ustisia-b

Ғасырлар тоғысында әлемдік өркениетті бетке алған Қазақстан халқы тарихи да тағдырлы шешім қабылдап, жаңа дәуірге бет бұрды. Ата Заң біздің бүкіл игілікті істеріміздің қайнар бастауына айналды. Конституция – мызғымас мемлекетіміздің алтын қазығы, бірлігі мен ынтымағы жарасқан елдігіміздің бұлжымас бағдары, кемел келешегіміздің кепілі.

Бүгінде біз ортақ шаңырағымыздың шекарасын шегелеп, іргемізді мызғымастай етіп бекіттік. Тағдыр тоғыстырған, тарих табыстырған түрлі ұлт өкілдері Конституция қағидаттары төңірегіне топтасты. Әрбір азаматы өзін тең сезінетін, татулығы жарасқан Қазақ елінің, Қазақстан халқының қарымды істері бүгінде әлем жұртшылығы үшін үлгі-өнегеге айналды. Мұның өзі біздің Ата Заңымызда бүкіл адамзаттық құндылықтар мен өркениеттік игіліктердің барлығы қамтылғанын айғақтайды.

Әрине, төрткүл дүниеде орын алған экономикалық дағдарыстарға қарсы әрекет жасау, ішкі және сыртқы саясатқа ықпалы бар халықаралық ахуалды ескеру, мемлекеттік басқару жүйесі мен аса маңызды әлеуметтік мәселелерді дер кезінде шешу үшін тиімді ұлттық заңнаманы жетілдіру қажеттілігі туындаған кезеңдер де болды. Қалыптасқан жағдайдан шешімін тауып шығудың жолын табу үшін, қиындықтарды ретке келтіріп, нақты істерді іске асыру үшін Ата Заңымыздың әлеуетті мүмкіндігіне жүгінуге тура келді.

Конституцияда Республика қызметiнiң түбегейлi принциптерi ретінде қоғамдық татулық пен саяси тұрақтылық, бүкiл халықтың игiлiгiн көздейтiн экономикалық даму, қазақстандық патриотизм, мемлекет өмiрiнiң аса маңызды мәселелерiн демократиялық әдiстермен, оның iшiнде республикалық референдумда немесе Парламентте дауыс беру арқылы шешу белгіленді. Онда мемлекеттің барлық құрылымдарының, жеке азаматтардың, ұлт пен ұлыстардың, әлеуметтік топтардың мақсаттары, міндеттері, құқықтары көрсетіледі.

Осыдан 30 жыл бұрын, 30 тамызда Қазақстан халқы тарихи шешім қабылдап, еліміздің құқықтық өміріндегі жасампаз жаңа дәуіріне қадам басқан еді. Содан бері қарай тәуелсіздігіміздің тірегіне айналған Ата заң — мемлекет пен қоғамда орын алып отырған барлық саяси-экономикалық, әлеуметтік реформалардың ілгері басуына, дамудың іргетасына айналды. Ата Заңымыз қабылданған кезеңнен бері еліміз құқық пен нарықтық экономикаға арқа сүйейтін қазіргі заманғы өркениетті мемлекет ретінде қалыптасты.

Өз кезегінде еліміздің Әділет органдары да Ата заңымыздың қорғалуына, ел азаматтарының құқының аяқ асты болмауына барынша үлесін қосуда. Шымкент қаласы Әділет департаментінің атқаратын функционалдық қызметтері ауқымды. Соның ішінде сот орындаушыларының жұмысын үйлестіріп, бақылауға алу – департаменттің маңызды салаларының бірі саналады. Себебі, бізге жүгінулердің басым көпшілігі сот актілерін орындау мәселелеріне қатысты. Бұл ретте мамандарға түскен істердің сапалы орындалуы – алдымызға қойылып отырған маңызды міндет.

Айта кетейік, өткен жылдың 1-ші жартыжылдығымен салыстырсақ, биыл сот орындаушыларға түскен істер саны 62 мыңға, пайызға шаққанда 30%-ға артқан. Істер 25 мыңға, яғни 47%-ға артық аяқталған және 24 мыңға, демек 77%-ға артық талап нақты орындалды.  

Әкелерден балаларға алимент өндіру ісі де әлеуметтік маңыздылығы аса жоғары істерге жатады. Бұл санаттағы өндірістер де өз нәтижелерін беруде. Сот орындаушылардың тынымсыз еңбегінің арқасында борышкерлер бүгінде қажетті төлемдерді жасауда. Алимент төлемейтін әкелерді жұмысқа тарту шаралары жүйелі атқарылуда. Бұл ретте әкімдікке қарасты Халықты жұмыспен қамту орталығымен бірлесе жұмыс істеудің нәтижесінде 142 борышкер жұмыспен қамтылды.

Мемлекет кірісіне қаражаттарды өндіру бойынша сот орындаушыларының жұмыстары да қатаң қадағалауда. Биыл 33 мың құжат бойынша бюджетке 954 млн. теңге өндірілген, соның ішінен 469 млн. теңге жергілікті бюджеттің пайдасы болып табылады. Сол секілді азаматтардың сұраныстары да департамент басшылығының үнемі назарында. Осы жылдың 6 айында біздің қызметкерлер азаматтардың 2,5 мың өтінішін қарады. Бұл ретте халықтың арыздануының алдын алу, құқықтық сауаттылығын арттырудың да маңызы айрықша екенін атап өткен орынды. Бұл бағыттағы шараларды да ұдайы ұйымдастырып отырамыз.

Департаментке қарасты зияткерлік меншік құқықтарын қорғау бөлімі қызметкерлері де биыл үздік жұмыс нәтижесін көрсетуде. Жуырда біздің қызметкерлер полицейлермен бірігіп заңсыз жолмен қамыр қопсытқышы мен құрғақ сүт өнімдерін өндіріп келген жасырын цехты анықтап, көлеңкелі бизнестің жолын кесті. Департамент халық игілігі үшін жүктелген қызметтерді тиісінше сапалы атқаруды жалғастыруда.

 

Н.МАХАМБЕТОВ,
Шымкент қаласы Әділет департаментінің басшысы

Даму мен жаңғырудың негізі

Пятница, 27 Август 2021 00:00

Ата заңымыз – еліміздің егемендігін  айқындайтын басты төлқұжаты. Ел тәуелсіздігінің 30 жылында Конституцияның мемлекет іргесін нығайтып, әлем елдерімен терезесін тең ұстаудағы беделін  бедерлеп, ұлтымызға сенімді серпін берген, тұрақтылыққа тегеурін болып келе жатқандығын айту керек. Сол үшін де Қазақстан Республикасының Конституциясы әлемдегі жалпыадамзаттық құндылықтарды дәріптейтін ең үздік 50 конституцияның бірі болып саналады.

baglan-teleu

Тауқымет жылдар мен сындарлы сәттерді басынан өткерген еліміздің  тарих беттеріне үңілер болсақ,  хандық билік кезінде де Заңдар жинағы жарық көрген. «Қасым ханның қасқа жолы», «Есім ханның ескі жолы», Әз Тәукенің «Жеті жарғысы» - ел арасындағы түрлі мәселелерді заңмен реттеудің тиімділігін көрсеткен. Бұл жөнінде Елбасы «Қазақстандық жол» атты кітабында: «1995 жылғы Конституция тақыр жерде пайда болған жоқ. Ол егемен Қазақстанда Конституциялық құрылыс орнату үшін бұрыннан жинақталған тәжірибелерді, сондай-ақ біздің жағдайымызға сәйкес келетін ең прогресшіл шетелдік тәжірибелерді барынша толық пайдаланған еді. Сондықтан да, кімде-кім еліміздің Негізгі Заңының рухы мен маңызын терең түсінгісі келсе, оны жасаудың, қалыптастырудың тарихын жақсы білуі керек», — деген болатын.

Біле білсек, заң салтанат құрған қоғамда тыныштық пен береке, мамыражай заман орнайды. Біздің басты міндет Конституцияда көрсетілгендей, Заңның орындалуын қадағалау, мемлекет мүддесін қорғау. Ел игілігінен жеке басының мүддесін биік көретін кейбір жандар ел тұрмақ мемлекетке қауіп төндіретін әрекеттерге барып жатады. Сол үшін өз қызметімізде қырағы, үздіксіз білім жетілдіруге ұмтылуымыз қажет. Ата заңға қызмет ету деген терең ұғым екенін әрбіріміз түсініп келеміз.

Ғасырлар тоғысында  түрлі ұлт өкілдері Конституция қағидаттары төңірегінде елдіктің арқасында  бір ел, бір халық болып топтастық. Мұның өзі біздің Ата Заңда барлық адамзаттық құндылықтар мен өркениеттік игіліктің барлығы қамтылғанының көрсеткіші.

Бүгінгі уақыттағы  конституциялық нормалар -  Қазақстан халқы үшін сенімді болашақты қамтамасыз ететін даму мен жаңғырудың негізі. Конституция күнімен барша қазақстандықтарды құттықтаймын!

Бағлан ТЕЛЕУ,
Шымкент гарнизонының әскери прокуроры, әділет полковнигі

antokir

«Аntikor ortalyǵy» алаңында тікелей эфирде Ветеринариялық қызметінің директоры Н.Зейнолла мекеменің қызметі мен ауыл шаруашылығы жануарларын бірдейлендіру мақсатында атқарылған жұмыстармен таныстырды.

Эфир барысында спикер 24 түрлі ауруларға қарсы профилактикалық екпе және диагностикалық зерттеулер жүргізіліп отырғандығынан хабардар етті.

Оның айтуынша, қала тұрғындарынан қаңғыбас ит, мысықтар бойынша көп өтініштер келіп түседі. Ұсталған ит пен мысықтар Абдул- абад елді мекенінде уақытша оқшаулау орталығында 3 күн ұсталынады. Оның иесі іздестіріледі, егер табылған жағдайда ветеринариялық құжаттары көрсетіліп, жануарларын алып кете алады. Сондай-ақ, бірдейлендіру жұмыстары, төлдеріне сырға салу және де эпизотияға қарсы екпе жұмыстары жүргізіледі.

Ауылшаруашылығы жануарларын бірдейлендіру жайына тоқталған Нұрсұлтан Зейнолла аталған салада ветеринария саласын цифрландыру жобасын жүзеге асыру жоспарланғандығынан хабардар етті.

Спикердің айтуынша көпшілік тұрғындар сатып алған немесе белгілі себептермен сойған малы туралы кезінде тұрғылықты жердегі ветеринар мамандарға хабар бермегендіктен, уақытылы кіріс-шығыс есебі жүргізілмеу салдарынан бүгінгі таңда, статистикалық мәлімет пен дерекқор базасындағы айырмашылықтарды бір жүйеге келтіруде қиындықтар туындауда. Ал жаңа жүйе сол олқылықтардың алдын алып, үйден шықпай-ақ, қажетті куәлікті алуға мүмкіндік береді. Жобаның артықшылығы - ветеринария мамандарына және қала тұрғындарына цифрлық технологиялар қолданумен электронды қызметтер көрсетіледі. Электронды өтініш мобилді платформа арқылы берілсе, тікелей қарым-қатынысты тудырмай, платформа қолдану арқылы операцияларды жүргізген - сыбайлас жемқорлықпен күрес болып табылады.

Сондай-ақ, Ветеринариялық қызмет басшысы аталған салаға қатысты сұрақтар туындаған жағдайда 8(7252) 450505 және 450522 телефондары және әлеуметтік желідегі (vet_sluzhba, vet_qyzmet_shymkent) парақшалары арқылы ақпарат алуға болатындығын жеткізді.

Сондай-ақ, эфирді жүргізген «Шымкент-адалдық алаңы» жобалық кеңсесінің басшысы Ж.Қамбар Агенттікпен ауыл шаруашылығы саласында талдау жүргізілгендігінен хабардар етті.

Олжа салған 30 жыл

Пятница, 27 Август 2021 05:08

Шымкентте ел Тәуелсіздігінің 30 жылдығы мен Конституция күніне орай дөңгелек үстел өтті. «Тәуелсіз Қазақстан: Жасампаздыққа толы жылдар. Шымкент қаласының басты жетістіктері» тақырыбымен өткен жиында отыз жылда еліміз бен үшінші мегаполис қол жеткізген табыстары мен жасампаз істері, жарқын жетістіктері сөз болды.

30-zhyl-olzha

Әл-Фараби ғылыми-әмбебап кітапханасында өткен жиында Шымкент қаласы әкімінің бірінші орынбасары Шыңғыс Мұқан ел тарихына шолу жасап, Елбасының сарабдал саясатымен жүзеге асқан Қазақстанның даму моделі, Тәуелсіздікті қалыптастырудағы Ұлт көшбасшысының рөлі айшықталды.

Алқалы жиында сөз алған Шыңғыс Жұмабекұлы Қазақстанның соңғы үш онжылдықтағы мемлекеттік құрылыстағы тарихи серпілісінің, әртараптандырылған нарықтық экономиканы құруда үшінші мегаполистің алар орны ерекше екенін жеткізді. Қала халқының 52 пайызы егемендік алған 30 жылдың ішінде дүниеге келгенін және шаһар тұрғындарының орташа жасы 28-ді құрағанын айтты. Сондай-ақ, айтулы жылды шаһарда кең көлемде мерекелеу барысын атап өтті.

– Егемендік алғалы елімізде көптеген ауқымды жобалар атқарылып, соның жемісін көріп келеміз. Осы жетістіктердің ішінде Шымкент қаласы мен жұртшылығының алатын үлесі көп. Тәуелсіздіктің 30 жылдығын кең көлемде қамту мақсатында басқармалар мен аудан әкімдіктерінен ұсыныстар жинақталып, әр айға арнайы атаулар берілген. Бұл ретте биыл бірінші жартыжылдықта қала бойынша Тәуелсіздігімізді ұлықтаған 175 іс-шара өткізілді. Оның ішінде республикалық 74 ауқымды іс-шара 45 мыңнан астам адамды қамтыды. Бұл жұмыстар әлі де өз жалғасын табатыны сөзсіз, - деді Шыңғыс Мұқан.

Ұлттық құндылықтар дәріптелген басқосуда «Nur Otan» партиясы Шымкент қалалық филиалы төрағасының орынбасары Мұратәлі Қалмұратов шаһарда сайлауалды бағдарламаларының орындалуын айтты. Оның сөзінше, партияның өңірлік филиалы құрылған жылы 21 мың мүшесі болса, қазір 35 мыңға артқан. Басқосуда партияның 2025 жылға дейінгі сайлауалды бағдарламасының Жол картасы аясындағы міндеттерді іске асыру жайы сөз болды.

Ал жазушы, журналист, қоғам қайраткері Мархабат Байғұт қаламыздың рухани-мәдени саласында жеткен жетістіктерін тілге тиек етті. Жарыссөзге шыққан М. Әуезов атындағы ОҚУ проректоры Сәкен Мәжiнбеков үшінші мегаполистегі ғылым мен білімнің дамуы жайлы баяндама жасады. Қалалық мәслихаттың депутаты Рәшкүл Оспанәлиева шаһарда кәсіпкерлік көкжиегі кең қанат жайғанына тоқталды. Кәсіпкер қаланың дамуына меценаттардың қосқан үлесі зор екенін жеткізді.

Ал «Азаматтық Альянс» ҚБ төрағасы   Жұмағали Бiлiсбеков азаматтық қоғамның белсенділігі жыл санап артып отырғанын айтты. Оның айтуынша, шаһарда 1250 қоғамдық бірлестік пен 840 үкіметтік емес ұйым тіркелген. Соңғы жылдары азаматтық қоғам құруда әйелдердің белсенділігі де жоғарылағанын хабарлады.

Дөңгелек үстел барысында «Шымкент келбеті», «Панорама Шымкента» газеттерінің бас редакторы Бақтияр Тайжан, ҚР Журналистер Одағы Шымкент қалалық филиалының төрағасы, «Оңтүстік» телеарнасының директоры Уәли Қыдыров, «Қаратау дәстүрлі өнер» мектебінің директоры Біржан Байтуов, «Дустлик» өзбек этномәдени бірлестіктері қауымдастығының төрағасы Икрамжан Хашимжанов, Токио Олимпиадасының қола жүлдегері Дархан Асаділов, «Рухани жаңғыру» өңірлік жобалық кеңсесінің меңгерушісі Зәуре Оралбаева жарыссөзге шығып, Тәуелсіздіктің 30 жылдығы аясында Шымшаһарда атқарылған жұмыстар мен жеткен жетістіктерді талқылады. Сонымен қатар, «Туған қала» атты бейнероликті тамашалады.

 

А.ЖӘДІГЕРҰЛЫ

Кітаптарды «сөйлетті»

Среда, 25 Август 2021 06:32

kitaptardy-soiletti

Шымкент қалалық мәдениет, тілдерді дамыту және архивтер басқармасының бастамасымен тәуелсіздіктің 30 жылдығы аясында «Зағиптарға кітап сыйла» акциясы басталды.

Шымкент қалалық көзі көрмейтін және әлсіз көретін азаматтарға арналған арнайы кітапханасының дыбыс жазу бөліміне қаладағы 4 театрдың актерлері мен белгілі өнер иелері науқанға үлес қосуға жиналды.
Олардың ішінде қалалық мәдениет, тілдерді дамыту және архивтер басқармасының басшысы Ханзада Есенова мен басқарма басшысының орынбасары Мөлдір Кеуенова, қалалық орыс драма театрының директоры Игорь Вербицкий, Ж.Шанин атындағы академиялық қазақ драма театрының актері Еркін Шымырқұлов, Шымкент қалалық опера және балет театрының басшысы Майра Мұхамедқызы бар.

Кітапхана оқуға ұсынған 30 автордың ішінде елімізге белгілі және жергілікті ақын-жазушылардың еңбектері болды. Сахна саңлақтары өзге де әріптестерін аталған акцияға белсенділік танытып, бірлікпен атсалысуға шақырды.

Қалалық көзі көрмейтін және әлсіз көретін азаматтарға арналған арнайы кітапхана директоры Бәкір Нұрманбетовтің айтуынша, кітапханада 140 мыңнан астам кітап қоры бар. Оның ішінде 45 611 «сөйлейтін» кітапты тыңдауға болады. Дыбыс жазу бөлімінде бүгінге дейін 677 кітап оқылған. Көбейтілгені – 5931 дана.

А.ЖӘДІГЕРҰЛЫ

Дәстүрім – асыл қазынам

Пятница, 20 Август 2021 06:03

darturim

Әдет-ғұрып және салт-дәстүр орталығы Тәуелсіздіктің 30 жылдығы аясында «Дәстүрім – асыл қазынам» жобасын ұсынады. Мақсат – ұмыт қалған ұлттық құндылықтарымыз бен салт-дәстүрлерімізді ұлықтау.

Әлеуметтік маңызы зор жобаның алғашқы тақырыбы «Ерулік беру» дәстүріне арналады. Ерулік – қазақтың кеңпейілділігін, жомарттығын, қонақжайлығын паш ететін ғұрыптың бірі. 

Жаңа қонысқа көшіп келгендердің алғашында үйренісе алмай тосырқайтыны заңдылық. Сондықтан дана халық ерулік беруді ойлап тапқан. Көшіп келгендердің үйін тігуге көмектесіп, көршілер кезекпен қоныстанушыларды балаларымен үйлеріне қонаққа шақырған. Танысып-білісіп, араласуына жағдай жасаған.

Өкінішке қарай қазіргі уақытта  қалаларда бұл дәстүр ұмытылып барады. Әдетте «Көршіңіз кім?» деген сұраққа «Неше жыл тұрсам да білмеймін, танымаймын» деп жауап беретіндер көп. Сол себепті асыл дәстүрлерімізді ұмытпай, ұрпақтан-ұрпаққа жеткізіп отырғанымыз абзал.

«Дәстүрім – асыл қазынам» жобасын Әдет-ғұрып салт-дәстүр орталығының әлеуметтік желілердегі парақшаларында (инстаграм: salt_dastur_ortalygy, shymqala.etnoauyl, фейсбук: Салт-дәстүр орталығы) тамашалай аласыздар!

balalar-akterlik

Мемлекет басшысы өз Жолдауында балалардың спорттық және шығармашылық әлеуетін дамытуға ерекше назар аударды. Сондай-ақ, Қазақстан Республикасы Тәуелсіздігінің 30 жылдығы аясында биыл елімізде 1 мамырдан бастап шығармашылық тапсырыс бойынша жаңа стратегиялық шаралар қабылданды. Яғни, осыған дейін ақылы үйірмелер мен секцияларға барған балалар енді тегін қатыса алады.

Жаңа жүйемен жұмыс жасайтын орталықтардың бірі - ЖК «Паттеев». Осында 400 бала шығармашылық тапсырыс аясында тегін үйірмеге қатысуға мүмкіндік алды. Оның ішінде 200 бала деректі және ойын көркем киносына, ал 200 бала актерлық өнер бойынша үйірмеге қатысады. Үйірме «Шығыс» шағын ауданы 28 үйде орналасқан.

Бұл жобаға қатысу үшін бизнес өкілдері Artsport.edu.kz сайтында өтінім қалдырады. Ал, ата-аналар жүйеге кіріп, керекті орталыққа балаларын жаза алады.

Шымкент қаласы әкімдігінің баспасөз қызметі

balalar-uirmesin-karlylandyru

Қазақстан Республикасы Тәуелсіздігінің 30 жылдық мерекесі қарсаңында Мемлекеттік тапсырыспен жан басына қаржыландыру жобасына қатысқан жеке кәсіпкерліктің бірі - ЖК «РИТМ» үйірмесі. Аталған үйірменің жұмысымен қала әкімі Мұрат Әйтенов арнайы барып танысып, балалардың биін тамашалады.

Мұнда ата-анадан 300 өтінім түскен. Олардың ішінде 140 бала ұлттық би үйірмесіне жазылған болса, 60 бала заманауи биге, 100 бала бал билеріне қатысуға өтініш тастаған. Үйірме Қаратау ауданы «Нұрсат» шағын ауданы 208А үйде орналасқан.

Үйірмеге балаларын алып келген ата-аналармен тілдескен қала әкімі Президент тапсырмасына сәйкес биылғы жылы спорттық және шығармашылық секцияларға жан басына шаққандағы қаржыландыру жүйесі енгізілгенін атап өтті. Жаңа жоба бойынша 4 жастан 18 жасқа дейінгі балалар, оның ішінде ерекше қажеттілігі бар балалар мемлекеттік тапсырыспен кез-келген спорт секциясына, шығармашылық үйірмесіне тегін бара алатынын түсіндірді.

Мәдениет, тілдерді дамыту және архивтер басқармасының басшысы Х.Есенова осы жылдың 28-ші маусымында шығармашылық үйірмелерді жан басына қаржыландыру қағидасы Artsport.edu.kz сайтында жарияланғанын атап өтті. Оның айтуынша, бұл сайтқа осы күннен бастап, бүгінгі күнге дейін 10 жеке кәсіпкерден 24 өтінім түскен. Заңға сәйкес 8 үйірмеге жұмыс атқаруға рұқсат берілсе, 5 үйірменің құжаты кері қайтарылған. Ал қалған 11 үйірменің құжаттары қаралу үстінде екен. Басқарма басшысы қаладағы жеке кәсіпкерлерді аталған жобаға қатысуға шақырды.

Шымкент қаласы әкімдігінің баспасөз қызметі

Страница 13 из 497