Версия для печати

100 ТОННАДАН АСА СҮТ ӨНДІРІЛДІ Избранное

Среда, 27 Январь 2021 04:40 Автор  Опубликовано в Қала Прочитано 3323 раз
Оцените материал
(0 голосов)

Шымкент қаласында тұрғындарды сапалы ауылшаруашылығы өнімдерімен қамтамасыз етуде шаруа қожалықтардың үлесі ерекше.

582

 

Солардың бірі – Еңбекші ауданында Абдуллабад тұрғын алабында орналасқан «Зертас» шаруақожалығының тауарлы сүт фермасы. Ферма ауылшаруашылығы саласындағы тауар өнімдерін арттыру бағытында жұмыс жүргізіп келеді.
Асыл тұқымды шаруашылық 2019 жылы ең алдымен Австрия мемлекетінен 128 бас сүтті-етті бағыттағы асыл тұқымды (Симменталь) сиырларды алып келіп, өз жұмысын бастады.
Бүгінгі таңда шаруашылықта жалпы ірі қара мал басының саны 317-ге жетіп, оның ішінде сүтті бағыттағы сиырлардың саны 161 басты құрап отыр.
Жалпы аумағы 2,2 гектарды құрайтын шаруақожалықта заманауи «Параллель» сауу қондырғысы, сүтті жинауға арналған салқындатқыш танкер секілді инновациялық теxнологиялар және сиырларды тұрақты ұстау, асыл тұқымды бұзауларды өсіру аймақтары бар. Бұдан бөлек, шаруашылық мал азығын дайындауға арналған арнайы құрылғылармен, ауыл шаруашылық техникаларымен қамтылған.
Мұнда әр бастан тәулігіне орташа есеппен 22 литр сүт алынып, жылына өндірілетін сүттің көлемі 1000 тоннадан асады.
Өндірілген сиыр сүтіне және сатып алған жемдік азықтың құнына «Асыл тұқымды мал шаруашылығын дамытуды, мал шаруашылығының өнімділігі мен өнім сапасын арттыруды субсидиялау» бағдарламасымен былтыр 15,4 млн теңге субсидия бөлініп, мемлекеттік қолдау көрсетілген.
Алдағы уақытта бұл шаруа мал басының санын арттыру үшін қосымша қора жай құрылысын жүргізіп, сүт өнімінің көлемін көбейтуді және халықты табиғи әрі сапалы сүт өнімімен қаматамасыз етуді жоспарлап отыр.
Айта өтсек, өткен жылы Шымкент қаласында ауылшаруашылығында өндірілген өнімнің жалпы көлемі 36,1 млрд. теңгеге жеткен. Оның ішінде мал шаруашылығы саласы – 21,9 млрд. теңгені құрап, 47 мың тонна сүт өндірілген.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.