарласуға шақырамыз, - деді Жандос Есенжанұлы
Сондай-ақ, жиында қалалық кәсіпкерлер палатасы директорының орынбасары Мақсат Өткелбаев, «Жұмыспен қамту орталығы» КММ-нің директоры Шағдат Әсетұлы алаяқтарға алданбауды, тұрғындарды тікелей мекемеге келіп, кеңес сұрауға шақырды.
Айта кетсек, өткен жылы қайтарымсыз грант және атаулы әлеуметтік көмек алу мемлекеттік бағдарламасы мәселелерімен 273 адам алаяқтардың құрбаны болса, биыл мұндай фактілердің 30-ы тіркеліп отыр. Барлық іс ашылып, биыл 2 іс сотта қаралуда. Тіркелген істермен жан-жақты тергеу жұмыстары жүргізілуде.
