Абай ауданына қарасты Нұршуақ шағын ауданындағы Миялы көшесінің бойында жаңа демалыс орны ашылды. Сквер «Халық қатысатын бюджет» бағдарламасы аясында жергілікті тұрғындардың ұсынысы негізінде салынды.
Енді бұл жерде тұрғындар серуендеп, тынығып, балалармен бірге уақытты жайлы өткізе алады. Аллеяда 20 жарықшам, қоқыс жәшіктері орнатылып, 190 түп ағаш егілді.
Алдағы уақытта аудан аумағында абаттандыру шаралары кезең-кезеңімен жалғасады. Бұл бағыттағы жұмыстар «Халық қатысатын бюджет» бағдарламасы аясында, яғни, жергілікті азаматтардың ұсыныстары мен өтініштері негізінде жүзеге асырылады.
Шымкент қаласы әкімінің баспасөз қызметі
