Ержан Болатұлының айтуынша, құрылысқа үлескерлерді тарту үш әдіс бойынша іске асырылады. Яғни, бірыңғай құрылыс операторының кепілдігі, екінші деңгейлі банктердің қатысуы және көпқабатты тұрғын үйдің қаңқасы тұрғызылған соң құрылыс компаниясына мен үлескер арасындағы келісімшарт арқылы жүзеге асады. Осы үш тәсілде де қаржы құйған үлескерлерге қаражатының сақталуына кепілдік беріледі.
Ғ.Өтенбаевтың мәлімдеуінше, келісімді бұзған құрылыс компанияларына ҚР әкімшілік кодексінің 320-бабы және қылмыстық кодексінің 214-бабы бойынша жауапкершілік көзделген.
Брифингте баяндалғандай, биыл үшінші мегаполисте 1 млн-ға жуық шаршы метр тұрғын үй салынса, үлестік әдіспен 15 компания көпқабатты тұрғын үй құрылысын жүргізуде.
