Суға мұқтаждық мәселесі келер жылы шешілмек Избранное

Среда, 05 Август 2020 04:28 Автор  Опубликовано в Қала Прочитано 370 раз

117176601 2593692984276985 1347146549994292652 o

Ауызсудың айқайы ауыл түгілі мегаполис қалада да қат проблема екені жасырын емес. Бұл мәселе әсіресе қаланың Абай ауданы аумағында орналасқан Ынтымақ-2 шағынауданында өзекті болып отыр.

Осы кезге дейін тұрғындар ауыз суды сатып алып, тұтынып келеді. Жағдайды оңалтудың оңтайлы жолын қарастыратын уақыт жетті. Сондықтан Ынтымақ-2 шағынауданына су құбырын тарту үшін жобалық сметалық құжаттар дайындалып, қала қазынасынан 50 млн теңге қаржы қаралған.
Бүгінде мұндағы 10 көшеге су құбырлары тартылуда. Құрылыс жұмыстарын «Ахмет» ЖШС жүргізуде. Жұмыс сапасына кепілдік мерзімі – 5 жыл.
– Бұл мұқтаждық 2021 жылдың 2-жартыжылдығына жетпей шешіледі. Осындағы 3500 үй толықтай ауыз сумен қамтылатын болады»,- дейді Абай ауданы әкімінің орынбасары Нұрлан Тілеш.
Ынтымақ-2 шағынауданына су құбырларын тарту жұмыстары мамыр айында басталған. Мердігер мекеме жұмысшы санын көбейтіп, ауыз су жүйесін белгіленген кестеден ерте бітіруді жоспарлап отыр.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Бахтияр Тайжан. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.