Версия для печати

Күн ысыды, бірақ шомылуға әлі рұқсат жоқ Избранное

Среда, 03 Июнь 2020 04:36 Автор  Опубликовано в Қала Прочитано 1932 раз
Оцените материал
(0 голосов)

Күн ысығалы түрлі су көздеріне, су бұрқақтарға шомылатындар көбейді. Шымкент қалалық төтенше жағдай департаментінің мамандары осы орайда қауіпсіздік ережелерін ұстауға шақырады.

30

 

Қаладағы су айдындарында азаматтардың қауіпсіздігін қамтамасыз ету бағытында жергілікті атқарушы органдар, полиция департаменті және Ұлттық ұланмен бірлескен жұмыс жүргізілуде.
– Қазіргі таңда қаладағы 5 демалыс орны арнайы қаулы жобасына енгізілген. Шымкент аумағында Бадам және Сайрам су өзендері бар. Шомылу маусымы кезінде олардың тереңдігі 50 сантиметрден саяз, сондықтан бұл акваторияларда шомылуға болмайды, - деп мәлімдеді Шымкент қаласыТөтенше жағдай департаменті басшысының орынбасары Ерғали Бахаев Ақпараттық коммуникация орталығында өткен баспасөз брифингінде.
Бүгінде адамдардың жаппай демалатын орындарының қызметі тоқтатылғанына қарамастан, су айдындарындағы қауіпсіздік бойынша белсенді үгіт-насихат жалғасуда. Осыған қарамастан тұрғындар қауіпсіздік ережелерін елемейді, ал мұның соңы қайғылы жағдайларға әкеп соқтырады. Сондай өкінішті оқиғаның бірі – 2020 жылы 31 мамыр күні сағат 16:23-де «Колос» аялдамасының тұсындағы өзеннен өтетін көпірдің жанынан 14 жасар жеткіншектің денесі табылды. Ол Түркістан облысы Төлеби ауданы Леңгір қаласының тұрғыны болып шықты. Судан шығарған кезде оның үстінде киімі болған, алдын ала мәлімет бойынша, марқұм байқаусызда суға құлап, жазатайым оқиға орын алған.
Оқиға орнында Шымкент қаласы. ТЖД 3 құтқарушысы, 1 техникасы, Абай аудандық ТЖ бөлімінің қызметкерлері, 20 полиция қызметкері, 6 техника, жедел жәрдем бригадасы жұмыс істеді. Оқиғаның себебін Абай полиция басқармасының қызметкерлері анықтау үстінде.
Сонымен қатар 2020 жылға әлеуметтік аз қамтылған отбасылардың балаларын демалыс орындарында шомылуға үйрету бойынша меморандумдар жасау үшін аудан әкімдіктерімен жұмыстар жүргізілуде.

Нұрлан БЕКТАЕВ

Қ.А.Яссауи атындағы халықаралық Қазақ-Түрік университетінің филология факультетін 2005 жылы тәмамдаған. Журналистика саласында 2006 жылдан бері еңбек етіп келеді. 2006-2017 жж аралығында "Отырар-TV" медиахолдингінде жұмыс істеген. 2017 жылдың қараша айынан бастап қалалық «Шымкент келбеті» қоғамдық-саяси газетінің тілшісі. 2018 жылдың наурыз айы мен 2019 жылдың тамыз айлары аралығында газеттің бас редакторының орынбасары қызметін атқарды.