1989 жылы 20 қарашада бала құқықтары туралы халықаралық конвенцияға қол қойылды. Бүгінде Бүкіләлемдік балалар күні ретінде аталып жүр.

Шымкент қалалық орталықтандырылған балалар кітапханасы жүйесінің №6 кітапхана бөлімшесінде әр адамның өмірінде маңызды орын алатын құқықтық білім мен сананы қалыптастыру мақсатында құқықтық дәріс ұйымдастырылды.

Шымкенттегі №48 жалпы орта білім беретін мектеп оқушыларының қатысуымен өткен жиынды кітапханашы Гүлзира Алдабергенова жүргізді. Кітапханашы еліміздегі балалардың құқығын қорғауға арналған заңмен, әлемдік деңгейдегі құжаттардың мазмұнымен таныстырды. Сонымен қатар, іс-шара барысында балалар «Жалғасын тап», «Құқық», «Міндет» ойындарына қатысып, өздерінің құқықтық білімдерін шыңдады.

Г.ӘЛІМБЕТОВА,
Шымкент қаласының ОБКЖ
№6 кітапхана бөлімшесінің
кітапханашысы