Жеке куәліктің бажын QR-код арқылы төлеуге болады

Понедельник, 27 Сентябрь 2021 09:02 Автор  Опубликовано в Заң Прочитано 439 раз

Шымкент қаласының Халыққа қызмет көрсету орталықтарында төлқұжат пен жеке куәліктің мемлекеттік баж төлемін QR-кодтың көмегімен төлеуге болады. Бұл туралы «Азаматтарға арналған үкімет» мемлекеттік корпорациясының Шымкент қалалық филиалының өкілдері хабарлады.

Клиент құжат рәсімдеуге өтініш қабылдайтын көші-қон қызметі операторына жүгінген кезде, кассаға бармай-ақ, мемлекеттік бажды Homebank немесе Kaspi банк қосымшаларындағы QR-төлем жүйесі арқылы төлей алады. Бұл жоба «Цифрлық Қазақстан» бағдарламасы аясында мемлекеттік қызметтерді цифрландыру негізінде жүзеге асып отыр.

 

QR

 

– Бұрын QR-код көмегімен жер учаскелеріне актілер дайындау және беруге, жылжымайтын мүлікке құқықтарды, кондоминиум объектілерін тіркеуге және жер қатынастары, жылжымайтын және жылжымалы мүлік саласындағы қызметтерге, сондай-ақ заңды тұлғаларды мемлекеттік тіркеуге байланысты мемлекеттік қызметтерді төлеуге болатын. Бүгінгі таңға дейін 50-ден астам клиент QR-кодтың көмегімен төқұжатты немесе куәлікті ресімдеуді төледі, – деді мекеменің баспасөз хатшысы Алтынай Татаева.

Бұл жүйе қаладағы барлық халыққа қызмет көрсету орталықтарында жүзеге асырылады.

Айта кетейік, 2021 жылдың сегіз ай ішінде Шымкент қаласының ХҚО-лары төлқұжаттар мен жеке куәліктерді беру бойынша 13 818 мың мемлекеттік қызмет көрсетілді. Жеке куәлік үшін мемлекеттік баж мөлшері – 584 теңге, төлқұжат үшін 23 336 теңгені құрайды.

Мемлекеттік қызметтерді QR-кодтың көмегімен төлеу алғаш рет 2020 жылғы қарашада іске қосылды. Жалпы айтқанда, Мемлекеттік корпорация 662 мемлекеттік қызмет түрін көрсетеді. Сондай-ақ, QR-код әр қызмет бойынша және әр клиент үшін жеке қалыптастырылады.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Бахтияр Тайжан. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.