Балалар киносы туралы сөз қозғағанда бірден талайдың тәтті шағы балалығын әрлеген «Wolt Disney» еске оралады. Шымшаһарда сондай кино өндірісіне өзіндік атын қалыптастыруды көздеген балалар студиясы бар. Шығармашылыққа ден қойып кіріскен, тынымсыз еңбек етіп жүрген жас режиссер Мейрамбек АҒАДІЛОВпен сұхбат түзген едік.

meiram-megapolistin

– Мейрамбек Нышанәліұлы, «Мейрам» балалар киностудиясы бүгінде кең аудиторияны баурап, қалың көрерменнің көзайымына айналды. Миллиондарды бағындырған балалар киностудиясының басшысы ретінде өнер ордасының құрылу тарихына тоқталсаңыз.
– Бүгінде Қазақстанның қай өңіріне барсақ та, «Мейрам киностудиясы» деп барлығы танып жатады. Оның ішінде әсіресе балалар тарапынан белсенділік көбірек байқалады. Біздің киностудияның құрылғанына бүгінде 6 жылдан асты. Осы уақыт аралығында 100-ге тарта туындымыз жарыққа шықты. Біз Қазақстандағы ең алғашқы балалар киностудиясын қалыптастырдық. Әрине, оңай болған жоқ. Бәрі де еңбектің арқасы. Алғашында көптеген білікті мамандар бізге күмәнмен қарады. «Бұл мүмкін емес» дегендей, көзқарас танытты. Соған қарамастан, біз өз мақсатымызға жеттік. Қаншама кедергілерден өтіп, өзіміздің мықты киностудия бола алатынымызды дәлелдедік. Байқап қарасам, бүгінгі күні Оңтүстік өңірінде «Алтын батырма» (1 млн оқырманы бар аккаунтқа беріледі) бізде ғана бар екен. Мақтанарлық жайт емес пе?! Ал, енді өзіме тоқталатын болсам, жасым 32-де. Мамандығым – заңгер. Киностудия ашуға 25 жастан бастап кірістім. 1 ұл 2 қызым бар. Үлкені – Бексұлтан. Оны бәрі «Бека бой» деп таниды. Үлкенімнің де актерлық қабілеті бар. Қосымша «Мейрам тв» каналындағы кішігірім вайндарға түсіп жүреді. Болашақта осы саланы таңдап жатса, үлкен актер боларына сенімдімін. Одан кейін егіз қыздарым бар. Олар әлі кішкентай болғандықтан, қай салаға жақын екенін әзірге білмейміз.

– «Өз ұлын көшеге тастап кеткен ана», «Ауылбай болмаймын», «Анасыз өскен балалар» атты фильмдер тек көп қаралым жинап қоймай, балаларға арналған қазақ тіліндегі киноның дамуына жол ашып жатыр деуге болады. Киностудия қоржынында қанша туынды бар? Шығармашылық ұжымда жастар көп секілді. Жөн сілтеп бағыт-бағдар беретін өзіңіз бе? Бір фильмнің көрерменге жетуіне кімдер атсалысады соған тоқталып өтсеңіз.
– Жоғарыда атап өткендей, киностудия қоржынында 100-ге тарта түрлі жанрдағы фильмдер бар. Олардың ішінде ең көп қаралым жинағаны 7,8 млн. Ал, киноның жарыққа шығу процессіне тоқталсақ, жазылған сценарий құпталғаннан кейін, менеджерге беріледі. Менеджер киноға түсетін балаларды іріктеп, арнайы топ жасақтайды. Сонымен қатар, режиссерлар түсірілімге дейін съёмка болатын локацияларды дайындайды. Сценарий бойынша режиссер оператормен бірлесіп түсірілім жұмыстарын жүргізеді. Одан кейін, монтаж жасалады, музыка қойылады. Дыбыс режиссерларының жұмыстары аяқталғаннан кейін, киноға бояу беріледі. Жалпы алғанда, ұжымда 20 шақты қызметкер жұмыс істейді. Олардың барлығы дерлік жастар. Жөн сілтейтін ағалары болып өзіміз отырмыз. Идеясын жүзеге асырғысы келген режиссерлар маған келіп, өз ойларымен бөліседі. Мен оларға барынша мүмкіндік беруге тырысамын. Өйткені, өмірде мүмкін емес нәрсе жоқ. Соны түсінсе деймін. Кино түсіретін режиссерлар ең бірінші маған киноның логлайнын тапсырады. Сол арқылы идея мақұлданады. Егер, өзгертулер енгізу қажет болса, қате жерін жөндеуге тапсырма беремін. Одан кейін, киноның сценарий жазылады. Сценариде түзетулер көп кездесе бермейді. Өйткені, біз киноның түпкі идеясын дұрыс қалыптастырдық. Одан әрі жоғарыда айтылған жұмыс процестері жалғасады.

– Киностудия арқылы танылып, жұлдызы жанғандар бар ма? Орталықта болашақта актер боламын деп келетін жас өнерпаздармен олардың актерлік шеберлігі жайлы не айтар едіңіз?
– Әрине бар. Мысалға алатын болсақ, "Қалқанқұлақ" фильмінде басты рөлді сомдаған Ерсұлтан Сіргебай біздің шәкіртіміз. Сонымен қатар, Қуғынбай Ерхан, Асқар Сабина деген қызымыз бар. Және көптеген актерларды Қазақстандағы балалардың басым бөлігі таниды. Тағы бір айта кетерлігі, біздің киностудияның Шымкент қаласынан бөлек, елордамыз Нұр-Сұлтан, Алматы, Ақтөбе, Ақтау, Тараз қалаларында филиалдары жұмыс істейді. Біздің орталыққа келген балалар кастингтен іріктелгеннен кейін, екі ай бойына актерлық шеберлік сабақтарын өтеді. Сабаққа қатысқан балалар берілген образды қалай сомдау керектігінен бастап, камерамен жұмыс істеу туралы толығымен үйреніп шығады. Алғаш рет киноға түсіп жатқан кез келген балада қобалжу болады. Бір киноға түскен бала керемет актер болып кетеді деп ешкім кепілдік бере алмайды. Бұл жәй балаға тәжірибе болады. Бала бірнеше рет киноға түсу арқылы актерлық шеберлігін шыңдай түседі. Қазіргі таңда басқа киностудиялар балалардың рөліне актерларды бізден келіп сұрайды. Біз оларға ең үздіктерін беруге тырысамыз. Осылайша, балалардың болашағына жол ашылады.

– Бүгінгідей интернет дамыған заманда сіздер секілді көрерменді ғаламтор арқылы жаулап алу оңай ма? Жалпы, балаларды кино арқылы неге баулыған дұрыс?
– Сұрағыңыз өте орынды. Әрине, қазіргі таңда күнделікті өмірде іс-әрекеттеріміздің барлығы қол еңбегі арқылы емес, интернет желісі арқылы жүзеге асуда. Дегенмен, әр нәрсенің өз жемісімен бірге ауыртпалығы қатар жүреді. Біз бұл күнге жету жолында қаншама еңбек пен ұйқысыз түндерді сарп еттік. Ал, «кино арқылы балаларды неге тәрбелеуге болады?» - деген сұрағыңызға келетін болсақ, кино ол – өмір. Біз кино арқылы қоғамда, отбасында, мейлі балалардың өз арасында кездесетін ауқымды мәселелерді дұрыс жағынан шешу жолдарын жасөскіннің санасына сәуле себезгілеткендей сіңіреміз тырысамыз және бүгінгі бүлдіршіндерді соған тәрбиелейміз!

– Дүниежүзін әбігерге салған індет әлемдегі алпауыт кинокомпаниялардың жұмысына тосқауыл болып, керек десеңіз тоқтатуда. Тіпті, кинотеатрлар уақытша жабылудың алдында тұр. Бұл індет сіздерге салқынын тигізбеген болар? Көрерменді қуантар жаңалықтарыңыз бен жоспарларыңызды да білсек.
– Иә, covid-19 індеті тұтас адамзатты біраз есеңгіретіп тастағаны рас, пандемия кино саласына едәуір соққы жа¬сағаны анық. Елімізден бөлек, әлем бойынша қаншама кино-театрлар қаңырап, өз көрермендерін әлі де сарыла күтуде. Бірақ, біз жұмысымызды тоқтатпадық. Карантиндік режимді қатаң түрде сақтай отырып, кино түсіруді жалғастыра бердік. Апта сайын бір кино шығаратын үрдісімізді жоғалтып алмауға тырыстық. Бүгінде алға қойған мақсаттарымыз өте көп. Біз өз мақсаттарымызды айтқаннан гөрі жасағанды жақсы көреміз. Бізден тек жақсы жаңалықтар күтіңіздер. Біз оны жасаймыз, ал сіздер бізбен бірге болыңыздар!

Әрбір адам өз құқықтарын жете біліп, жалпы заң саласынан мағлұмат алғаны дұрыс. Заңды білу – заман талабы. Әлеуметтік-тұрмыстық мәселелерге арналған «Тұрмыс» бетіне оқырмандарымыздан келіп түскен сауалдардың арасында заңға қатысты сұрақтар көп. Шымкент қаласы Әділет департаментінің Құқықтық түсіндіру және халыққа заңгерлік көмек көрсету бөлімінің басшысы Құрбан Дүйсенбекұлының нотариаттық және адвокаттық қызметке байланысты сұрақтарының жауаптарын назарларыңызға ұсынамыз.

592

Құралайды көзге атқан қыз

Пятница, 22 Январь 2021 04:34

Халықаралық спорт жарыстарының жүлдегері Сәрсенкүл РЫСБЕКОВАНЫҢ есімі спорт сүйер қауымға жақсы таныс. Жастайынан талай байрақты бәсекеден жүлделі оралған оның жеткен жетістігі мен алар асуы да аз емес. Стенд ату спортынан дүниежүзілік бәсекелерде ел намысын абыроймен қорғап жүрген мерген қызбен жуырда сұхбаттасудың сәті түсті.

650

Алмақтың да салмағы бар

Среда, 20 Январь 2021 03:21

Қазір жұрт көлденең қажеттілік шығып, қаржы қол байлағанда бірден банкке бетке алатыны белгілі. Жасыратыны жоқ, бүгінде несиесі жоқ адам кемде-кем.
«Әйтеуір тіршіліктің тезі айналып келіп, несиеге тіреліп тұрған мына заманда банксіз еңбек өнбейтін болды» дейтіндер бар. Тіпті, кейбір банктер жеке куәлігіңіз арқылы да несие рәсімдей береді. Одан қалса, компьютер немесе смартфонның алдында отырып, ешқайда шықпай-ақ, онлайн несие алып жатқандар аз емес. Бұл тиімді болғанымен, «алмақтың салмағын» айтыңыз. Несие алмас бұрын жұрт нені қаперінде ұстауы керек деген сауалды заңгер Жан Абдикешовқа қойған едік.

552

Рақымжан 2

Трансплантолог-дәрігермен блиц-интервью

Елімізде науқастарға шарапат шуағын шашып, біліктілігін белсенділікпен ұштастырған дарынды дәрігерлер аз емес. Алайда, екінің бірі адам жанының арашашысы болып, ақ халатты абзал жан атана алмасы анық. Бұл ретте хирургия саласында еңбек ететін дәрігерлердің еңбегі қашанда ерен. Гиппократ антына адалдық танытып, еліне зор пайдасын тигізіп жүрген ақ халатты абзал жанның бірі – Рахымжан
Үмбетжанов. №1 клиникалық ауруханасының трансплантолог дәрігерімен әңгімеміз елімізде соңғы жылдары дамып келе жатқан ағза алмастыру отасы жайында өрбіді.

– Рахымжан Жолдыбекұлы, медицина сіздің кәсіби тұрғыда шыңдалуыңызға, өмірлік бағытыңызды табуға ғана емес, шетелде де танылуыңызға ықпал етіпті. Әңгімеміздің әлқиссасын шетелдік БАҚ-та жазылып жатқан 5 айлық сәбидің отасынан, яғни, бауыр алмастырудан бастасақ.

– Иә, біліктілігімді шыңдай түсу үшін, үйренсем деген мақсатпен мемлекеттік бағдарлама аясында Минск қаласына барған жайым бар. Мұнда жүріп туғаннан өт жолдары жоқ нәрестеге бауыр циррозы диагнозы қойылған болатын. Сәби өт жолдары болмағандықтан сарғая бастаған. Бірақ жеткілікті салмақ жиналғанда, яғни 5 айлық кезінде ота жасадық. Оған анасының бауырының бір бөлшегін алып, салдық. Қуаныштысы, 16 сағатқа созылған операция сәтті аяқталып, бір сәбидің өмірін сақтап қалдық. Қазіргі таңда науқас реабилитацияда, анасының денсаулығы да дұрыс. Сәбидің туыстарымен қатар, ақпарат құралдарынан осы жағдайды оқып-білген оқырмандардың көпшілігі алғысын жаудырып жатыр. Өз кәсібімді адамдарға екінші өмір сыйлау мүмкіндігі үшін жақсы көремін.

– «Халық денсаулығы және денсаулық сақтау жүйесі туралы» кодекске енгізілген түзетулерден кейін бүгінде қоғамда мәйіттік трансплантацияға еліміздің көп тұрғыны наразылығын білдіруде. Жоғарыда шетелде тәжірибе алмасуға барғаныңызды айтып қалдыңыз. Бұл мәселе Беларусь елінде қалай жүргізіледі екен? Шетелден қандай тәжірибе алуға болады?

– Мәйіттік тарансплантацияға тоқталмас бұрын, жалпы қазіргі таңда донорлық ағзаға мұқтаж жандардың жағдайын маман ретінде баяндап көрсем. Бір ғана Шымкенттің өзінде бауыр циррозына шалдыққан 500-ден астам науқас бар. Ал 800-дей адам бүйрек жетіспеушілігімен ауырады. Бұл науқастар кіші дәретінің шықпауының салдарынан аптасына үш рет диализ аппаратына жүгінеді. Әр процесс 5 сағатқа созылады. Онда адамның ағзасындағы артық сұйықтық пен элементтер алынады. Алайда жоғарыда атап өткен науқастардың көпшілігі донор тапшылығынан көз жұмып кетіп жатыр. Біздің елде тек туыстық трансплантация жасалады. Ал қазір тәжірибе алмасып жүрген Беларусь елінде заң басқа. Мұнда жасалатын ағза алмастыру оталарының 98 пайызы мәйіттік. Туыстық трансплантация жоқ. Екі елдегі заңдық нормалар екі түрлі. Бізде мәйіт ағзасын алуға тірі кезінде рұқсатын берсе ғана оны донор ретінде пайдаланамыз. Ал беларустық әріптестеріміз тірі кезінде донор болудан бас тартып, қағаз қалдырса ғана донор бола алмайтынын айтады. Бізде жиі кездесетіні халық өлген адамның денесіне қол тигізбейді. Бұл жерде заңға да, халықтың түсінігіне де өзгеріс керек. Бір адамның донор ретінде берген рұқсаты 6-7 адамды ажалдан арашалап қалуы мүмкін. Әсіресе, мұндай дәстүрлі діни көзқарас оңтүстік өңірде қатты байқалады. Дегенмен мәйіт ағзасын алуға кері көзқарас қалыптасқанымен, бірқатар мұсылман мемлекеттерінде мәйіттік донорға рұқсат берілгенін атап өткім келеді. Мәселен, Иран мен Сауд Арабиясында жылына 100-ден астам осындай оталар жасалады. Ал әлемде жасалатын операциялардың 70%-ында марқұмдардың ағзасы қолданылады. Айырмашылықты көрдіңіз ғой. Шын мәнінде тірі адамның ағзасына иек арта беруге болмайды. Өйткені оған зардап тигізіп алмауымыз керек. Егер елімізде заң талаптары реттелсе, отандық трансплантологтар бүйрек пен бауыр ауыстыруға әбден маманданған деп айтар ем. Шетелден ғана үйренетін емес, үйрететін жағдайға жетіп қалдық. Бұл ретте нано-технологияларды пайдаланудың артықшылығын атап өтуге болады.

– Бүйрек пен бауыр ауруы жасарып бара жатқаны соңғы кездері жиі айтылып жүр. Бұл қаншалықты рас? Аталған ағзаның қызметінің бұзылуының себептеріне де тоқталып өтсеңіз.

– Мәселе аурудың жасаруында емес, науқасқа тиісті анализдер дер кезінде жүргізіліп, қажетті медициналық сараптамаларды дәл уақытында тағайындалуында жатыр. Ал аталған ағзалардың қызметінің бұзылу себептері әркімде әрқалай көрініс табады. Адамдардың басым көпшілігі денсаулығына жіті көңіл бөлмейді. Содан болар қарапайым тұмаудың арты созылмалы ауруларға алып келіп жатады. Бұл аурулар бұрындары да болды, қазірде бар, алдағы уақытта да кездесе береді. Бүгінгі таңда елімізде медицина саласы қарыштап дамып келеді. Мемлекеттік бағдарламалар да оң жолға қойылған. Қазіргі кезде ақылы қызметтер (оның ішінде оталарды айтуға болады) МӘМС жүйесінде сақтандырылғандарға жолдама арқылы тегін көрсетіледі.

– Тасты холецистит немесе өттасы ауруына әлемдегі әрбір жетінші адам шалдығады екен. Осы жөнінде де аз-кем айтып өтсеңіз.

– «Ауру астан» деген сөз бар. Бойымызды жайлаған дерттің көбі дұрыс тамақтанбаудың салдарынан болатынын көбіміз сезіне қоймаймыз. Өттасы ауруының негізігі себебі – тағам. Бүгінде күн санап адамдар табиғи, таза құнарлы өнімді тұтынуы сиреп барады. Әсіресе, қала халқы түрлі консервіленген, тетропакетте сақталған азық-түлікке үйреніп алған. Қоспалардан жасалған тағамдарды біздің өт қорыта алмай, ол өт қабында жиналып, артынан тасқа айналады. Ал пайда болған тасты хирургиялық жолмен алып тастау керек. Оны ешқандай дәрілік зат еріте алмайды. Мейлінше тастың бары анықталған кезден бастап әрекет ету керек деп санаймын. Ал өттасы ауруын алдын алу үшін құнарлы тағамдар, жеміс-жидектер мен көкөністер көбірек қолдануымыз керек.

– Әңгімеңізге рақмет!

30

31 желтоқсан – бүкіл әлемде отбасылық мерекеге айналған ерекше күн. Дегенмен кейбір мамандық иелері үшін жылдың соңғы күні кезекті кезекшілігіне тұспа-тұс келеді. Содан болар оларға әсем шыршаның жанында отшашуды тамашалау қызығы немесе жаңа жылды үйде отбасымен бірге қарсы алу бақыты бұйыра бермейді. Жаңа жылды жұмыста қарсы алатын сондай саланың бірі – жедел медициналық жәрдем қызметкерлері.

Шымкент қалалық жедел медициналық көмек көрсету станциясының жүргізушісі Мақсат Қутынбетов Жаңа жыл түнін жедел жәрдем қызметкерлері де қызу жұмыс үстінде өткізетінін айтады. Қиындығы мен қызығы қатар жүретін оның жұмысына жауапкершілікпен қарайтынын байқауға болады.
– Жаңа жыл кешінде кезекшілігім әдеттегіден ауырлау болады. Өйткені сол түні шақыртулар көп түседі. Әдетте бір тәулікте 18-20 шақыртуға барамыз. Әлде бір науқасты жедел ауруханаға аман-есен жеткізген кезде мойнынан ауыр жүк түскендей сезіледі. Кезекшілік мерекелік түнге дөп түскен кезде 70 жастағы анам мен келіншегімді, төрт перзентімді көлікте жүріп құттықтауыма тура келеді, - дейді М.Темірханұлы.
10 жылдан бері жедел жәрдем көлігінің жүргізушісі болып істейтін Мақсат Темірханұлы сары түске боялған жедел жәрдем көліктері діттеген жеріне жедел жетуіне үлкен септігін тигізіп отырғанын айтады. Талай жанды өлімнен арашалап қалуға сеп болып жүрген жедел жәрдем қызметкерлерінің өзі де кейде қауіп-қатерге тап болып жататын жайттар аз емес екен.
Жедел медициналық жәрдем қызметіне жалған хабарлама немесе негізсіз қоңырау шалатындар да аз емес екенін айтады. Әсіресе, мереке және демалыс күндері араққа сылқия тойып алып, ерігіп те қоңырау шалатындар бар деп қынжылады мамандар.
– Аса ауыр халдегі науқасты жедел ауруханаға тасымалдау кезінде көшедегі көліктердің жедел жәрдем көлігіне жол бермеуінің салдарынан кейде кешігіп жатамыз. Мұндайда әрбір секунд біз үшін қымбат. Ал түнгі шақыртуларда кейбір елді мекендерде көшенің аттары берілмегендіктен мекен жайды іздестіруде бірқатар қиындық туады. Дегенмен мерекелік кештердің бірінде есімнен кетпейтін бір қызық оқиға болғаны бар. Айы-күні жеткен жүкті әйелді жедел жәрдем көлігінің ішінде дәрігерлеріміз босандырып, кішкентай бүлдіршіннің кіндік әкесі атанғам, - дейді ол.
Қазіргі пандемия кезінде коронавирусқа шалдыққан науқастарды ауруханаға жеткізу жедел медициналық жәрдем қызметі арқылы қатаң түрде жүргізілетіні белгілі. Кейіпкеріміз көрінбейтін жаумен күресу үшін бекем бірлік пен қатаң тәртіп қажет екенін айтады. «Бұл ретте тазалық пен гигиенаны бірінші орынға қою керек,» - дейді ол.

«Мен жастарға сенемін!»

Пятница, 25 Декабрь 2020 04:32

132581638 454915562334604 7181165249711912313 o

Үшінші мегаполисте жылдың үздіктері марапат төрінен табылды. Ел Тәуелсіздігінің 29 жылдығына арналған салтанатты шарада қоғамда ізденіспен еңбек етіп, таңдаған саласын алға сүйретуге атсалысқандарға құрмет көрсетілді.

Жастар ресурстық орталығында өткен дәстүрлі «Үздік жастар - 2020» премиясының салтанатты марапаттау рәсімінде түрлі салаларда жетістікке жеткен жастарды қала әкімі Мұрат Әйтенов жеңісімен құттықтап, еңбекте толағай табыстарға, биік шыңдарға жете беруіне тілектестігін білдірді.
– Елбасымыз Нұрсұлтан Әбішұлы Назарбаев Шымкентті жастардың қаласы екенін жиі айтып жүреді. Қазіргі таңда қала тұрғындарының 30 пайызға жуығын жастар құрайды. Бүгінде жастарға мемлекет тарапынан қомақты қолдаулар жасалуда, түрлі гранттар беріліп жатыр. Сонымен қатар әр саладағы жастар тұрғын үймен қамтылуда. Мемлекет басшысы Қасым-Жомарт Тоқаевтың бастамасымен биылғы жыл «Волонтер жылы» деп жарияланғаны белгілі. Бұл ретте, шымкенттік жастар пандемия жағдайында атаулы жылға орай қоғамдық жұмысқа белсене қатысып, қаламыздың өсіп-өркендеуіне өз үлестерін қосты, шаһар тазалығына да ерекше атсалысты. Елге қызмет ету тек білімді ғана емес, намысты да талап етеді. Жас ұрпақтың ар-намысы жоғары болса, мемлекетіміздің мәртебесі биік болады!, - деді қала әкімі Мұрат Әйтенов.

 

530d7148-0545-4821-bfc8-43ebe8870350


Салтанатты шарада шаһар басшысы жеңімпаздарға арнайы статуэтка және 100 000 (жүз мың) теңгенің сертификатын табыстады. Жалынды жастарға арналған байқау осымен оныншы мәрте өтуде. «Үздік жастар - 2020» премиясының ережесіне сәйкес, 29 номинация бойынша 14-29 жасқа дейінгі 175 жас байқауға қатысып, іріктелді.
Іс-шараның негізгі мақсаты — қаламызда мемлекеттік жастар саясатының дамуына, елдің саяси және қоғамдық өміріне белсене араласып, зор үлес қосқан жастарды марапаттау, қоғамның түрлі салаларындағы жастарға қолдау көрсету, жетістіктерін насихаттау, жастардың рухын көтеріп ынталандыру.

«Арыстандай айбатты,
Жолбарыстай қайратты –
Қырандай күштi қанатты.
Мен жастарға сенемiн!,» – деп Мағжан Жұмабаев айтқандай, бүгінде біліммен, жігермен қаруланып, қоғамның қайратты үлес қосып жүрген жастармен мақтанамыз.
Сондай-ақ, жыл үздіктерін құттықтау үшін қала әкімінің бірінші орынбасары Шыңғыс Мұқан, ішкі саясат және жастар істері жөніндегі басқармасының басшысы Жанар Бектаева арнайы қатысып, ізгі лебізін білдірді.

Болашақ жоспарда – 85 мектеп

Среда, 23 Декабрь 2020 04:21

25

Әне-міне дегенше тышқан жылы да соңына таяп қалды. Жауапты сала мамандары жыл бойы атқарылған жұмыстарының есебін беруді де бастады. Қала әкімі М.Әйтенов шаһардың бас ұстазымен білім беру ұйымдарын аралап, олардың бүгінгі тынысымен танысты.

Бүгінде үшінші мегаполисте 31 техникалық және кәсіптік білім беру ұйымында 27 мыңнан астам студент білім алуда. Келер жылы №4, №6, Индустриалды-техникалық, Политехникалық, Жоғары жаңа технологиялар колледждері «Жас маман» жобасы шеңберінде қаржыландырылмақ. Шаһар басшысы М.Әйтенов биыл аталған жоба аясында жаңа жабдықтармен қамтылған жол-көлік колледжіне арнайы барды. Ондағы зертханалар және шеберханаларының жұмыстарымен танысып көрді. Қала әкімі техникалық және кәсіптік білім беру ұйымдарының басшыларымен кездесіп, саладағы өзекті мәселелерді талқылады.
Қалалық білім басқармасының басшысы Жанат Тәжиеваның айтуынша, мемлекеттік тапсырыспен 11 412 студент, дуальды оқытумен 1 150 студент қамтылған. 2021 жылдан бастап кәсіптік білім беруде қажеттілік ескеріле отырып, академиялық дербестік аясында мамандар даярлау жүйесі қолға алынады.
Мұнан соң, қала әкімі
Мұрат Дүйсенбекұлы «Sanaly urpaq» клубының және студенттердің белсенді мүшелерімен кездесті. Бейресми жүздесуде «ТОП-100 студент» байқауының жеңімпазы, №6 колледждің 3-курс студенті Хабибула Усманов пен «Sanaly urpaq» клубының белсенді мүшесі, М.Өтебаев атындағы жоғары жаңа технологиялар колледжінің 3-курс студенті Нұрыш Әбілқайыр сөз алып, Еріктілер жылының маңызына тоқталды. Жыл аясында жеткен жетістіктерін әңгімеледі.
Білім саласында атқарылған жұмыстармен танысу үшін қала басшысы А.С.Пушкин атындағы №1 мектеп-гимназияға да ат басын бұрды. Мұнда Мұрат Дүйсенбекұлы қаладағы мектеп басшыларымен кездесіп, білім басқармасының басшысы Ж.Тәжиеваның жылдық есебін тыңдады.
Басқарма басшысының баяндауынша, биыл педагогтерді жұмысқа қабылдауда іріктеу тәртібі автоматтырылған жүйеде жүзеге асырылған. Нәтижесінде қабылданған 354 мұғалімнің 121-і жоғары оқу орнын үздік дипломмен аяқтаған, 125 магистр және шет елде білім алған 17 сапалы кадр іріктелген. Шаһардың бас ұстазы «Білім беруді дамытудың мемлекеттік бағдарламасы» аясында алдағы бес жылдықта мектептегі орын тапшылығын азайту мақсатында 64 900 орынды 85 мектептің құрылысы жоспарланғанын мәлімдеді.
– Бүгінгі таңда қаламыздағы тойхана ғимараттарын қайта құрылымдау арқылы білім ошағына айналдыру тәжірибесі бірнеше тойхана иесіне де ой салуда. Нәтижесінде, апатты мектептер 2021 жылы, сыныптағы бала толымдылығы 35-40 баланы құрайтын 12 мектеп 2022 жылы, үш ауысымдағы 19 мектептің мәселесі 2023 жылы шешімін таппақ. Мектеп салуға ниет білдіруші кәсіпкерлер саны алдағы уақытта арта түседі деп сенемін, - деді әкім.
Өз есебінде Ж.Тәжиева педагогтердің білім сапасына аса мән берілгенін атап өтті. Бұл ретте «Teach for Shymkent» жобасы арқылы ұстаздардың білімін жетілдіру мен ЖОО профессор, оқытушылар құрамын мектептерге 0,25 оқу жүктемесімен жұмысқа тарту қолға алынғанын және педагогтердің баспаналы болуы және оларға көрсетілген әлеуметтік қолдау шаралары қаралғанын айтты.
Басқарма басшысының есебін тыңдаған М.Әйтенов қала мектептерін заманауи жабдықтармен жарақталған STЕМ-зертханасымен, робототехника, химия, физика, биология секілді пән кабинеттерімен бағдарламаға сәйкес қамтамасыз етуді тапсырды.
Қала әкімі мұнан соң құрылысы аяқталған Балалар өнер мектебіне барды. Салтанатты ашылу рәсіміне қатысқан
Мұрат Дүйсенбекұлы өнер мектебінің тұсауын кесіп, ғимаратты аралап көрді. Ол алдымен көркемсурет, қолданбалы өнер шығармаларының көрмесін тамашалап, мектептің хореография залы, домбыра және қобыз сыныбымен танысты.
Мұрат Дүйсенбекұлы, сондай-ақ, мектепке дейінгі, мектептен тыс білім мекемелерінің басшыларымен кездесіп, өзекті мәселелерді тыңдады. Қалада балабақшалар саны 2018 жылмен салыстырғанда 28-ге артқан. Бүгінде жан басына қаржыландыру жүйесі аясында балабақшалардың әлеуетін арттыруда класстерлер құру жоспарлануда.
Сондай-ақ, қала әкімі білім ұйымдары арасында өткен отбасылық «Бақыт отбасынан басталады» атты республикалық байқауының жеңімпаздарын марапаттады.

 
Страница 3 из 37