Шымкент келбеті

Шымкенттік «Lux Shoes» фабрикасы заман талабына сай итальяндық технология бойынша, түркиялық «FANTES» және «COMELZ» маркалы құрылғылармен аяқ киім тігеді. Нарықта отандық өндіріске үлес қосып келе жатқан компания жақында аяқ киім тігудің жаңа желісін іске қосты. Яғни, «Lux Shoes» БК ЖШС-нің аяқ киім табандары өндірісі Шымкент қаласының «Бизнестің жол картасы – 2025» бағдарламасы аясында жүзеге асырылды.

Шымкент қаласының тұрғындарын баспанамен қамтамасыз ететін  жаңа «Қамқор» бағдарламасы маусым айында басталады.

Қаратау ауданына қарасты Асар-2 тұрғын алабына табиғи газ берілді. Мердігер мекеме арқылы ұзындығы 24 шақырымдық  құбыр жүргізіліп,  нәтижесінде 1 046 абонент табиғи газ желісіне қосылуға мүмкіндік алды.

Қазақстанда тұрғындар енді сенімхаттарды «eGov Mobile» арқылы онлайн форматта рәсімдей алады. Бұл Әділет министрлігі тарапынан көрсетілетін қызмет түрлерін цифрлық жүйеге ауыстырудың нәтижесінде қолжетімді болып отыр.Бұл туралы Қазақстан Республикасының Әділет вице-министрі Бекболат Молдабеков Шымкент қаласына келген жұмыс сапары кезінде жергілікті тұрғындарымен кездесу барысында хабарлады.

Шаһарда 2023-2024 жылдарға жылу маусымына дайындық жұмыстарына апта сайын тұрақты мониторинг жүргізілуде. Қала әкімі М.Әйтеновтің қатысуымен өткен арнайы жиында орталықтандырылған жылу жүйесіне қосылатын көпқабатты тұрғын үйлер мен мекемелердің дайындықтары пысықталып, өзекті мәселелер талқыланды.

Қаратау ауданында көшелерді жарықтандыру жұмыстары жоспарға сай жүргізілуде. 2021 жылы 31 көше жарықтандырылған болатын. Өткен жылы ауданда 27 көшені жарықтандыру жұмыстары мемлекеттік-жекешелік әріптестік аясында атқарылды. Ал биыл ауданда 30 көшені жарықтандыру жоспарда.

Адами заттың әрбіріне ең әуелі ата-анасы артық болады екен ғой. Адамға ғана емес, тірі тіршіліктің бәріне де солай. Сол аяулы ата-анамнан кезек-кезек айырылып, қара жамылып қалып едім. Осыдан бес жыл бұрын 2017 жылы әкем –Асан, одан кейін үш жылдан соң 2020 жылы анам – Баян бақилыққа аттанды.