Мемлекет басшысы Қасым-Жомарт Тоқаев Ұлттық құрылтайдың үшінші отырысында «Тағы бір маңызды құндылық бұл – Заң және Тәртіп. Заң алдында – бәрі бірдей. Бұл – баршаға ортақ мызғымас қағида. Мемлекет жүгенсіздікке, тәртіпсіздікке және бейберекеттікке ешқашан жол бермейді» деген болатын.
Осы орайда барлық мемлекеттік органдар қоғамда заң үстемдігінің орнауы жолында жүйелі жұмыс істеп келеді. Мәселен, ҚР Мемлекеттік қызмет істері агенттігі мен оның аумақтық департаменттері құқық бұзушылықтардың алдын-алуға, азаматтар мен мемлекеттік қызметшілердің құқықтарының бұзылуына жол бермеуге және бұзылған құқықтарын қалпына келтіруге бағытталған жұмыстарды жүргізуге басымдық беріп отыр.
Профилактикалық жұмыстар бірінші кезекте мемлекеттік қызметшілердің заңнама талаптарын және қызметтік әдеп нормаларын түсіндіру арқылы құқықтық сауаттылығын арттыруға бағытталған мемлекеттік қызмешілердің кәсіби-тұлғалық болмысын жетілдіруге бағытталған қадамдық жоспары аясында жүргізілуде. Жоспарға сәйкес мемлекеттік қызметшілерге мемлекеттік қызмет саласындағы заңнаманы және қызметтік әдеп нормаларын түсіндіру, мемлекеттік қызмет саласындағы бақылау және қызмет көрсету бағытындағы заңнамадағы өзгерістер бойынша ағымдағы жылдың ақпан айынан бастап ай сайын тұрақты түрде әдістемелік-тәжірибелік семинар-тренингтер, дөңгелек үстелдер, диалогтық алаңдар, семинар кеңестер ұйымдастырылуда. Осы орайда ағымдағы жылдың тек қараша және желтоқсан айларының өзінде қадамдық жоспар аясында департамент тарапынан «Қызметтік автокөлікті қызметтік емес мақсаттарда пайдалану фактілері бойынша шектеудің сақталуы мәселелері» тақырыбында семинар тренинг, мемлекеттік қызмет мұражайларында жоғарғы оқу орындарының студенттерімен кездесу, құмар ойынға тәуелділіктің алдын-алу бойынша атқарылған жұмыстар қорытындылары туралы дөңгелек үстел, қарым-қатынас дағдылары бойынша шеберлік сыныбы және еріктілер күніне орай арнайы іс-шаралар өткізілді.
Айта кетейік, мемлекеттік қызметтің әдеп қағидаттары мемлекеттік қызметшіге жоғары талаптар қояды. Осы ретте әрбір мемлекеттік қызметші өз іс-әрекеті және мінез-құлқымен адалдықты жеке пайдадан жоғары қоюға міндетті. Осы орайда, мемлекеттік қызметшілердің өз еріктерімен қоғамдық іс-шараларға белсене қатысуы көңіл қуантады. 2023 жылдан бастап департамент жанынан құрылған «Еріктілер кеңесі» консультативтік-кеңесші органы жұмыс істейді. Еріктілер осы уақытқа дейін 23 іс-шара өткізген.
Сонымен қатар, департамент тарапынан жүргізіліп жатқан профилактикалық талдау және тексеру жұмыстары өз нәтижесін беріп жатқанын ерекше атап өту қажет. ҚР Мемлекеттік қызмет істері агенттігінің Шымкент қаласы бойынша департаментінің осы жылдың 9 айында жүргізген профилактикалық талдау және тексерудің қорытындысына сәйкес 215 қызметшінің құқықтары қалпына келтірілген. Атап айтқанда, жұмыс уақыты режимінің сақталуы бойынша жүргізілген мониторинг нәтижесімен 130 қызметшіге тынығу уақыттарының берілуі қамтамасыз етіліп, олардың құқықтары қорғалды, талдау қорытындыларымен 53 мемлекеттік қызметшінің құқығы қалпына келтірілді, 830 000 теңге негізсіз берілген сыйақының бюжетке қайтарылуы және қызметшілерге төленбей қалған 169 028 теңге көлеміндегі іссапар шығындарының төленуі қамтамасыз етілді, тексеру қорытындыларымен 32 қызметшінің құқығы қорғалды.
ҚР Мемлекеттік қызмет істері агенттігі тәртіп пен құқық бұзушылықтарды болдырмау, олардың алдын-алу, мемлекеттік қызметшілердің құқықтары мен заңды мүдделерін қорғау бағытында алдағы уақытта да тұрақты жұмыс істей бермек.
Аянай РАЕВА,
ҚР Мемлекеттік қызмет істері агенттігі Шымкент қаласы
бойынша департаменті басшысының орынбасары
