Шымкенттегі «Петро Қазақстан Ойл Продактс» компаниясы технологиялық мүмкіндіктерін жаңғыртып, еңбекті қорғау, техника қауіпсіздік мәселелерін шешуге әрдайым басымдық береді.

ЧС учение  1

Таяуда стратегиялық нысанда жүргізілген өртке қарсы таткикалық оқу-жаттығу да ойдағыдай өтті. Компания басшылығы, өрт сөндірушілер, газдан құтқару жасағы осылайша өз дайындықтарын тағы бір рет пысықтап алды.
Жалпы, мұндай бірлескен тактикалық оқу-жаттығу жиындары жыл сайын өтіп тұрады.

Бұл жолғы іс-шараның жөні бөлек. Зауыт басшылығы автоматтандырылған нүктелік май құю эстакадасын іске қосқан-тын. Жаңа құрылғы германиялық технология бойынша жұмыс істейді. Атырау және Павлодар мұнай өңдеу зауыттарының ішінде алғаш болып қолға алынған. Бұрын оқу-жаттығу ескі эстакадада өткізілетін. Жаңа қондырғы жұмысты оңтайландырып әрі экологияны жақсартуға септігін тигізеді.

Бүгінде мұнай өнімдерін вагондарға жүктеу қауіпсіз режимде әрі күндіз-түні атқарылуда.

5 маусым күні ноу-хау жоба саналатын автоматты нүктелік құю эстакадасында өртке қарсы тактикалық оқу-жаттығу жоғары деңгейде өтті. Компанияның еңбекті қорғау, техника қауіпсіздігі және экология департаментінің директоры Нұрлан Досымбековтың айтуынша, мұндағы мақсат – өрт сөндіру мәселелерін бірлесе пысықтау, түрлі тәжірибелерді енгізу. Ықтимал төтенше жағдайларды болдырмау және жою бойынша ынтымақтастықты арттыру.

Оқу-жаттығу жиынында қызметкерлердің өз міндеттерін білуі, апатты жою кезіндегі практикалық іс-қимылдары сараланып, жедел жасақтардың әлеуеті тексерілді. Компанияның «Өрт сөндіруші» АҚ өрт сөндіру бөлімшелерінің және
Шымкент қаласының өртке қарсы қызмет гарнизонының жасағы жоғары кәсіби шеберліктерін көрсетті.

Вагонцистерналар жанған кезде көбікпен өрт сөндіру қондырғысы автоматты түрде іске қосылды, сондай-ақ, газдан құтқару жасағы күшімен зардап шегуші анықталып, ол төтенше жағдай аймағынан шығарылды, көмек көрсету үшін медициналық қызметке тапсырылды.

Жалпы тактикалық жаттығу алаңына «Өрт сөндіруші» АҚ №1 обьектілік өрт сөндіру бөлімінен 3 автоцистерна және екі арнайы техника, Шымкент қаласының өртке қарсы қызмет ганизонынан жеке құрам мен 3 техника, жалпы алғанда, 7 техника жұмылдырылды. Сондай-ақ, газдан құтқару жасағы, «Mediker» клиникасы қызметкерлері апат орнына уақтылы келіп, техниканы дұрыс орналастырып, жылдам әрекет ете білді.

«Бірлескен жаттығудың пайдасы көп»

ЧС 9

Шымкент қаласының төтенше жағдайлар департаментінің «Өрт сөндіру және авариялық құтқару жұмыстары қызметі» мекемесінің бастығы, полковник Аманбек Бейсенбаев та мұндай бірлескен жаттығулардың пайдасы көп екенін айтады. Стратегиялық нысанда вагондарға жанармайды құю, тасымалдау аймағында өрт қауіптілігі жоғары.

– Зауытқа қарасты «Өрт сөндіруші» АҚ қызметкерлері, Шымкент қаласының өртке қарсы гарнизоны қызметкерлері бірлесе әрекет етті. Дайындықты байқап көрдік. Газдан құтқару, медициналық қызметкерлерге дер кезінде хабар беріліп, дер кезінде жетіп келді. Біздің қызметкерлер де өздеріне тиісті тапсырмаларды жетік меңгеріп, кәсіби шеберліктерін арттыра білді.

Алдағы уақытта да осындай бірлескен оқу-жаттығу жиындарын ұйымдастырып тұрамыз. Соның нәтижесінде жеке құрамның шеберліктері артып отырады, - деді Аманбек Алтынбекұлы.

Қазіргі таңда компанияның «Өрт сөндіруші» АҚ-да 130 қызметкер жұмыс істейді. Еңбекті қорғау, техника қауіпсіздігі және экология департаментінің директоры Нұрлан Досымбековтың айтуынша, оқу-жаттығу сабақтары аяқталғаннан кейін барлық қызметтердің жұмысына және іс-қимылдарына талдау жасалады.

Ғани АХМЕТБАЕВ, Шымкент қаласы мәслихатының депутаты:

Ғани

Қазақ халқы Ұлы дала төсінде ат құлағында ойнап, көкпар тартуымен-ақ әлемге танылған. Жылқы шаруашылығы, атбегілік өнерді дамыту – атқа міну мәдениетімен жер-жаһанды мойындатқан ұлтымыз үшін қай кезде де өзекті. Ғасырлар бойы үзілмей, ата-бабамыздан мирас болып қалған өнерді дамыта түскен ләзім.

Шымкенттегі ұлттық спорт түрлерінен балалар мен жасөспірімдердің мамандандырылған спорт мектебінің директоры, Шымкент қалалық мәслихатының депутаты Ғани Ахметбаевтың айтуынша, Елбасы мақаласы ұлттық спортты дамытуға зор серпін берген.

Ғани Молдабекұлы бізге ұлттық спорттың бүгінгі тыныс-тіршілігі, бірқатар мәселелелері туралы әңгімелеп берді.

– Ғани Молдабекұлы, Елбасының «Ұлы даланың жеті қыры» мақаласын оқып, қандай ой түйдіңіз?

– Расында, Елбасы мақаласы ұлттық спорттың басы-қасында жүрген азаматтарға ерекше күш-жігер берді. Бүгінде осы мақаланың біздің ұлттық спортымызға көп пайдасы тиюде. Мұны көп жерлерде байқап жүрмін.
Атты қадірлейтін әрбір қазақ азаматының санасына үлкен серпіліс әкелді.

Көпшіліктің көкейіндегісін дөп басқандай болды. Ұлы далада о заманнан бастап мәдениеттің дамығаны, әр түрлі қырынан танылғанын да тағы да көкейімізге құйдық. Соның ішінде атқа міну, жылқыны қолға үйрету Ұлы даладан басталғаны нақты түйінмен, нақты ғылыми дәлелдермен айтылған. Ұлы дала жеріне мәдениет сырттан келген жоқ.

Бүгінде археологиялық қазбалардан табылып жатқан ескі жәдігерлер сол заманда мәдениеттің бар екенін байқатады. Әскерлеріміздің киімдері, төлтаңбалары, солардың бәрі ерекше әсер береді. Ер-тұрман мен үзеңгіні ойлап табу, аттың үстінде қазықтай қағылып отыру, міне, бұл Ұлы дала өркениетінің шын жетістігі.

Яғни біздің бабаларымыз жаугершілік заманда аттың үстінде еркін жүріп-тұрудың әдіс-тәсілдерін меңгерген, осындай технологияны ойлап тапқан. Ал жайдақ аттың үстінде шегедей мықтап отыра алмайтыныңыз тағы рас.

Қазіргі ұлттық спортымыздағы ат үстіндегі ойындарды алайық. Теңге ілу, жамбы ату, көкпар, аударыспақ сынды спорт түрлерінің түпкілікті тарихи мәні бар. Бұл спорт түрлері жаугершілік кезінде аттың үстінде еркін отырып соғыс қимылдарын жасау, жаттығу кезіндегі әдістерінен шыққан ғой. Аударыспақ өнері де ат үстіндегі шайқаспен біте-қайнасады, мәселен.

Жалпы қазақ халқы өзінің жеті қазынасын ерекше қастерлейді ғой. Міне, соның бәрі топтап келгенде біздің бабаларымыз шын мәнінде мәдениет дамыған, озық ойлы елдер қатарында өмір сүргенін дәлелдейді.

Ғани Ахметбаев 1

Бүгінде жылқы шаруашылығы өмірімізбен біте қайнасып, етене дамып келеді. Өз мекемемізде «Ұлы даланың жеті қыры» мақаласына орай талдау жиынын өткіздік. Одан бөлек оқу орындарында осы құндылығымызға орай ұйымдастырылып жатқан іс-шараларға да маманадарымыз ұдайы қатысуда. Ендігі кезекте ұлттық құндылықтарымызды дамытуға әрбіріміз үлес қосуымыз керек.

Мына бір жағдайды айта кетсем. Көрші облыстардың бірінде елге танылған көкпар командасы бар. Оның басшылары бірқатар мәселе көтерген ғой. Атшабарымыз бар, бірақ қорамыз жоқ дегендей. Сол мәселе осы мақаланың нәтижесінде шешімін тапты. Сондай жағдайға өзім куә болғаным бар.

– Қазақ халқының атқа міну мәдениетінің өзгелерден ерекшелігі неде?

– Қазақтың атқа міну мәдениетінің өз ерекшеліктері бар. Біз атты жақсы көреміз. Атты құлын кезінен қадағалап, дәрі-дәрмегін беріп, ерекше күтіміне мән береміз. Мұны расында, қазақтың әр баласы сүйіспеншілікпен істейді. Сайыстарға баптауында да өзгелерден ерекше жағдайымыз бар. 1980 жылдардан бері қаладағы орталық атшабарда ат дүниесімен етене жақын келемін.

Жалпы ат спорты шығынды көп талап етеді. Жылқы малын өзімізбен бірге алып жүреміз. Оларды тасымалдау керек, оның күтімі бар деген секілді. Қазір жағдай оңалып, мемлекеттің қамқорлығын сезіне бастадық. Мектепке қажетті базаларды, құрал-жабдықтарымызды түгелдеп алдық. Ат тасымалдайтын көліктеріміз бар. Бұл да – бізге жасалған үлкен қамқорлық.

Ұлттық спортты дамытуда әлі де болса бірқатар мәселелер бар. Мәселен, бізде Олимпиада ойындарына кірген конкур спорт түрін айтсақ. Осы спортта біз әбзелдерді, ер-тұрманның керек жабдықтарын шетелден аламыз. Сондағы ауыздықтан бастап барлық жабдықтары таза қайыстан істелген. Тіпті ауыздығы атқа еш зиян тимейтін етіп жасалған. Соларға қарап, таңғаламын.

Бұған дейін конкурдың аттарын жауыр болды дегенді естімедім. Мәселен, Еуропада ат зауыттарында ат әбзелдері керемет жасалады. Онда аттарға мемлекет тарапынан жіті көңіл бөлінеді. Олардың аттарын тасымалдайтын көліктеріне дейін барлық мәселесі шешілген. Біз атты жақсы көреміз дейміз.

Енді бізге де осы тұрғыдан жеткілікті қолдау керек. Осы мәселелерді шеше алсақ, расында, аттардың ұзақ өмір сүруіне жағдай жасайтын едік. Әрі жетістік те молаяр еді. 2005 жылдары ұлттық спортқа келгенімде осындай ұсыныстарымды да айтқанмын.

Шымкентте ат әбзелдерін жасайтын шеберлер бар. Ер-тоқымы, жүгендерден бастап, ноқталары, олардың тартпаларына дейін жасайды. Оны күмістен әшекейлеп істейді. Бірақ бұл кәсіппен санаулы адамдар ғана айналысады. Себебі, нарықта сұраныс аз. Енді осындай ұлттық құндылықтарды дәріптеп жүрген азаматтарға да қолдау керек сияқты. Осы мақаладан кейін ұлттық спортымыз, өнеріміз даму жолына түседі деп ойлаймын.

– Атбегілік өнердің бүгінгі дамуына қандай баға бересіз?

– Бұл өнерге де құмартып жатқан ел азаматтары да, шетелдіктер де өте көп. Бізде атбегілердің ынтымағы жарасты, бірлігі бекем. Әрдайым өздері көпшілікті жинап көкпар береді, атқарған жұмыстарына есеп береді. Ұлттық құндылығымызды насихаттау мақсатында түрлі көкпар ойындарын ұйымдастыруда.

Бір-бірімен тәжірибе алмасады. Көкпар спортының басы-қасында жүрген азаматтардың әрдайым бір-бірін қонаққа шақырып, атбегілікті дамыту жайлы әңгімелеріне куә боламын. Олар әлеуметтік желілерде де белсенді жұмыс істеп, ұлттық спортты насихаттап жүр. Мұның бәрі де ауызбіршілікке, ынтымаққа шақыратын дүниелер ғой. Қазір көкпарға барсаң қызығасың. Аттарының кереметтігі бірінен бірі өтеді. Баптары келіскен.

– Көкпар демекші, осы өнер жайында соңғы кездері бірқатар түсінбестік жағдайлар болды. Интернет беттерінде көкпарды қазандықта немесе шеңберде өткізу бойынша айтыс-тартыстар көбейді. Осы жайында пікіріңізді білсек.

– Қай спорт түрі болса да ең алдымен спортшының жарақаттан аман болуы маңызды. Ал көкпарда аттың жарақаттанбауын, шабандоздың да амандығын ойлаймыз ғой. Біз екі жыл бойы шеңбер бойынша шауып келдік. Ешбір ат жарақаттанған жоқ. Біз де бәсекені шеңбер бойынша ұйымдастыруды қолдаймыз.

Таяуда бұл мәселе шешімін тапты. 13 ақпанда Астанада өткен конгресі жиынында осы мәселе талқыға түсті. Оған 9 елдің азаматтары, жауапты басшылары қатысты. Сонда тоғыз елдің сегізі шеңберде тарту бойынша қолдап, дауыс берді. Жалпы, қазандықта қырғыз бен қазақтан басқа ешкім шаба алмайды. Көпшілікке осы шеңбермен шабу тиімді. Яғни осы жиында жарысты шеңберде өткізетін болып келісті.

– Әңгімеңізге рақмет!

Шымкенттіктер саяси қуғын-сүргін және ашаршылық құрбандарына арналған «Қасірет» мемориалының маңына жиналып, еске алу шарасын өткізді.

61645242 2234536150192672 6997782596100816896 o

Еске алу шарасы алдымен ана мен бала ескерткішіне тағзым етуден басталды. Қала әкімі Ғабидолла Әбдірахымов, қалалық мәслихат хатшысы Ғани Ташқараев, қала ардагерлері ескерткішке гүл шоқтарын қойып, тағзым етті. Одан әрі саяси-қуғын сүргінге ұшыраған ұрпақты еске алуға арналған митингте арда азаматтар бір минут үнсіздікпен еске алынды.

– Біз тарихтағы зобалаң жылдарды ұмытпауымыз керек. Өткен тарихтың ауыртпалықтарынан сабақ алып қана, алға қадам басамыз. Келешекте мұндай қателікке жол бермеуіміз қажет. Қасіретті жылдарда құрбан болғандардың туған-туыстарына өз алғысымды айтамын. Бейбіт өмірдің қадірін білейік, – деді қала әкімі.

М. Әуезов атындағы ОҚМУ доценті, Нағима Тәжімұқанова да тарихи оқиғаның ауыр зардаптарына тоқталып өтті.
Жиын соңында жиналған көпшілік далалық театр қойылымдарын тамашалады.

Сабақтастық – Тәуелсіздіктінығайту. Әділдік – барлық адамдардың заңның алдында теңдігі. Өрлеу – алға қарай дами түсу.

Тоқаев 10

ҚР Президенттігіне кандидат Қасым-Жомарт Тоқаевтың республикалық қоғамдық штабының мүшелері Шымкент қаласына келіп, сайлау алды бағдарламаның мәні мен маңызын түсіндіріп берді.

Республикалық қоғамдық штабты «Нұр Отан» партиясы Төрағасының бірінші орынбасары Мәулен Әшімбаев, ҚР Парламент Мәжілісінің депутаттары Сауытбек Әбдірахманов, Бақытжан Ертаев, Қуаныш Сұлтанов, Дархан Мыңбай, тағы басқа бірқатар қоғам қайраткерлері бастап келді.

Мәулен Сағатханұлы жетекшілік ететін республикалық қоғамдық штаб мүшелері бүгінде барлық өңірлерді аралап жүр.

Шымкент қаласындағы сайлаушылармен, партия мүшелері және жақтастарымен кездесуде республикалық штабтың басшысы Мәулен Әшімбаев Қ.Тоқаевтың тәуелсіздікті күшейтіп, мемлекеттігімізді нығайтуға зор еңбек сіңірген қайраткер екеніне тоқталды. Жалпы жиында кандидаттың негізгі үш ұстанымы – сабақтастық, әділдік және өрлеу қағидалары жан-жақты талданып, кеңірек баян етілді.

– Қасым-Жомарт Тоқаев – сыртқы және ішкі саясатта, экономика, заң шығару саласында қызмет атқарған, халықаралық саясатта мойындалған тұлға. Үкімет басшысы болып жұмыс істеген. Оның ең жоғары лауазымды қызметтерге лайық азамат екеніне Елбасының өзі баға берген еді. Тәуелсіздіктің бірінші күнінен бастап, Елбасының сенімді серігі ретінде, мемлекетімізді дамытуға қосқан үлесін ескеріп, осындай ұсыныс жасады.

Тәуелсіздік – ең қастерлі, қасиетті ұғым. Осы тәуелсіздікті баянды етуге еңбек сіңірген қайраткердің бірі – Қасым-Жомарт Тоқаев. Ол Елбасының қасында жүріп, басқа да стратегиялық бағдарламалдарды дайындауға көп үлесін қосты, - деді Мәулен Сағатханұлы Тұңғыш Президенттің саясатын сабақтастыра жалғастыруға әрекет ететін, әлеуетті күш екенін көрсететін сәт келді.

Штаб мүшелерінің жиында айтқан ойлары негізінен осыған саяды. Шымкент тұрғындары қашанда Елбасы саясатын қолдап келген. Барлық бастамаларға өз үлесін қосуда.

Тоқаев 7

Кездесуде, сондай-ақ, ҚР Парламенті Мәжілісінің депутаттары Қуаныш Сұлтанов, Бақытжан Ертаев, ҚР Парламент Сенатының депутаты Асқар Бейсенбаев, мемлекет және қоғам қайраткерлері Нұрлан Оразалин, Зауытбек Тұрысбеков, «Егемен Қазақстан» газеті АҚ басқарма төрағасы Дархан Қыдырәлі, тележүргізуші Дана Нұржігіт сөз сөйлеп, Қ.Тоқаевтың жан-жақты қалыптасқан тұлға екеніне назар аударды.

Жиын соңында партияның Шымкент қалалық филиалы төрағасының бірінші орынбасары Бахадыр Мәдәліұлы Шымкент қаласының тұрғындары тағдыршешті кезеңде Қ.Тоқаевты қолдайтынын жеткізді.

Көпір – қаланың күретамыры

Пятница, 24 Май 2019 04:00

Шымкенттегі Бадам өзенінің үстінен салынып жатқан көпір (Дамбовая көшесінен А2 тасжолына дейін) құрылысы қыза түскен. Мердігер «Қазақжолқұрылысы» ЖШС бүгінге дейін 360 млн теңгеден астам қаржыны игерген. Жалпы стратегиялық маңызы зор көпірді жыл соңына дейін пайдалануға беру жоспарлануда.

DSC 3952

Қонаев даңғылының жалғасы ретінде жүзеге асып жатқан жатқан жоба 7 кезеңнен тұрады. Көпір құрылысы мұндағы ІІІ кезең болып жобаланған. Оған 1 млрд теңгеден астам қаражат бөлінген. Мердігер мекеме құрылыс жұмыстарын былтыр қараша айында бастаған еді. Қазір құрылыс қызған шақ.

Жалпы, бұл көпірдің маңызы қаншалықты? Шымкент қалалық жолаушылар көлігі және автомобиль жолдары басқармасы өкілдерінің мәліметінше, көпір стратегиялық маңызға ие құрылыс саналады. Бүгінде Тәуке хан және Республика даңғылдары бойында күнделікті көлік кептелісін азайту өзекті мәселенің біріне айналған.

Қала тұрғындарын, жолаушыларды алаңдататын мәселе. Сол себепті Ташкент бағытына қарай шығатын баламалы жол қажеттігі сезілуде. Бұл – экологиялық ахуалды реттеудің де тиімді жолы.

Жоба бойынша Қонаев даңғылының жалғасы бойынша жүзеге асатын жол құрылысын 2022 жылға дейін аяқтау көзделген. Жалпы ұзындығы – 27 шақырым.

Шымкент қалалық жолаушылар көлігі және автомобиль жолдары басқармасы басшысының орынбасары Абай Тұрхановтың айтуынша, жол бойындағы жер учаскелерін мемлекетке қайтару бойынша қала әкімдігінің қаулысы шыққан. Бұл жұмыстарды атқаруға шамамен 7 млрд теңгедей қаражат керек.

– Қазір құрылыс үш кезең бойынша жүруде. Олар – Түркістан моншасынан бастап ескі қалашықтың іші, Сәуле шағынауданынан Ақтасқа дейінгі жол құрылысы және Бадам өзеніндегі көпір құрылысы. 2020 жылы Шымкент ТМД елдерінің мәдени астанасы болуына байланысты қалған кезеңі 2021-2022 жылдарға қалдырылған.

Қазір ескі қалашықтың ішіндегі 75 жер телімі мемлекет мұқтаждығына қайтарылды, - дейді басқарма басшысының орынбасары.

Құрылыс қайта жалғасады

DSC 4030

«Қазақжолқұрылысы» ЖШС мамандары күндіз-түні құрылыс басында. Қаржы жеткілікті бөлініп отырса, құрылысты жыл соңына дейін аяқтауды жоспарлап отыр. Бадам өзеніндегі салынып жатқан көпірдың ұзындығы – 100 метр. 3 көпір аралығынан тұрады.

Жалпы, құрылысқа 1 млрд теңгеден астам қаржы бөлінсе, қазірдің өзінде 363 млн теңге игерілді. Компания жұмысты былтыр қараша айында бастаған. Бір айта кетерлігі, сәуір айында су деңгейінің көтерілуіне байланысты құрылыс жұмыстары тоқтап қалған-тын. Мердігер мекеме өкілдері қауіпсіздік мәселесіне байланысты осындай шешім қабылдағандарын айтады.

Екі тоған да судың екпініне төтеп бере алмаған. Сол себепті ол кезеңде іргетасты нықтау бойынша жұмыстар ғана атқарылды. Мамырдың ортасына қарай қарқынды құрылыс қайта жалғасады. Құрылысшылар «Құтты мекен» ұлттық жобасы аясында салынып жатқан көпірді 2019 жылы аяқтауға уәде беріп отыр.

Тұрғындар маңыздылығын түсінуі тиіс

Таяуда ғана ҚР Парламенті Мәжілісінің депутаттары Дархан Мыңбай, Әбдіманап Бектұрғанов, Сәкен Қаныбеков, Уәлихан Қайназаров, Фахриддин Қаратаев Шымкентте болып, осынау әлеуетті құрылыс барысымен танысқан-ды. Бірқатар ұсыныстарын айтқан.

– Бұл – өте маңызды жоба. Қалада көлік кептелісін шешуден бөлек Ташкентпен, Түркістан облысының оңтүстік аудандарымен байланысты жақсарту үшін керек. Әрине, жер учаскелерін мемлекет мұқтажына қайтару үшін де тұрғындарға дұрыс түсіндіру маңызды. Нақты есеп қажет. Біз де жергілікті әкімдіктің ұсыныстарын Үкіметке жеткізуге, қаржы бөлуге қолдау көрсетуге дайынбыз, - деген еді Дархан Қамзабекұлы.

Қазір Өзбекстанмен барыс-келіс артып келеді. Бұл жоба екі алып мегаполис – Шымкент пен Ташкент арасын жақындатуға да зор сеп болмақ.

Жалпы айтқанда, жобаның болашағы өте зор. Ірі қалаларға ыңғайлы инфрақұрылым қажет. Құрылыс бағытындағы нысандарды мемлекет мұқтажына алу заң аясында шешілуі тиіс.

Қала тұрғындары да түсіністік танытатын сәт қазір. Жер учаскелерін мемлекет мұқтажы үшін алу мәселесіне байланысты штаб құрылған.

Айына 2 рет тұрғындармен осы мәселелер бойынша кездесулер ұйымдастырылуда. Оның құрамында жергілікті тұрғындар, ақсақалдар бар.

Шымкент қалалық Қазақстан халқы Ассамблеясының І сессиясы өтті

Жиын «Қоғамдық келісім формуласы: бірлік пен жаңғыруға» тақырыбына арналды.

DSC 8787

29 сәуірде Нұр-Сұлтан қаласында ҚХА-ның XXVII сессиясында ұлт болып ұйысу арқылы алға қадам басудың нақты бағыт-бағдары айқындалған еді. Қалалық ҚХА-ның алғашқы сессиясында республикалық мәжілісте айтылған ой-пікірлер тағы бір сараланып, оны іске асырудың жолдары нақтыланды.

Алғашқы сессияға Шымкент қаласының әкімі, қалалық ҚХА төрағасы Ғабидолла Әбдірахымов, Шымкент қаласы мәслихатының хатшысы Ғани Ташқараев, Шымкент қалалық Қазақстан халқы Ассамблеясы төрағасының орынбасары Мұратәлі Қалмұратов, сондай-ақ басқарма басшылары, қалалық Ассамблея жанындағы құрылымдардың жетекшілері, этномәдени бірлестіктердің, діни конфессиялардың, саяси партиялар мен ҮЕҰ мүшелері, зиялы қауым өкілдері, жалпы 1000-ға жуық адам қатысты.

Жиында қала әкімі Ғ.Әбдірахымов қалалық Ассамблеяның алғашқы сессиясының ашылуымен құттықтап, елдегі бейбітшілік пен татулықты орнықтырудағы ҚХА-ның маңызды рөлі мен берекелі бірлігімізді нығайтуда алға қойып отырған міндеттерге тоқталды. Сонымен қатар тиісті мекемелер мен ұйымдарға бірқатар нақты тапсырмалар берді.

– Қоғамдық келісім Тәуелсіздігіміздің басты тұғырына айналды. Ассамблея елімізде бейбітшілік пен татулықты орнықтыруда бірегей институт болып қалыптасты. Тұрғындары миллионнан асқан Шымкент – 100-ден астам этнос өкілдерін бауырына басқан еліміздегі ірі мегаполистердің қатарында. Біле білгенге бұл – үлкен күш.

Өткен жылы қала әкімінің аппаратында Ассамблея хатшылығы құрылып, «Қоғамдық келісім» мекемесі жұмысын бастады.

Қаладағы 15 этномәдени бірлестік қоғамдағы сан қырлы мәселелерге үн қатып, бейбітшілік пен татулықтың орнауына үлес қосып келеді. Қалалық ҚХА соңғы 5 айдың ішінде кешенді жұмыстар атқарды. Жетістікке жетуіміз үшін қазір бізге бірлік, сабыр, бір-бірімізге деген сенімділік керек, - деді қала әкімі.

Жиында, сондай-ақ, мемлекет және қоғам қайраткері Бекет Тұрғараев, ұйғыр этномәдени бірлестігінің мүшесі Данияр Сасыков, Ә.Қуатбеков атындағы Халықтар Достығы Университетінің студенті Азиз Абдувахи, Шымкент қалалық әзірбайжан этномәдени бірлестігі төрағасының орынбасары Арзу Гурбанова, жас кәсіпкер, өзбек этномәдени бірлестігінің мүшесі Данияр Мамирханов елдегі татулық туралы пен тұрақтылықтың маңызы жөнінде өз ойларын айтты.

Сессия барысында Ғабидолла Рахматоллаұлы қалалық Ассамблеяға «Нұр Отан» партиясының қалалық филиалымен бірге қоғамдық бақылау іс-шараларын күшейту, мәдениет және тілдерді дамыту басқармасымен бірге Шымкент қаласының 2020 жылы ТМД елдерінің мәдени астанасы болуына орай кешенді іс-шаралар жоспарын бекіту, ал қалалық ішкі саясат және дін істері басқармасына қоғамдық келісім саласындағы мемлекеттік саясат аясында атқарылған жұмыстарды БАҚ-та жүйелі түрде жариялау қажеттігі туралы нақты тапсырмалар берді.

Жиын соңында көпшілік назарына «Бірлігі жарасқан берекелі Шымкент» тақырыбындағы бейнефильм мен қалалық этномәдени бірлестіктердің қатысуымен дайындалған концерттік бағдарлама ұсынылды.

Қоғамдық штаб құрылды

Среда, 08 Май 2019 04:01

Nur Otan партиясының Шымкент қалалық филиалында алдағы Президент сайлауында партия құрамынан сайлауға түскен кандидатты қолдауға арналған Шымкент қалалық қоғамдық штабы құрылып, жұмысы басталды.

Штаб жұмысын партия филиалы төрағасының бірінші орынбасары Б.Нарымбетов басқарады.

Бахадыр Мәдәліұлы құрылған қоғамдық Штабтың негізгі міндеті – Қазақстан Республикасы Президенттігіне кандидат Қасым-Жомарт Тоқаевты сайлау науқаны кезінде қолдау, оның сайлау алдындағы бағдарламасын түсіндіру бойынша насихат жұмыстарын жүргізу екенін айтты.

– Nur Otan партиясы алдағы сайлауға дайындық жұмыстарын аяқтады. Үгіт-насихат жұмыстарын заң талаптарына сай, барлық күш-жігерімізді сала атқарамыз деп ойлаймын.

Үгіт-насихат жұмыстары 11 мамыр күні кешкі сағат 18:00-ден кейін басталып, 7 маусымда аяқталады. Бұл аралықта 475 іс-шара ұйымдастыру жоспарланып отыр, - деді партия филиалы төрағасының бірінші орынбасары.

Штаб құрамында қаладағы мемлекеттік мекеме, қоғамдық ұйым, этномәдени орталықтардың өкілдері, жалпы саны - 86 адам бар. Сонымен қатар 43 мобильді үгіт тобы құрылған, 11 мамырдың кешінен үгіттеуге бағытталған іс-шаралар басталады.

Бұдан бөлек штаб құрылымында Қоғамдық қабылдау бөлмесі жұмыс істейді. Онда кандидаттың сенімді өкілдері азаматтарды жеке мәселелері бойынша қабылдап, түскен ұсыныстар мен тілектердің сараптамасы негізінде қоғамдық пікірдің мониторингін жүргізеді, сайлаушылардың тілектері мен ұсыныстарын қабылдайды.

Штаб құрамында үгіт-насихат науқаны кезінде өткізілетін барлық іс-шараларды ақпараттық қамтамасыз ететін арнайы баспасөз қызметі де жұмыс істейді.

Состав членов Общественного штаба создаваемого при Шымкентском городском филиале
партии «Nur Otan» на внеочередные выборы Президента Республики Казахстан

№ п/п

ФИО

Дата рождения

место рождения

Должность

 

г.Шымкент , ул.Бейбитшилик №3    

Сотрудники Шымкентского городского филиала партии " Nur Otan»

1

Нарымбетов Бахадыр Мадалиевич

 

Первый заместитель председателя Шымкентского городского филиала партии «Nur Otan» руководитель штаба

 

2

Тулегенов Бекайдар Мусаевич

 

Заместитель председателя Шымкентского городского филиала партии «Nur Otan», руководитель фракции

 

3

Куанышбеков Бауыржан Шереханович

 

Заместитель председателя Шымкентского городского филиала партии «Nur Otan»

 

4

Айтбаев Ерлан Садырбаевич

 

Заведующий отделом организационно-контрольной работы Шымкентского городского филиала партии «Nur Otan»

 

5

Искаков Багдат Пернебекович

 

Инспектор партийного контроля Шымкентского городского филиала партии «Nur Otan»

 

6

Жиенбекова Айгерим Алмасовна

 

Консультант отдела политической работы Шымкентского городского филиала партии «Nur Otan»

 

7

Бертаев Есемхан Калмаханович

 

Первый заместитель председателя Абайского районного филиала партии «Nur Otan»

 

8

Иманкулов Абдез Рахманович

 

Первый заместитель председателя Каратауского районного филиала партии «Nur Otan»

 

9

Тлеубергенов Данияр Избасарович

 
Первый заместитель председателя Аль-Фарабийского районного филиала партии «Nur Otan»
 

10

Камбарбеков Жандос Сатыбалдиевич

 
Первый заместитель председателя Енбекшинского районного филиала партии «Nur Otan
 

11

Алибеков Арман Найманбаевич

 

Председатель МК

«Жас Отан»

 

12

Аскарова Айгерім Телгасиевна

 

Главный бухгалтер Шымкентского городского филиала партии «Nur Otan»

 

13

Борибаев Тимур Аскарбекович

 

Юрист Шымкентского городского филиала партии «Nur Otan»

 

Депутаты городского маслихата

14

Ташкараев Гани Абдуганиевич

 

Секретарь Шымкентского городского маслихата, заместитель руководителя

штаба

 

15

Жанабаев Нуркоз Сарсенбаевич

 

Депутат Шымкентского городского маслихата

 

16

Султанова Торайым Жолдыбаевна

 

Депутат Шымкентского городского маслихата

 

17

Бухарбаев Нурғазы Бактыбаевич

 

Председатель Шымкентского городского общественного совета

 

18

Сатканбаев Еркин Турниязович

 

Депутат Шымкентского городского маслихата

 

19

Сейтжанов Бауыржан Серікжанович

 

Депутат Шымкентского городского маслихата

 

20

Егизбаев Нурхан Кенесбекович

 

Директор ТОО «Шымкент жасыл қала»

 

21

Салимов             Баходир Сативалдиевич

 

Директор частной компании «Салимов»

 

22

Қозбахов Шынгыс Лесбаевич

 

Директор ТОО «Золото»

 

23

Урманов Мурад Анарбекович

 

Генеральный директор ТОО

«Водные-Ресурсы Маркетинг»

 

24

Дарменов Ермек Аманжолович

 

Директор КГУ " Специализированная детско-юношеская спортивная школа олимпийского резерва №17 города Шымкент

 

Ветераны

25

Исамудин Рысбай Наштаевич

 

Председатель городского совета ветеранов города ШЫмкент

 

26

Рахманбердиев Орынбай

 

Пенсионер,                ветеран партии

 

27

Есимова Баян Камиловна

 

Ветеран партии

 

28

Гордиенко Валерий Владимирович

 

Пенсионер,                 ветеран партии

 

29

Конысбек Байдилда

Конысбекович

 
Почетный журналист Республики Казахстан
 

30

Медеуов Шерим

 

Пенсионер, ветеран партии

 

31

Ахметов Абдулла

 

Пенсионер, ветеран партии

 

32

Султанов Женисбек Абдикеримович

 

Ветеран труда, генерал-майор

 

33

Байдаулетов Иманали Оспанович

 

Пенсионер, ветеран партии

 

34

Абдиаким Момбек Абдиакимович

 
Председатель регионального совета "Мирас" при Шымкентском филиале партии "Nur Otan"
 

35

Туякбай Бердикул Исаевич

 

Пенсионер, ветеран партии

 

36

Романова Наталья Сергеевна

 

директор государственного коммунального казенного предприятия "Дворец школьников города шымкент"

 

Сотрудники государственного учреждения

37

Сарсеева Айгуль Уразбековна

 

Заместитель руководиля аппарата акима г.Шымкент

 

38

Тилеш Нурлан Тилешович

 

Заместитель акима Абайского района

 

39

Босымбаев Даурен Абдикаримович

 

Заместитель акима Аль-Фарабийского района

 

40

Тіленшин            Ерик Керимович

 

Заместитель акима Енбекшинского района

 

41

Тажибаев Марат

Абдимажидович

 

Заместитель акима Каратауского района

 

Сфера образования и науки

42

Кожамжарова Дария Пернешовна

 

Ректор Южно-Казахстанского государственного университета имени М.Ауэзова, член партии

 

43

Рысбеков Мырзабек Мырзашевич

 
Ректор Южно-Казахстанской медицинской академии
 

44

Исабек Баршагул

Кашкыновна

 
Проректор Южно-Казахстанского государственного педагогического университета
 

45

Искаков Турлыбек Утешович

 
Советник Президента международного казахского- туретского университета 
 

46

Сагиндыкова 

Кенжекуль Актоктыевна

 

Директор научно-методического центра города Шымкент  

 

47

Соловьева Алина Робертовна

 
Учитель биологии гимназии №1 им. А.С. Пушкина, партийный активист
 

48

Аманкулова Анар Сагимбековна

 

Директор лицея №9

 

49

Искаков Алихан Турлыбекович

 
Директор Политехнического колледжа ЮКО
 

Сфера спорта

50

Жаппаркуль Жазира Абдрахмановна

 

Призер Олимпийских игр

 

51

Дилдабеков Мухтархан

Кабыланбекович

 

Призер Олимпийских игр

 

52

Катаев Нуржан Жолумбекович

 

Президент АО«Профессионального футбольного клуба Ордабасы»

 

53

Жакипов Биржан

 

Чемпион мира по боксу, заслуженный мастер спорта РК

 
 

54

Макаров Андрей

 
Обладатель Кубка мира по тяжелой атлетике, двукратный чемпион Азиатских игр, заслуженный мастер спорта РК, заслуженный тренер Республики Казахстан
 
 
 

Здравоохранение

55

Кулбаева Гүлнар Жомартовна

 

Главный врач городской поликлиники №6

 

Сфера предпринимательства

56

Исхахов Талгат Жунисбекович

 

Директор ТОО «Балл Текстиль», Член Республиканского Политического совета партии «Nur Otan»

 

57

Жамалов Бауыржан Салдарович

 

Директор ТОО «AZALA Textile»

 

58

Оспаналиева

Рашкуль Жалеловна

 

Президент ТОО «Береке»

 

59

Кушенов Меирбек Бахытович

 
Директор Шымкентского механического завода
 

60

Балабиев Нурсултан Кайратович

 

Директор ТОО «Корпорация «Headway incorporated»

 

61

Садыбеков Галим

Заирович

 

Директор     ТОО «ЛТД-Турмыс»

 

62

Имашев Кайрат Есембекович

 

Советник директора ТОО "Сервис центр 2007"

 

63

Байметов Алжан Курганбаевич

 

директор ТОО "Даулет"

 

64

Абдиев Шингис Садикаримович

 

главный директор      

ТОО «PionerGreenProdex»

 

65

Кабиштаев Нурлан Орынбасарович

 

Директор НКП

«Атамекен"

 

66

Аюпов Рашид Абдуллаевич

 

Председатель правления АО "НК" СПК "Шымкент"

 

67

Молдасеитов КайратКусейнович

 

Председатель Регионального совета Палаты предпринимателей г.Шымкент

Президент холдинга ТОО «OTAU Group»

 

68

Денисов

Владимир Иванович

 

Президент АО «SCAT»

 

69

Ерметов

Гайбилла Назарметович

 

Генеральный директор

ТОО «Дани нан»

 

70

Злавдинов

Вельким

Ильич

 

Генеральный директор

ТОО ЗБН «Визит»

 

71

Толендиев

Ануар

Расулович

 

Директор

ТОО «А.Р.Т. – Курылыс»

 

72

Зейнетаев АбзалСкендерович

 

Директор ТОО «Grant СтройGrup»

 

Представители неправительственных организаций и общественных объединений

73

Утегенов Шарипбай

 

Председатель Республиканского союза ветеранов афганской войны

 

74

Асанов Латипша Каймаханович

 

Председатель Турецкого этнокультурного центра

 

75

Хашимжанов Икрам Акрамович

 

Председатель республиканской ассоциации «Дустлик»

 

76

Торопов Вадим

Александрович

 

Председатель общественного объединения "Общество инвалидов" города Шымкента

 

77

Пак Роза Викторовна

 

Председатель корейского этно-культурного центра Шымкента

 

78

Абишева Хадиша Агзамовна

 

Председатель общественного объединения "Правовой центр женской инициативы" Сана-Сезим

 

79

Андабаев Абай Бахытбекович

 

Президент общественного фонда «Оңтүстік жастары»

 

Сфера культуры

80

Вербицкий Игорь Владимирович

 

Директор русского драматического театра

 

81

Леубаева Акмарал Пернебекқызы

 

Айтыскер-акын, заместитель директора Шымкентского городского музея национальных традиций

 

82

Шымыркулов Еркинбек Уксикбаевич

 

Актер, деятель культуры РК

 

83

Достаев Марат Камбарович

 

Актер

 

Сектор правовой деятельности

84

Кулбаев Толебай

 

Пенсионер правоохранительных органов, юрист

 

Сектор пресс-секретариата штаба

85

Хикметова Патима Садуллаевна

 

Пресс-секретарь Шымкентского городского филиала партии

 

86

Капбарова Айгуль Жарылкасыновна

 

Главный редактор газет "Шымкенткелбеті", "Панорама Шымкент"

 

Мұхамеджан ТАЗАБЕК, «Асыл арна» телерадиокомпаниясының бас директоры, ҚР Еңбек сіңірген қайраткері:

381A3199

– Мұхамеджан Оразбайұлы, Рамазан айының қарсаңында өзіңізбен қайта жүздесудің сәті түсіпті. Биылғы Рамазанның ерекшелігі қандай болмақ? Дайындығымыз қаншалықты?

– Әр жылдың өзінің несібесі бөлек болады ғой. Биылғы Рамазанның да қуанышы мол. Бір жағынан көп адамдардың жазғы демалысқа шығып, арқасын кеңге салып, жеке құлшылығына көбірек уақыт табатын мүмкіндік дер едім. Бұл айда жақсылықтар еселенетін болғандықтан, сауап істі көбейткен жөн.

Мал-дүниеңізбен де, уақытпен де. Кішкентай-үлкен деп қарамау керек. Мәселен, жылда пітір садақа 300 теңгеге жық болып бекітіледі. Кейбір ауқатты деген адамдардың өзі сол 300 теңге беруден аса алмай жатқанын көреміз. Ол 300 теңге – ең минимальді, мүмкіндігі жоқ адамдар үшін. Жағдайыңыз кеп тұрса, отбасыңыздағы әр адам үшін 10 мың теңгеден пітір садақа беріңіз.

Құдай ризалығы үшін атқарылған амал ешқашан далаға кетпейді – береке-рахатын өзіңіз, ұрпағыңыз көреді.

Екіншіден, қасиетті айдың қарсаңында елімізде үлкен саяси өзгерістер болуда. Президент сайлауына дайындық басталып кетті. Бұл бір рухани кемелдікке деген ұмтылыс қатар келіп отыр.

Оның да бір қайыры бар ғой. Елдегі саяси шешімдер мемлекетіміздің кемелдігі үшін, тұрғындардың қауіпсіздігі мен өсіп-өркендеуі үшін аса қажет жағдай болса, ораза дүние-ақиретіміздің берекесіне малынып, ынтымақ пен берекені арттырып, рухани кеңістігімізді байыту үшін керек.

Бұл айда көп дұға істелінеді. Көп адамдардың ғибадаты қабыл болады. Қасиетті ай аяқтала сала өтетін сайлауда ел таңдауына еге боп, мемлекет басқаратын азамат та жұртын жерге қаратпайтын дана шешімдер егесі болуын Рамазан айында көп сұрауымыз керек.

– Президент сайлауының да мерзімі белгіленді. Бұл науқанда неге мән беруіміз керек?

– Кез келген адам өзін толыққанды тұлға ретінде сезіну үшін отбасының мүшесі болуы маңызды. Ал енді оның азаматтық келбеті қалыптасуы үшін оған бір туысқандық орта керек.

Одан кейін қоғамды сезінуі, әлеммен бір қарым-қатынаста болуы үшін бір ұлттың өкілі болып, сол ұлттың туын көтеріп, сол ұлттың қамын жеп, қасиетін бойына сіңіріп, дәстүрін, салтын насихаттап өмір сүруі қажет дүние. Енді сол ұлт есесін біреуге жібермей, әлемдік қауымдастықта өзінің жолын айқындап, болашақ бағытын бағдарлап, ғұмыр кешуі үшін ол мемлекет болып өмір сүруі керек.

Ал сол мемлекет өркендеп-өсуі үшін, азаматтары бұл дүниелік игіліктерін молынан қамту үшін, оның мемлекет басшысының әділ сайлануы, халықтың ниет-ықыласымен, тұғырына қонуы аса маңызды жағдай. Бұл рухани тұрғыдан да, тарихи сана тұрғысынан да, кез келген адамның азаматтық позициясы тұрғысынан да маңызды іс-шара деп есептеймін.

Біз қандай да бір жыр-термені немесе өнерпаздың өнерін тамашалағанда, оны жанды дауыста тыңдағымыз келеді. Оның жүрегінен сол сәтте шығып тұрған ырғақ сенің жан-дүниеңе құйылады да оның әсері басқаша болады.

Тура сол сияқты сайлау да, сенің үйіңнен шығып, сайлау учаскесіне дейін өзіңнің ниетіңмен барып, ақ қағазды қолыңа ұстап, қалаған адамыңа таңдау жасау да жанды дауыста өнерпаздың қасиетін қабылдаған сияқты тірі амал. Ол міндетті түрде нәтижеге алып келеді. Өзіңнің мүмкіндігің бар іске үлес қоспау, керісінше, зиян әкелетіні бар.

Мен бұл орайда екі нәрсені бөліп айтқым келеді. Мойындауымыз керек, кейбіріміз әлі рулық, тайпалық деңгейде жүрміз. Руымыздың аты озса екен дегеннен арыға өте алмай, ал біріміз жерлестік деңгейде желпініп, жерлесіміздің туын көтеруге іштей де, сырттай да дайынбыз. Ал енді біріміз ұлттық деңгейге көтерілдік.

Бірақ сол деңгейге көтерілгенмен, ұлт пен мемлекетті қабыстыра алмай қиналып жүрген жайымыз да жоқ емес сияқты. Ру – біздің тегіміз, тарихымыз, шежіреміз. Оны білу маңызды. Бірақ бізді тек ру емес, Ту біріктіруі керек қой.

Мемлекет -менікі, Елбасы - менікі, шекара - менікі, бұл мемлекеттің табысы да менікі, бұл мемлекеттің мәселесінің де маған қатысы бар деп, соған жанашыр, қамқор, үлкен жүрекпен қарым-қатынас жасай алмай жатқанымыз да рас.

Мемлекеттік деңгейде ойланатын азаматтар да, әрине, жоқ емес. Бірақ, өкінішке қарай, көп емес.

Жалпы мемлекеттің тасы өрге домалап, қандай да бір жерден елдің аты жақсы жағынан шығып жатса, біз оған тез арада ортақ болуға тырысамыз. Ал қандай да бір жемқорлығы, қандай да бір шалағайлығы, қателігі болса, оны бізден бөлек қарастыруға, сырттан тұрып, сынайтынымыз тағы шындық.

Бұл да біздің әлі мемлекетшілдік құндылықтарды сіңіре алмай жатқанымыздың көрінісі емес пе?! Елді басқарған адамның қадірін біреу біледі, біреуі білмейді. Елбасымыздың жақсылығын көре алатын қырат-деңгейге әлі көтеріле алмаған секілдіміз. Құдықтағы құрбақаға аспан теңгедей көрініпті дейді ғой. Әрқайсымыз мемлекеттік мәселеге өз құдығымыздың түбінен қарап жүрміз.

Қазақ - «Ханның сырын құл білмейді. Құлдың сырын кім білмейді?» деген. Жете білмейтін жағдай жайлы да асығыс сөйлейміз. Байқайсыздар ма, біз қазір тек эмоциямен өмір сүріп жүрміз. Ашуланып пікір білдіреміз, қызбаланып қарым-қатынас жасаймыз.

Эмоция – керек. Онсыз адам баласы өмір сүре алмайды. Бірақ біз эмоциямызды барлық жерге тықпалаймыз. Мемлекеттіміз жайлы таусылып сөйлейміз, Елбасы жайлы пікірімізді де екіленіп айтамыз. Осы мемлекетте қазір бар құнды дүниелер өз-өзінен пайда бола салған жоқ қой.

“Жедел жәрдемнің” уақтылы келіп, полицияның тұрақты жұмыс істеп, бағдаршамдар өшіп қалмай, наубайханаларға үздіксіз бидай кеп тұруында да Елбасы құрған саяси системаның сілемі жатыр. “Ара бал жинаған жерден жылан у жинапты” дейді ғой. Жақсылықтарды да көре білсек, қанағат-шүкіріміз де артар еді. Бұдан жаман күнімізде де тойға барған халықпыз. Тәубә айтуымыз тоқтамаса, Құдайдың берер ризығы азаймайды.

– Елордаға Тұңғыш Президенттің аты берілуі турасында қоғамда түрлі пікірлер бар. Бұл қаншалықты дұрыс шешім екенін тарқатып айтып берсеңіз...

– Нұр-Сұлтан есімінің Астанаға берілуі – дұрыс заңдылық. Ел ішіндегі түсініспеушілік оның формасынан туындады. Негізінен «бұл шешім мүмкін араға уақыт салып, қабылдануы керек пе еді?!» дегендей пікірлер бар.

Бірақ негізінде ол бүгін бола ма, ертең бола ма, түптің түбінде ол қаланың аты Нұр-Сұлтан аталуы бір жағы заңдылық еді. Мысалы, Бауыржан Момышұлына Кеңес Одағының батыры деген атақ берілмесе де, халық ол кісіні батыр деп атап кетті. Өйткені ол батыр деген атқа лайық еді.

Кеше ғана қазағының саны 20 пайызға да толмайтын құрттай қаланы бүгін көк туы желбіреп тұрған елдің асқақ астанасына айналдырған Елбасыдан қала атын не үшін қызғанамыз? Көше басында өмір сүрген көшелі ақсақалдың атына да жолдың атын беріп жатырмыз ғой.

Тәуелсіз Қазақстанның астанасы Тұңғыш Президентіміздің есімімен аталмағанда, енді қалай аталуы керек? Америкалықтар да астаналарын АҚШ-тың бірінші президенті - Джордж Вашингтонның құрметіне солай атаған жоқ па? Сондықтан, түсініспеушілік Нұр-Сұлтан атының берілу мазмұнында емес, орындалу формасындағы асығыстықтан болар.

Бірақ тарихи шешім қандай формада болсын жүзеге асты. Ақыры Нұр-Сұлтан атанатын шаһар болса, болар істің тезірек іске асқаны да жөн ғой.

Астанаға атын берумен Нұрсұлтан Назарбаевтың қадір-қасиетін толық түсініп, бағасын білдік деп те айта алмаймын. Тұңғыш Президентіміздің тарихи миссиясын қазіргі қазақ өтпелі кезеңде өмір сүріп жатқанын шынайы сезінген адам ғана толық түсінеді.

Ал енді «Маған тікелей пайдасы тисе ғана қолдаймын. Ал маған қатысы жоқ болса, шаруам қанша?!» дейтін адам ешуақытта жылы сөз айта алмасы анық. Елбасыдан кейінгі Президентке де бағынып, қалтқысыз ісімізді жасап жүре береміз. Мәселе адамның аты мен фамилиясында емес, оның тұлғасы мен миссиясында және оның статусына байланысты.

Біле білсек, Алла Тағала басшыны халықтың лайықтылығына қарай береді. Президент – халықтың проекциясы, жиынтық образы. Он сегіз миллион Қазақстан халқын сығып жіберсе, Назарбаевтың тұлғасы сомдалар еді. Тәуелсіздік тарихындағы бір дәуір аяқталды ғой. Енді қандай басшыға лайықпыз, пейілімізге қарай бірер айда мәлім болмақ.

Ал халық пен билік – су мен бу сияқты. Осы халықтың ішінен шыққан жігіттер министр, депутат боп жүр. Елбасының шетелден әкелген шенеунігі жоқ. Ел - есті бала тәрбиелесе, олар ертең атқа мініп, ұлық болғанда ұлтқа қызмет етеді.

Өйткені, психологтар дәлелдеді - байлық пен билік адамды өзгертпейді екен. Шынтуайтында, қандай адам екендігімізді көрсетеді екен. Атақ пен ақша біткенде шын бет-бейнемізді ешкімнен жасыра алмайды екенбіз ғой.

– Жастар жылының басталғанына да 4 ай өтіп барады. Бұл жылда не істелінуі керек деп ойлайсыз?

– Жалпы, елімізде жастарға мотивация беріп, білім-ғылымда, кәсіп бастауда, немесе шетелге шығып, озық білімді игеріп келуде өте жоғары деңгейде жағдай жасалды. Соның бірі «Болашақ» бағдарламасы – теңдесі жоқ жоба. Жастар дегенде мен екі нәрсеге мән бергім келеді.

Кез келген адам айтқанды емес, көргенді істейтіні рас. Бізде жастардың әрбір сәтте сезінетін, үлгі болатын тұлғаларымызды сол жастардың түсінігіне сәйкес, насихаттау жетіспей жатыр. Өйткені, «ұяда не көрсең, ұшқанда соны ілесің». Демек жастарды 100 күн оқытқаннан гөрі аузы дуалы, белгілі, жастардың сырын түсінетін бір тұлғаның қасында бір күн жүруі оның өміріне азық болуы мүмкін.

Энергиясы таусылып бітпейтін мотивация болмақ. Тұлғаға кенде халық емеспіз ғой. Бірақ сол тұлғалаларды жастардың қабылдайтын талғам деңгейінде мемлекеттік деңгейде насихаттай алмай жатырмыз.

Шынтуайтына келгенде, қоғамда өз ісінің майталманы болып, адами тұлғасына кір келтірмейтіндей тұлғасын сақтай алып, қоғамның кез келген үрдістеріне белсене кірісіп, елдің арасында жүріп, кәсіп жасап, атағы мен абыройын саудаға салмай, еңбегімен өскен тұлғаларымыз баршылық.

Мәселен, Жақсылық Үшкемпіровті ұлттық деңгейдегі батыр деп айтар едім. Бірақ сол адамның өмір жолындағы жүйелі дамуы мен құнды қасиеттерін жастарға лайықты түрде насихаттай алмай жатқандықтығымыздан, жастар ол кісіні жай бір аңыз адам ретінде біледі.

Ал біз кейде Батыстың мотиваторларын әкеліп, дәрістер өткіземіз. Бірақ олар өз елі, өзінің өмір сүрген ортасының қазанында піскен өнімді ұсынады. Ал ол менің жүрегіме сіңе ме, сіңбей ме, ол бөлек нәрсе. Осы елде өмір сүрген, кешегі Кеңестік қыспақтармен, ала қап арқалаған апалардың өмірімен таныс тұлғаларды дәріптей білуіміз керек. Біздің менталитетімізде белгілі бір абыройлы азаматқа қарап бой түзеу бар. Ол – қанымызда бар қасиет.

– Жастар дегенде отбасы құндылығы айтылады. Бүгінде отбасы құндылығын бағалап жүрміз бе? Өйткені, қоғамда ажырасу белең алды...

– Жастар - жаңалыққа құштар ғой. Сондықтан да болар, әлеуметтік желі, интернеттегі жаңалықтардың бәрін жүрегін ашып қабылдап жатыр. Пранк, вайнер, әзілкештер, поп-мәдениет отбасы құндылығына шақырып жатқан жоқ.

«Жастық қуатыңды ойна да күлге сарқа пайдалан» деп насихаттауда. «Ойла да, біл» деп жатқан жоқ. Бір мысал айтайын. «Гауһартас» деген әйгілі ән бар. Сонда «Ажарың ашық екен атқан таңдай. Екі көзің нұрлы екен жаққан шамдай. Анаңнан сені туған айналайын. Күлім көз, оймақ ауыз, жазық маңдай» дейді.

Былай қарасаң, қыз балаға қатысты айтылып тұрған, махабаттың тамшысындай, мөлдіреп тұрған ән. Бірақ бір деталь – кешегі өткен текті, намысты бабаларымыз қызға сезімін жеткізген кезде оны әке-шешесінен бөліп қарастырмаған. Қараңыз, «анаңнан туған сені, айналайын» дейді. Міне, тектілік! Қыздың тегін мақтап, тәрбие берген ата-анасын құрметтеп, қыздың отбасылық құндылығын бірге қарастыруда.

Сол кездегі елге еге болатын, тізгінді ұстайтын, бала-шағасына, әйеліне тәрбие беретін, болашақ әке болатын жігіттің сенімі мен көзқарасы осылай еді.

Ал қазір жігіттер әлеуметтік желіде, клубта, түрлі басқосу кештерінде қыздың осындай қасиеттеріне мән бере ме? Ол қандай тектен шықты, тәрбесі қандай, әлеуметтік мәселесі, көзқарасы дегеннің бәрі ұмыт қалып қояды. Сөйтіп үйленеді. Ал ондай жігіт отбасылық құндылыққа толы жауапкершілікті мойнына жүктеуге дайын емес.

Қыз бала ана болуға дайын емес. Содан қазақ даласында жас отбасылардың ажырасуы үштен бірге жетті. Бұл – өте өзекті мәселе.

Отбасылық құндылықты жүйелі насихаттау – Жастар жылында ең үлкен қажет дүние. Қомақты қаржы табудан бұрын, елдің қамын ойлаудан бұрын, отбасының тізгінін ұстай білуге дайынмын ба дейтін бір қам-қарекет аса қажет қазір.
Біз неден кенде болып жатқан қоғамбыз?

Біз тұлғаға кенде болып жатырмыз. Ақсақалы жоқ жетім қоғамбыз. Біз қызға қырық үйден тыйым салатын, келінге ыммен-ақ түсіндіретін ақ жаулықты әжеге мұқтажбыз.

Қыз кезінде керемет келіншек болуды ойламаса, келіншек болған кезде әже болып, қартаюды ойламаса, қазына қария аспаннан жаумайды ғой? Жақсы келіншек болатын адам қыз кезінен соған ыңғайланады. Қыз кезінде әкесіне еркелеп өскен қыз өскенде қылықты келін болады. Күйеуінің отбасына береке кіргізеді. Бәрі отбасы кезінде қалыптасады.

Міне, ұл жауапкершілікті сезінсе, қыз болашақ ана екенін сезініп өссе, одан қайраткер де шығады. Кәсіпкер де шығады. Ұлтқа сөз келтірмейтін тұлғалар шығады. Жастарға ұлттық құндылық бәрін береді.

– Шымкент қаласының мегаполис болғанына да 1 жылға жуықтады. Қаладан қандай өзгерістерді байқадыңыз?

– Әрине, өзгерістер көп-ақ. Ұшақтан түсе салып байқаған мына бір жағдайды айтсам. Келген бойда жігіттер түнгі сағат 12-ден асқанда шайға шақырды. Қалада демалыс орны бар екен. Сол жерде шығыс дәмханасы ашылыпты. Түнгі қалада серуендеп жүрген адам көп.

Тіпті, бір келіншек кішкентай сәбиін қыдыртып жүр. Түнгі сағат 2-де. Қауіпсіздік, сенімділіктің пайда болғаны риза етті. Бұл – қалаға кірген беттегі әсерім.

Жалпы қалада адамдардың жаңа идеядан, жаңалықтан қорықпай іске кірісетіні де көзге ұрып тұр. Бұл екі нәрсеге байланысты. Халқы жасампаз болса, идеядан тәуекелден қорықпайтын болса, оған сондай басшы келеді. Идеялардың жүзеге асуына түрткі болатын, мәселені жоғарыдан отырып, шешіп жіберетін әкім бұйырады. Мәселен, әлемдік озық үлгілі жобалар Шымкенттен көрініс беріп жатыр.

Бұрын қаланың жан-жаққа үлкейіп жатқанына уайымдайтын едім. Қазір шалғайдағы шағынаудандарда қыдыратын, демалатын орындар пайда болыпты. Тұрғындар орталыққа бармай-ақ, өзі тұратын аумақта бала-шағамен сейіл құрып, саламатты өмір салтын ұстана алады.

Тағы бір қызық жағдай – қапелімде қаладан 2 сағат қонақ үйден іздеп, орын таппадық. Қалада қонақ үйлер бос емес. Міне, бұл келімді-кетімді адамдардың көптігін аңғартады. Қалада үлкен іс-әрекет жүріп жатыр. Шымкенттің аты да, заты да мегаполис болып тұр. Мұнда береке бар.

Таяуда ғана Президент Қасым-Жомарт Тоқаев та тұңғыш сапарын Оңтүстіктен бастады. Президент кез келген қадамын өлшемей жасамайды ғой. Мегаполис болып жатқан қазақтың қаймағы, құнары болған өлкеден бастауы тегін емес. Түркістан – рухани астана. Шымкент – мегаполис. Ол заңдылық, керемет үйлесім емес пе?

– Рухани құндылық деп қалдыңыз. Осы бағытты насихаттайтын «Асыл арнаның» эфирге шыққанына биыл 10 жыл толады екен. Кейде өткен жылдарға қарап қандай ой түйесіз?

– Осы сәуір айында толық 10 жыл толды. Мен осы уақыт ішінде ұрпақтың игілігі үшін кез келген жобаға тәуекел жасай білу керек деген ой түйдім. Қаншама кадрларды тәрбиеледік. Мыңдаған адам қонақ болып келді. Жүздеген жобаны іске асырдық. Күн сайын мыңдаған хат келеді.

Соның 30 пайызы «Асыл-арнадан», біздің жобаларымыздан өмірлеріне насихат, ғибрат алған, соған риза болған жандар. Жеке өзіме 200-300 адамнан ризашылық хат келеді. «Асыл-арнаның» әлеуметтік желілерде 3 миллиондай жазылушысы бар.

Құдай қуат берсе, отбасы құндылығы, отаншылдық, тарихи-танымға байланысты, тарихи санадағы құндылықтарды одан әрі де насихаттауды жалғастыра береміз. Бастысы, ел іші тыныш, Тәуелсіздігіміз баянды болсын!

– Сұхбатыңызға рақмет!

Страница 10 из 53