Версия для печати

Тұрғын үй реформасын түсіндіру жалғасуда Избранное

Пятница, 10 Сентябрь 2021 04:34 Автор  Опубликовано в Қала Прочитано 1273 раз
Оцените материал
(0 голосов)

Мемлекет басшысының тапсырмасына сәйкес, мүлік иелерінің бірлестіктерін немесе жай серіктестікті енгізу жөніндегі реформаның жол картасы бекітілген.

714

 

Қазіргі таңда Шымкенттегі 4 ауданда көп қабатты үйлерде мүлік иелерінің бірлестігін (МИБ) және жай серіктестік (ЖС) құру жоспарына сәйкес тұрақты жұмыстар жүргізілуде.
Төрт аудан әкімдігінің жауапты мамандары аудан тұрғындарымен кездесіп, жаңа реформаның артықшылықтарын түсіндіруде. Осы бағытта бүгінгі таңға дейін әр ауданда тұрғындармен 300-ден аса жиналыс ұйымдастырылған. Кездесулерде көп қабатты үйлерді басқарудың жаңа нысанына көшудің тиімділігі сөз болады.
Нәтижесінде мүлік иелерінің бірлестіктері мен жай серіктестіктер құрылып, қалалық Әділет департаментінде тіркеуден өтуде. Бүгінгі таңда дейінгі мәліметтер мынадай:
1. Әл-Фараби ауданы – 52 үй МИБ, 142 үй ЖС;
2. Қаратау ауданы – 9 үй МИБ, 210 үй ЖС;
3. Еңбекші ауданы – 6 үй МИБ, 185 үй ЖС;
4. Абай ауданы – 54 үй МИБ, 164 үй ЖС ретінде тіркелді.
Бұған қоса тұрғын үйге кондоминиум объектілерін басқарудың жаңа нысандарына көшу бойынша қажетті хаттамалар тұрғындарға келісімге беріліп, түсіндіру жұмыстары жалғасуда.

Нұрлан БЕКТАЕВ

Қ.А.Яссауи атындағы халықаралық Қазақ-Түрік университетінің филология факультетін 2005 жылы тәмамдаған. Журналистика саласында 2006 жылдан бері еңбек етіп келеді. 2006-2017 жж аралығында "Отырар-TV" медиахолдингінде жұмыс істеген. 2017 жылдың қараша айынан бастап қалалық «Шымкент келбеті» қоғамдық-саяси газетінің тілшісі. 2018 жылдың наурыз айы мен 2019 жылдың тамыз айлары аралығында газеттің бас редакторының орынбасары қызметін атқарды.