Версия для печати

15 МЫҢ АДАМ СТАТУСЫНА САЙ ҚАЙТА ТІРКЕЛЕДІ

Пятница, 20 Декабрь 2019 03:51 Автор  Опубликовано в Қоғам Прочитано 3020 раз
Оцените материал
(0 голосов)

Шымкент қаласында міндетті әлеуметтік медициналық сақтандыру жүйесіне тіркелмеген, статусы анықталмаған әлі де 15 мың адам бар.

Ал, бұл жаңашылдықтың тиімділігін түсінгендер саны 97,4 пайызды құрап отыр, яғни МӘМС бойынша 667 688 азамат қамтылған. Бұл туралы ҚР Денсаулық сақтау вице-министрі Камалжан Надыровтың қатысуымен өткен баспасөз брифингінде айтылды.

Баспасөз жиынына вице-министрмен қатар Шымкент қалалық денсаулық сақтау басқармасының басшысы Асхан Байдувалиев, медицина ғылымының докторы, профессор Құралбай Құрақбаев қатысты.
Вице-министр өз сөзінде ел тұрғындарының денсаулығын жақсарту, яғни міндетті әлеуметтік медициналық сақтандыру жайы басты назарда екенін тілге тиек етіп, салаға бөлініп жатқан қаражат 42 млрд-тан 60 млрд теңгеге дейін өскенін атап өтті.

Брифингте белгілі болғандай, қала аумағында орналасқан 18 ірі кәсіпорын базасында емханада бекітілген кестеге сәйкес МӘМС ақпараттық-түсіндіру жұмыстары жүргізілген. Осы орайда жыл басынан бері тіркеуде тұрған, бірақ статусы жоқ 28 мың адам нақтыланып, оның ішінде 13 мың адамның дәрежесі анықталды. Қазір қалған 15 мың азаматты статусына сай қайта тіркеуге алу жұмыстары жалғасуда.

– Алдымызда тұрған басты мақсат – азаматтарға сапалы қызмет көрсету. Дамыған елдердің озық тәжірибесіне сүйеніп жасалған жаңа жүйенің қос тарапқа да тиімді болары сөзсіз. Тұрғындар өзіне ыңғайлы жердегі емханаға тіркеліп, өзі қалаған дәрігердің қабылдауына жазыла алады. Медициналық сақтандыру қоры да кепілдендірілген көмек түрлерін көрсетуге қолайлы жағдай жасаудың жаңа мүмкіндіктерін қарастыруда. Қаламыздың ауруханаларына қосымша жаңа 3-4 компьютерлік томография аппаратын алғалы отырмыз, - деді басқарма басшысы А.Байдувалиев.

Сонымен қатар, Шымкент қаласының кәсіпкерлік және индустриалды-инновациялық даму басқармасының мәліметіне сай бекітілген жоспар бойынша қалада 375 кәсіпорын мен 35 базарда және 10 сауда орталығында түсіндірме жұмыстары жүргізілген.

Сәбит ТАСТАНБЕК

Л. Гумилев атындағы ЕҰУ-дің "Журналистика" мамандығын (2004-2008) тәмамдаған. Алматы қаласында Отан алдындағы әскери борышын (2008-2009) өтеген. Республикалық «Sport», «Қазақ спорты» газеттерінде және Шымкент қаласы әкімдігінің ресми сайтында тілші болып еңбек еткен. 2013 жылдан бастап «Шымкент келбеті» газетінің тілшісі, 2016 жылдың ақпан айынан 2018 жылдың ақпан айына дейін Бас редактордың орынбасары болып істеген.