67 келіге дейінгі салмақта ел намысын қорғаған отандасымыз франциялық Стивен да Костамен кездесіп, 2:5 есебімен есе жіберді.
Дегенмен қола медаль жерлесіміздің қоржынында қалды. Бұл Қазақстан құрамасының жарыстың он төртінші күні алған үшінші қола медалі. Ал каратэден алған ел тарихындағы алғашқы жүлде.
Айта кетейік, Қазақстан құрамасы жалпы медаль саны бойынша жеті қоламен 76-орында келеді. Атап айтсақ, дзюдодан Елдос Сметов, ауыр атлетикадан Игорь Сон және Зульфия Чиншанло, бокстан Қамшыбек Қоңқабаев пен Сәкен Бибосынов, еркін күрестен Нұрислам Данаев жүлдегер атанды. Ал ел құрамасының қоржынына жетінші жүлде, жетінші қола медальді Дархан Асаділов салды.
