Шымкент қалалық азаматтық қорғау қызметі мен авариялық-құтқару қызметтері жол техникасының қыс мезгіліне әзірлігі қаралды. Арнайы техниканың дайындығын қала әкімінің орынбасары Мәулен Айманбетов және ТЖ департаменті бастығының орынбасары, полковник Жәнібек Кәрімбаев тексерді.

33

«Тағдырыма тәнтімін»

Среда, 10 Ноябрь 2021 04:23

Шымкенттегі филармония ғимаратында еліміздегі тұңғыш зағип тележүргізуші ретінде Қазақстанның КИНЭС рекордтар кітабына және «Алтын кітабына» енген, арнайы төсбелгі иемденген ақын, «Ғани Мұратбаев сыйлығының» иегері Ербек Бакиевтің «Тағдырыма тәнтімін» атты поэзиялық жыр кеші өтті.

320

Қазақстанда тұрғын үй-коммуналдық дамудың 2020–2025 жылдарға арналған «Нұрлы жер» мемлекеттік бағдарламасы жүзеге асырылуда. Үкіметтің 2019 жылғы қаулысымен бекітілген бағдарлама бұған дейін қабылданған мемлекеттік және салалық бағдарламаларды біріктіріп отыр. Бұл – қарапайым азаматтар үшін баспананы тиімді шарттармен несиеге алудың жақсы мүмкіндігі. Осылайша «Нұрлы жер» мемлекеттік тұрғын үй-коммуналдық даму бағдарламасы шеңберінде Мемлекет басшысы Қасым-Жомарт Тоқаевтың еліміздегі отбасы табысының түрлі деңгейлеріне сай келетін бірыңғай тұрғын үй саясаты іске асырылуда.

303

Әлеуметтік сала – кез келген мемлекетте өзекті саланың бірі. Президент Қасым-Жомарт Тоқаевтың тапсырмасымен Қазақстанда тұрмысы төмен топтағы азаматтарды қолдауға баса назар аударылып келеді. Әсіресе, коронавирус пандемиясымен күрес кезінде әлеуметтік қамқорлыққа деген сұраныс артты. Осы орайда тұрғындарды жұмыспен қамту маңызды болып тұр. Бүгінде бұл мәселе мемлекеттің ерекше бақылауына алынып, нақты айтқанда, кешенді «Еңбек» бағдарламасы жүзеге асырылуда.

211

Үшінші мегаполисте Қазақстан бойынша алғаш рет ұйымдастырылған өнер кеші өтті. Бұл кештің ерекшелігі сол – балалар үйлерінің тәрбиеленушілері белгілі  сахна жұлдыздарымен бірге өнер көрсетті. Ел Тәуелсіздігінің 30 жылдығына орайластырылған іс-шараны «Fatyma» қайырымдылық қоры Шымкент қаласы әкімдігінің қолдауымен қолға алған.

16

9 АЙДА 103 МЫҢ ҚЫЗМЕТ КӨРСЕТІЛДІ

Среда, 27 Октябрь 2021 04:00

Бұл туралы ҚР Еңбек, әлеуметтік қорғау және көші-қон комитеті Шымкент қалалық департаментінің басшысы Бахтияр Өнербаев баспасөз брифингінде мәлімдеді. Жиында департаменттің биылғы 9 айда атқарылған жұмыстары қорытындыланды.

162

«Елім үшін егілемін» азаматтық штабының өкілдері Шымкенттегі жұмыс сапарын қорытындылады. ҚР Премьер-Министрі орынбасарының баспасөз хатшысы, Денсаулық сақтау министрлігі санитарлық-эпидемиологиялық бақылау комитетінің ресми өкілі Ержан Байтанаев және Шымкент қаласы ішкі саясат және жастар істері жөніндегі басқармасы басшысының орынбасары Бексұлтан Әділханов қалалық әкімдіктің ақпараттық-коммуникация орталығында баспасөз брифингін өткізді.

138

Мегаполис тұрғындары көбейген сайын инфрақұрылымға түсер жүк те арта түседі. Инженерлік желілердің сапасы мен өткізу қабілеті халықтың тұрмыстық қажеттіліктерін өтуге тікелей әсер етеді. Сондықтан, жауапты мекемелер инженерлік желілерді жаңартуды үнемі басты назарда ұстап келеді.

Қомақты қаржы талап ететін осындай мақсаттарға орай шымкенттік «Су ресурстары – Маркетинг» жауапкершілігі шектеулі серіктестігінде инвестициялық бағдарламалар қабылданып, тиісті жұмыс атқарылуда. Жуырда ҚР Ұлттық экономика министрлігі Табиғи монополияларды реттеу комитетінің Шымкент қалалық департаментінің мамандары, қоғам белсенділері мен БАҚ өкілдеріне бағдарлама аясында атқарылып жатқан жұмыс барысы таныстырылды.

 

vodo 3

 

Алғашқы нысан – Рысқұлов даңғылы бойындағы су құбыры болды. Алыстан қарағанда мұнда адам құшағы жетпейтін құбыр алмастыру емес, жай ғана, мысалы, есептегіш құралын жөндеу жұмысы жүріп жатқандай көрінеді. Әдеттегідей бірнеше техника жоқ, ұзыннан-ұзақ жер қазылмаған. Бір бригада ғана жүр. Жақын келгенде ғана диаметрі 500 мм құбырдың баяу қозғалып, көлденең қазылған траншеяға «жұтылып» бара жатқанын көрдік. Бұл – мекеме соңғы жылдары қолданып жүрген жаңа әдіс.

– Біздің мекеме бірнеше жылдан бері озық технологиялы көлденең бұрғылау әдісін қолданып келеді. Соның нәтижесінде сол маңдағы ешқандай инфрақұрылым мен қоршаған ортаға зиян келмейді. Арнайы техниканың көмегімен мына бастан құбырды ақырындап тартып алып, траншеяға «жатқызамыз», – дейді «Су ресурстары – Маркетинг» ЖШС бас директорының экономика және маркетинг бойынша орынбасары Жанатбек Тұрдалиев. – Бұл – жалпы ұзындығы 4950 метрлік су құбыры. Самал-1 және Самал-2 ш/аудандарындағы 7800 тұрғын үй мен әлеуметтік, коммерциялық нысанды сумен қамтамасыз етеді. Соңғы жылдары суға деген сұраныс көбеюде. Соған орай біз су беруді көбейткенде құбырдағы судың қысымы артады. Соның салдарынан бұрынғы болат су құбырының қабілеті жетпей, апатты жағдай көбейген еді. Сондықтан, алып суаққыны шұғыл түрде алмастырып жатырмыз.

 

vodo 2

 

Құбыр Рысқұлов көшесінен бастап Әл-Фараби көшесіне дейін тарылады. Мамандар бұл нысан келесі жылға өтпелі деп отыр. Нысан аяқталған соң бұл желінің суды өткізу қабілеті тәулігіне 6700 текше метрге жетпек.

Бұдан кейін қала сыртындағы коллектор басына бардық. Бұл – Шымкенттегі кәріз жүйесінің жиналып, бір құбырға топтасатын тұсы. Көшемен-көше, үйме-үй жылғалап аққан шайынды судың көлемі жинала келе тұтас каналға жетеқабыл болады. Оған жауын-шашынды қосыңыз. Осы табиғи құбылыс коллекторды жаңарту қажеттілігін көрсетіп беріпті.

 

vodo 1

 

– 2021 жылғы инвестициялық бағдарлама аясында атқарылып жатқан жұмыстың бірі – осы қалалық шайынды су тазарту қондырғысына баратын коллектор. Мұнда көлемі 1400 мм бұрынғы екі коллекторды алмастырып жатырмыз. Себебі, шайын суды өткізу қабілеті төмендеген. Оның үстіне биылғы көктемдегі нөсер жаңбырдың салдарынан коллекторға су толып, осы жерде тасыды. Су қабылдау камерасына дейін тасып, келеңсіз жағдайға дейін барды. Бұл жер бұрын ашық қанал болатын. Енді орнына жабық, заманауи жабдықтарды қолдана отырып, жаңа коллектор желісін тартып жатырмыз. Жұмысты жылдың соңына дейін аяқтауды жоспарлап отырмыз, – деді Жанабек Тұрдалиев.

 

vodo 1

 

Жаңа коллектордың өткізгіштігі – тәулігіне 120 мың текше метр. Диаметрі 2000 мм екі құбыр арнайы технологиямен біріктіріліп, жер астына көмілуде.

Монополияларды реттеу департаменті мамандарының мәліметінше, «Су арнасы – Маркетинг» ЖШС-нің 2016-2020 жылдарға арналған инвестициялық бағдарламасына жалпы 17 млрд теңге қарастырылған. Қазіргі таңда мекеме өкілдері нақты 19 млрд теңгенің жұмысын атқарып, жоспарды артығымен орындадық деп мәлімдеді. Ұзақ мерзімді бағдарлама аясында 142 шақырым су құбыры, 30 шақырым кәріз жүйесі ауыстырылды. Түрлі мақсаттағы 84 нысан, су қабылдағыш бүгінгі таңдағы санитарлық-экологи талаптарға сай жаңадан құрылып, қайта жаңартылған. Бес жылда мыңға жуық заманауи цифрлы технология енгізілді. Соның нәтижесінде өндірістік көрсеткіштер жақсарып, шайынды су тазарту қондырғысының көлемі тәулігіне 50 мың текше метрге көбейген. Заманауи, автоматтандырылған жүйені енгізу нәтижесінде су шығыны төмендеді, су жүйелерінің тозу көрсеткіші 60 пайыздан 47 пайызға кеміген.

– Біздің мақсатымыз – тұтынушыларға тарифті төлеу арқылы ақшаның қайда және қалай жұмсалып жатқанын көрсету. Жаңарту жұмыстарының нәтижесінде құбырлармен су өткізу көлемі артады. Инвестициялық бағдарлама аясында биыл 3 млрд теңгенің жұмысы орындалды. Бағдарлама нәтижесінде тұрғындарға сапалы қызмет көрсетілуде, нормативтік-техникалық ысырап көлемі – 2 пайызға, құбыр тозу көрсеткіші 5 пайызға азайды, – дейді ҚР Ұлттық экономика министрлігі Табиғи монополияларды реттеу комитетінің Шымкент қалалық департаментінің басшысы Дархан Қайыңбердиев.

«Су арнасының» мамандары алдағы уақытта қаладағы кәріз жүйелерінің ең проблемалы учаскелерін жаңартуды жоспарлап отыр.

Страница 10 из 42