Шымкенттегі физика-математика бағытындағы Назарбаев Зияткерлік мектебінің 12-сынып оқушылары Азизбек Убайдуллаев пен Асылбек Сәдуақасов Нью-Йорк университетінің грантына ие болды.

210

«Аңдарсыз» алғашқы цирк

Среда, 10 Март 2021 04:08

«Шымкент циркте» аңдарсыз жаңа бағдарлама қолға алынып жатыр. Карантин режиміне байланысты ұзақ уақыт бойы онлайн жұмыс жасаған цирк көрерменмен қайта қауышты. Циркке қатаң санитарлық талаптарды сақтай отырып қойылым қоюға рұқсат берілді-ау!..

200

Business Lady Qazaqstan» республикалық байқауы жыл сайын еліміздің түрлі аймақтарында өтіп, жеңімпаздар елордада гала-финалда өз аймағын таныстырады. Биыл байқаудың қорытындысы алғаш рет үшінші мегаполисте өтеді.

Business-Lady-Qazaqstan

Кәсіпкер қыз-келіншектерге арналған жаңалықты «Business Lady Qazaqstan» қоғамдық бірлестігінің төрайымы Сәуле Қайсар мен Шымкент қаласы Ішкі саясат және жастар істері жөніндегі басқармасының «Рухани жаңғыру» бөлімінің меңгерушісі Зәуре Оралбаева баспасөз жиынында мәлімдеді.

–Осыған дейін өткізілген байқауларға ауылдық жерлерден 200-ге жуық әйел қатысты. Онда кәсіпкер әйелдер үшін оқыту, шеберлік-сабақтары ұйымдастырылып, оның қорытындысы гала-финал – «Жыл кәсіпкері» атағы үшін жарыс болып табылады. Онда қатысушылар бизнестегі өз дағдыларын көрсету және шығармашылық әлеуетін паш ету мүмкіндігіне ие болады, - дейді С.Қайсар.

Байқауға қатысушылармен кәсіби заңгерлер, бизнес-жаттықтырушылар, шешендік шеберлік бойынша коучтер, психологтар, сондай-ақ стилистер, родологтар және басқа да мамандар жұмыс істейді.
«Рухани жаңғыру» бөлімінің меңгерушісі Зәуре Оралбаева аталған байқаудың әйел қауымына тигізетін пайдасы, беретін мүмкіндігіне тоқталды.

–Осындай іс-шараларды өткізу тәжірибесі бизнес өкілдерінің, әсіресе ауыл кәсіпкерлерінің білім мен дағдыларға қаншалықты мұқтаж екенін көрсетті. Мұндай тәжірибе байқау ұйымдастырушыларына облыс қалалары мен аудандарындағы кәсіпкерлік белсенділікті бағалауға және талдауға, әйелдердің негізінен қандай кәсіпкерлік салаларына (аймақтарда әр түрлі) тартылатынын, олар қандай білімге мұқтаж екенін, бизнесті жүргізу кезінде қандай проблемаларға тап болатынын білуге мүмкіндік берді, - деді Зәуре Абдухамитқызы.

Брифинг барысында «Рухани жаңғыру» жобалық кеңсесімен ынтымақтастық туралы меморандум жасасу рәсімі өтті. Гала-финал Шымкентте 2 сәуірде өтеді, оған Қазақстанның әр аймағынан шағын және орта бизнестің 13 өкілі қатысады.

Көктем келді гүл алып...

Пятница, 05 Март 2021 05:25

gul-3–Қараңызшы!
Тұп-тұнық таң атуда,
Кең далама
Шұғыласын таратуда.
Көктем көшіп келеді
Көктем көшіп,
Қайта оралған
құстардың қанатында.

Сырбаз ақын Сырбай Мәуленов көгілдір көктемнің келуін осындай өлең шумағымен өрген екен. Ерте көктемнің жаймашуағымен бірге көңілдерге қуаныш сыйлайтын 8 наурыз мерекесі де келіп қалды. Гүл көктемнің алғашқы мейрамында гүл сатушылардың саудасы қызатыны белгілі. Пандемия барлық салаға әсер етіп, гүл шаруашылығына да салқынын тигізді. Гүлдің бағасы былтырғыдан 10 %-ға қымбаттаған. Аналар мерекесіне орай қандай гүл көп сатылады? Оны сатып алу үшін орташа есеппен қалтаға қанша қаржы салып бару қажет?

Осы сауалдардың жетегінде Шымкенттегі гүл сататын ең ірі «Акация» сауда орнына қарай тарттық. Мереке қарсаңы болса да халықтың қарасы көп. Кіре берісінен гүлдердің қанық түсі көздің жауын алып, хош иісі майдай жағып барады. Сауда қатарларын асықпай аралай бастадым. Дина Пірімқұлова есімді ашаң жүзді әпкеміз күлімдей қарсы алды.

–Келіңіз, қалаған гүліңізді алыңыз! Қызғалдақ – 500 тг, бақытгүл (хризантема) – 800 тг, альстромерия – 500 тг, жергілікті раушан – 500 тг, голландиялық раушан – 500 тг, құтыдағы орхидея – 7 мың, ең арзан бөлме гүлі – 2 мың теңге, - деп гүлдерінің бағасын айта жөнелді.

–Қымбат емес пе?
–Мерекелік баға қымбат болады. Голландық хризантеманың үшеуі – 2400 теңге болады, раушанның үшеуі – 3000 теңге. Қызғалдақтың 11-і –
7 мың теңге болады. Жыл сайын қызғалдақ пен голландық раушан жақсы өтеді. Аналар мен мұғалімдерге көбіне хризантема гүлін алады.

gul-1–1001 дана раушан алатын романтиктер бар ма қазір?
– Бірнеше жыл бұрын 1001 дана раушан сатқанбыз. Бірақ ол кезде гүлдің бағасы арзандау еді. Қазір 51,101 дана раушан гүліне тапсырыс береді. Жақында ғана Алматыда қонаққа барып қайттым. Сонда бір бойжеткенге жігіті 1 миллионға гүл алғанын көрдім.

– Бұл гүлдердің бәрі Голландиядан келе ме? Жергілікті гүлдер де бар ма арасында?
–Раушангүл, хризантема, орхидея, бөлме гүлдері Голландиядан, альстромерия Ташкенттен келеді. Гузмания («Ана жүрегі»), «Әйел бақыты», жергілікті раушандар Ташкентте және өзіміздің Сарыағаш ауданындағы Тұрбат, Жібек жолы ауылдарының, қызғалдақтар – Сайрамның жылыжайларында өседі.
Гүл алушылардың ішінде түсіне мән беретіндер де бар екен. Гүл сатушы Дина апай: «Ақ – сыйластық, алқызыл – нәзіктік, қызыл – махаббат, сары – денсаулық пен байлықтың белгісі. Бірақ сары гүлді Шымкентте онша ала бермейді. Арасында сыйлыққа беретін алтын әшекейлердің жанына сары гүл алатын жағдайлар кездеседі», - дейді.

Сонымен «Акациядағы» ең арзан гүл – қалампыр (гвоздика). Бағасы – 200-300 теңге. Мереке қарсаңында голландиялық раушанның бойына қарап әр данасының бағасы 1500 теңгеге дейін көтеріледі. Ең қымбатқа түсетіні – бөлме гүлдері мен қорапқа салынып жасалатын гүлдер. Ал биылғы жылдың жаңалығы – «Сабынды раушан» болып тұр. Бағасы – 8-10 мың теңге аралығында. Әдетте біз гүл сатушыларын көл-көсір пайдаға кенеледі деп ойлаймыз ғой. Әсілі, олардың табысының жартысынан көбі сауда орнының жалдау ақысы, коммуналдық төлемдерімен шығып кететінге ұқсайды.

gul-2Қалада гүл сататын екінші ірі сауда дүкені Бәйдібек би даңғылының бойындағы «GUL MARKET»-тің ашылғанына екі жыл ғана болған. Салыстыру үшін бұл дүкенге де бас сұқтық. Білесіз бе, дүкеннің аурасы ерекше. Өзгеше стиль. Гүлдердің безендірілуі мен қызметкерлерінің құрақ ұшқаны ұнады. Аға флорист Айғаным Ниязбек аққудың көгілдіріндей үлпілдеген, көркімен көз тартатын сұлу қыз екен. Бұл дүкен Голландиядан келген гүлдің 200 түрі, бөлме гүлінің 3 түрінен бөлек осы Айғаныммен тартымды болып тұрғандай.

А.Ниязбек ОҚУ-дың заңгер мамандығының 4-курсында оқиды. 2017 жылы «Шымкент Аруы», 2018 жылы «Мисс Қазақстан» байқауына қатысып, ТОП-10-ға кірген бойжеткен. Қазір де «Sulu models» сән агенттігінде қосымша істейді.

– Флористика шығармашылық жұмыс болғаннан соң мені баурап алды.
Шымкентке Ресейден Андрей Фламенко, Өзбекстаннан Робен Соокиян сияқты мықты флористер келіп шеберлік сағатын өтті. Екі рет біліктілікті арттыру курсынан өттім. Монохромды гүлшоқтарын жасауды үйрендік. Басқа дүкендерге қарағанда ерекше болып көрінетін себебіміз, біздің гүлдерді әрлеу, сыртқы гүлшоғына орау тәсіліміз айрықша. Гүлдеріміздің бәрі Голландиядан тікелей ұшақпен жеткізіледі, - дейді Айғаным.

Жақсы әрі ұзақ уақытқа сақталу үшін гүлдердің түбін кесіп, салқын жерде ұстау қажет. «GUL MARKET»-те -4°С салқындықтағы арнайы мұздатқыш бөлме бар екен. Мұндағы гүлдердің бәрі экзотикалық болғандықтан, бағасы да қымбат келеді. Нақтырақ жазу үшін олардың бағасына үңілдім. Бұл дүкеннен гүл алу үшін қалтаңызға орта есеппен 15 мың теңге салып барыңыз. Ең қымбаты 200 мың теңгеге дейін саудалануда. Ең көп өтетін қызғалдақ – 299 теңге, раушан – 399 теңге.

P.S. Гүл – қымбат дейміз. Солайы солай ғой. Себебі, бізде сатылып жатқан гүлдер Голландиядан ұшақпен тасымалданатындықтан бағасы жоғары. Былтырлары жүк көлігімен тасымалданып жүріпті. Бірақ, ол кезде шетелден жүк көлігімен жеткенше 2 аптадай уақыт жоғалтады. Одан соң гүлдер бүлініп, сапасына әсер етпей қоймайды. Орайтын сыртқы қағазы да Алматы мен Мәскеуден жеткізіледі. 
Шетелде гүл өсіру жақсы дамыған. Осыдан-ақ біздің елімізде гүл шаруашылығының кенжелеп тұрғанын бағамдау қиын емес. Яғни, гүлді арзандатқымыз келсе, өз елімізде гүл егуді жүйелі түрде қолға алуымыз керек. Бірақ, көңілден қымбат ешнәрсе жоқ қой. Сондықтан, гүл көктемде гүл қыздарға қандай бағада гүл сыйласақ та артықтық етпес, иә?!

Жаңа премьера: Домалақ ана

Среда, 03 Март 2021 03:57

Домалақ анамыздың даналығы, Бәйдібек бабамыздың махаббат тарихы бейнелі түрде баяндалатын «Домалақ ана» қойылымының тұсауы 6-16 наурыз күндері Шымкент қалалық опера және балет театрында кесілмек. Әлемдік опера жұлдызы Майра Мұхамедқызы Шымшаһарға ат басын бұрғанда аталған туындыны дүниеге келтіру хақында, оның Шымкенттің визиттік карточкасына айналатынын, үшінші мегаполистің бренді болатыны туралы айтып еді. Қазақтың Майрасы тектен тек бұлай тебіренбеген екен. Шығармашылық топ небәрі 1,5-2 айдың ішінде көзсіз тәуекелге барыпты. Мысалы бұдан алдыңғы буын композиторларымыз «Абылай хан» операсын 9 жыл жазыпты.

190

Тәуекелдің кемесі суға кетпейді

Пятница, 26 Февраль 2021 04:13

Жуық арада қала дүкендерінің сөресінен «Шымкентте шығарылған» бір реттік дымқыл майлықтар (влажная салфетка) орын алатын болады. Иә, иә, енді өзіміздің «Оңтүстік» арнайы экономикалық аймағында «Далсан» ЖШС-де шығарылып жатқан отандық өнімді тұтынатын боламыз. Ақжолтай хабарды бізге кәсіпорын басшысы Дал Халил жеткізді. Өткен жылдың қыркүйек айында тұсауын кесіп, ашылғанына 6 ай болған өндіріс ошағында айына үш түрлі – 15 даналықтан 850 мың, 70 және 120 даналықтан 9 мың майлық шығарылуда.

156

Осыдан тура бір жыл бұрын біз газетіміздің бетінде «Сүйегі Шымкентте жатқан Тұрағұл Абайұлы туралы не білеміз?» және «Тұрағұлдың жерленген жері неге жұмбақ?» деген қос мақала жариялаған болатынбыз. Сонда: «Абайдың ұлы Тұрағұлдың Шымкентте қайтыс болғаны жайлы дерек болғанымен, қабірінің қайда екендігін дәлелдейтін нақты дәйек жоқ. 87 жылдан бері іздеусіз, сұраусыз жатқан тұлғаға қатысты деректер там-тұмдап кездеседі. Әйткенмен, Тұрағұл Абайұлының сүйегінің қай жерде қалғанын анықтау оңайға соқпай тұр», -деп, тағдырлы тұлғаның жерленген жерінің жұмбақ болып тұрғанын айтып, оның «Химфарм» аялдамасының маңындағы «Отбасы аллеясының» айналасында жерленген болуы мүмкін екеніне болжам жасағанбыз. Оның артынан іле-шала бүкіләлемдік пандемия басталып кетті де, тұрағұлтануда басталған ізденістеріміз тоқтап қалды.

127

Тұрағұлдың жерленген жері неге жұмбақ?

Понедельник, 22 Февраль 2021 11:45

WhatsApp Image 2021-02-22 at 12.32.19

Абайдың ұлы Тұрағұлдың Шымкентте қайтыс болғаны жайлы дерек болғанымен, қабірінің қайда екендігін дәлелдейтін нақты дәйек жоқ. 86 жылдан бері іздеусіз, сұраусыз жатқан тұлғаға қатысты деректер там-тұмдап кездеседі. Әйткенмен, Тұрағұл Абайұлының сүйегінің қай жерде қалғанын анықтау оңайға соқпай тұр. Тағдырлы тұлғаның жерленген жерінің жұмбақ болып тұрғаны неліктен?

WhatsApp Image 2021-02-22 at 12.32.18 1«Тұраш ағам 1934 жылы 6 наурыз күні, 59 жасында қайтыс болды. Шымкент қаласының орталығындағы мұсылман зиратына жерленді. Кейін сол зираттың үстінен химзавод салыныпты. Завод салынар алдында Тұраш ағаның сүйегін алатын жанашыр жақыны болмай, қабірі завод астында қалды. Ол кезде біз Шымкенттен ауысып, басқа жаққа кеткен болатынбыз».

Тұрағұлдың зираты жайында қызы Мәкеннің осы бір ауыз естелігі бізді Химфарм зауытына қарай жетеледі. Шымкент қалалық қуғын-сүргін құрбандары музейі директорының орынбасары Гүлмира Серікбаева және музей қызметкерлерімен бірлесіп, «Тұрағұлдың бейіті Химфарм зауытының айналасында» деген болжаммен сол маңға бет түзедік. Бардық. Бірақ, мекеме территориясына кіре алмадық. Зауыт әкімшілігі рұқсат етпейді екен. Бір білгеніміз, қазіргі «Химфарм» АҚ негізі 1882 жылы қаланыпты. Яғни, оның бой көтергеніне биыл 138 жыл толып отыр. Ал Тұрағұл Абайұлы 1934 жылы қайтыс болған. Яғни, зауыт оның қайтқанынан 52 жыл бұрын салынған. Демек, «Тұрағұлдың қабірі Химфарм зауытының астында қалды» деген сөз шындыққа келіңкіремейді.

WhatsApp Image 2021-02-22 at 12.32.19 1

Осы орайда «тарихтың тірі куәсі» абайтанушы ғалым Мекемтас Мырзахметұлы жоғарыдағы Мәкен Тұрағұлқызының естелігін өз аузынан естігенін айтады. «Ташкенттен келе жатқан жолда, Бадам өзенінің үстіндегі көпірден өткен соң, оң қол жақтағы Химфарм зауытының төрт қабатты ескі ғимаратының астында жатыр», - дейді ғалым. М. Мырзахметұлы да сол бір ауыз естеліктен осындай байлам жасап отыр.

Демек, ары қарай іздене түсу керек. Біз музей басшылығымен біріге отырып ізденісімізді тоқтатпадық. Музей директорының орынбасары Гүлмира Алдоңғарқызы Шымкент қалалық Полиция департаменті ААО арнайы мемлекеттік мұрағатындағы «Қуғын-сүргінге ұшыраған, сот органдары ақтаған тұлғаларға қатысты мұрағаттық қылмыстық істер» қорында Тұрағұл туралы қандай да бір дерек бар ма деген сұраумен қызметтік хат жолдапты. Өкінішке қарай, ешқандай мәлімет жоқ деген жауап алыпты.

Түркістан облысының мемлекеттік архивінен де Тұрағұлға қатысты бірде-бір мәлімет таба алмадық.

Белгілі әдебиет зерттеушісі Әсілхан Оспановтың қос ұлы Бердалы және Ералы Оспановтар Шымкенттің тарихына қатысты көп жәйттен хабардар екенін білетінбіз. Бәлкім, қандай да бір дәйек келтірер деген оймен Ерағамен байланысқа шықтық. Сол кісіден сұрастыра келе біршама тың мәліметтерге қанықтық.

–Тұрағұлдың қабірін іздемес бұрын алдымен Шымкенттің тарихын біліп алған ләзім. Қаланың Қошқар ата, Баба дәруіш деген екі пірі болған, - деп бастады әңгімесін ол.

 

Бұл туралы қазақтың халық ақыны Майлықожа Сұлтанқожаұлының шығармаларынан кездестіруге болады:

–Болғай ма біздің асан мүшкіліміз?

Ел көрер болар ма екен хош күніміз?

Қолдай гөр, Қошқар ата, Баба дәруіш,

Шымкенттегі үлкен сен ең ұстынымыз.

Мәдениеттанушы һәм есімтанушы Бердалы Оспанның «Қазақ қандай пірлерге сыйынған?» деген мақаласында «бүгінге дейін Шымкент қаласының пірі Дәруіш атаның және басқа пірлердің басына зиярат етушілер баршылық» деген дәйек келтіреді. Ал Ералы Оспанов бүгінгі қазақ зерттеушілерінің Дәруіш бабаны Қошқар Атамен шатастырып жүргенін алға тартады.

–Ізденушілер Шымкенттің пірі болғанБаба Дәруіш әулие жайлы естіп,білмеген соң Қошқар Ата өзені бастауының сағасындағы әулиенің кішігірім кесенесін Қошқар Ата (оның үстіне қаланың ортасында осы аттасөзен де ағып жатыр) әулиенің мазары деп солай таңбалауды дұрыс көрген, - деп бұрын-соңды айтылмаған тың мәліметті жайып салды.

Қош! Біздің мақсатымыз Тұрағұл Абайұлының қабірінің қайда қалғандығын анықтау болғандықтан, Ералы Әсілханұлынан соған қатысты мәліметтерін сұрай түстік.

Ералы Оспановтың сөзіне қарағанда қазіргі Ескі қалашық, Химфарм( аялдамасынан бастап Колос, Рахат, Акация маңайы мен Б.Момышұлы көшесі, №7 мектептің маңы өткен ғасырларда үлкен қорым болған. Бұл жер Дәруіш баба қорымы аталып кетіпті. Бала Ералы Баба Дәруіш жайлы алғаш әкесінен естіпті.

WhatsApp Image 2021-02-22 at 12.32.18

Оңтүстік өңірінің абызы Әдіһам Шілтерхановтың әкесі Сарманқожа Баба Дәруіш қорымында жерленген деседі. Оның әкесі Қошқар атаның соңғы шырақшысы болған екен. Бірақ, әкесі қуғын-сүргінге ұшырап, оның қабірінің қай жерде қалғанын бертінге дейін білмей келіпті. Шаянда тұратын бір ақсақал «әкеңнің сүйегіне қатысқанмын, қабірін білемін» деген соң, әлгі ақсақалмен бірге әкесінің сүйегін іздейді ғой. Сөйтсе, әкесінің жерленген жерінде қазіргі Орыс драма театрының ғимараты тұр дейді. Әлгі ата соғыстан кейін қалаға ат ізін салмаған көрінеді. Сөйтіп, Ә.Шілтерханов әкесінің сүйегі шамамен драма театрдың астында қалған деген қорытынды жасапты. Біз мұның бәрін Ералы Оспановтың «Химфарм мен Бейбітшілік көшесінің аралығында үлкен ауқымды зират болған» деген байламына көз жеткізе түсу үшін азғантай болса да тамызық болар деген оймен жазып отырмыз.

Бұл маңда қорымның болғанын Шымкент қаласының ардагер құрылысшысы Әбдуғани Ташқараев та растайды. «Қазіргі көпқабатты үйлер салына бастағанда қазылып алынған сүйектерді Қасқа қорымына апарып жерледік», - дейді. Қасқа қорымы дегені Ташкентке шығар жолдағы ескі қорым. Кейіннен Дәруіш баба Қасқа зиратына қайта жерленген. Бұдан шығатын қорытынды: «Баба Дәруіш қай жерге жерленсе, Тұрағұл Абайұлының да сүйегі сол жерде жатуы ықтимал. Бірақ, жоғарыда қызы Мәкеннің естелігінде айтылғандай, сүйегін алып кететін жанашыр жақыны болмағандықтан, Химфарм аялдамасына жақын маңда, яғни, Жангелдин көшесінің бойында қалуы мүмкін-ау» деген болжал ой түйіп отырмыз. Ал бірақ, нақты орнын ешкім тап басып айта алмайды.

Мысалы, бір жердің атауын айтқанда сол маңға жақын орналасқан ғимаратпен немесе елеулі ескерткішпен байланыстырып айтып жатамыз. Сол сияқты «Химфарм» зауытына жақын Химфарм аялдамасы жақ болуы мүмкін.

–Негізі Тұрағұл атамыздың табу мүмкін емес. Себебі, қаншама сүйектер қазылып алынып, бір шұңғырға апарып тасталынды. Алланың өзі жұмбақ қылып тұрған нәрсені адамдардың табуы мүмкін емес, - деді сөзінің соңында Е.Әсілханұлы.

Өткенде Семейдегі Шәкәрім университеті қазақ филологиясы факультетінің деканы, профессор Айбар Қадыров бастаған арнайы ғылыми экспедицияның келгенін айтқан болатынбыз. Олар да осындай байламға тоқтапты. Туған жеріне барған соң, арнайы ас беріп, құрбандық шалыпты. Енді Ә.Жангелдин көшесінің бойындағы «Отбасы» аллеясынан Тұрағұл Абайұлына арналған тұғырлы ескерткіш орнату және көше атауын беру мәселесін көтеріп жатыр екен.

–Бұл бағытта Шымкент қалалық әкімдігімен біздің әкімдік өзара байланысты жұмыс істеп жатыр. Мүсіншілерге тапсырма берілді. Олардың түрлі нұсқасының ішінен таңдап аламыз. Абай әулетінің әйгілі ұлына ескерткіш орнатып, Құран-хатым түсіреміз. Шымкенттегі үлкен бір көшенің атын Тұрағұлдың есімімен атау туралы ұсынымыз да жерде қалмас деген үміттеміз, - дейді А.Қадыров.

Шымкент қалалық қуғын-сүргін құрбандары музейі директорының орынбасары Гүлмира Серікбаеваның да өзіндік ұсыныстары бар.

–Ескерткішті Абай саябағындағы Абай музейінің алдына, қазіргі Тұрағұлға арнап Роллан Сейсенбаев қойған тас-тұғырдың қасына қойса нұр үстіне нұр болар еді. Абай саябағында Абайды зерттеген, шығармаларын ұрпаққа жеткізген ұлы Тұрағұлдың ескерткіші тұрса, тіпті, жарасымды болар еді. Сол жерде Тұрағұлдың өлеңдері Абай өлеңдерімен қатар оқылып жатса, байқаулар, фестивальдер өткізілсе, Абаймен бірге Тұрағұл есімін де жаңғыртар едік және бұл саябақ Абай-Тұрағұл саябағы болар еді. Ал көше атауына келер болсақ, қазіргі Жангелдин көшесін Тұрағұлдың атына ауыстыру керек. Сонда рухани жаңғырудың ерен үлгісін танытқан болар едік, - дейді.

Абай Құнанбаевтың 175 жылдық мерейтойы аталып өтіп жатқан мерейлі жылы Абайдың Әйгерімнен туған ұлы Тұрағұлға еңселі ескерткіш орнатылып, көше атауы беріліп жатса, бұл да тарихымыз бен қастерлі тұлғаларымызға көрсетілген құрмет болар еді.

Страница 4 из 40